ဥရောပ အိုလံပစ် အရာရှိ ဘရာဇီးမှာ အဖမ်းခံရ

 နိုင်ငံတကာ အိုလံပစ် ကော်မီတီမှာလည်း မစ္စတာ ပက်ထရစ် ဟစ်ကီ ပါဝင်။
အိုလံပစ် ပြိုင်ပွဲတွေ ကျင်းပနေတဲ့ ဘရာဇီး နိုင်ငံ၊ ရီယိုမြို့မှာ ပြိုင်ပွဲ လက်မှတ်တွေ တရားမဝင် ရောင်းချမှုနဲ့ ဆက်စပ်ပြီး ဥရောပ အိုလံပစ် ကော်မတီ အကြီးအကဲ Patrick Hickey ကို ဘရာဇီး ရဲတပ်ဖွဲ့က ဖမ်းဆီး လိုက်ပါတယ်။

၇၁ နှစ်အရွယ် မစ္စတာ ဟစ်ကီဟာ အိုလံပစ်ပွဲ လက်မှတ်တွေကို မှောင်ခိုဈေးမှာ ရောင်းဖို့အတွက် လက်လွှဲပေးခဲ့တယ် ဆိုတဲ့ သံသယနဲ့ အဖမ်းခံရတာလို့ ဘရာဇီး မီဒီယာတွေက ပြောပါတယ်။

မစ္စတာ ဟစ်ကီ အဖမ်းခံရပြီးနောက် မမာမကျန်း ဖြစ်တဲ့ အတွက် ဆေးရုံမှာ ကုသမှု ခံယူနေရပါတယ်။

မစ္စတာ ဟစ်ကီဟာ အိုင်ယာလန် အိုလံပစ် ကောင်စီရဲ့ အကြီးအကဲလည်း ဖြစ်ပြီး၊ သူ့ကို ဖမ်းဆီးစဉ်မှာ ထွက်ပြေးဖို့ ကြိုးပမ်းခဲ့တယ်လို့ ရဲတွေက ပြောပါတယ်။

မစ္စတာ ဟစ်ကီကို ဖမ်းဆီးတာဟာ ရီယို အိုလံပစ် ဖွင့်ပွဲနေ့က လက်မှတ် မှောင်ခိုမှုနဲ့ပဲ အိုင်ယာလန် နိုင်ငံသား Kevin James Mallon ကို ဖမ်းဆီးခဲ့မှုနဲ့ ဆက်စပ် နေတယ်လို့ ဘရာဇီး မီဒီယာတွေက ယူဆ ကြပါတယ်။

BBC Burmese
http://www.bbc.com/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ