မြောက်ကိုရီးယားအကျဉ်းထောင် လူ့အခွင့်အရေးချိုးဖေါက်မှု

မြောက်ကိုရီးယား နိုင်ငံရေးအကျဉ်းစခန်းတွင် လုံခြုံရေးကင်းလှည့်စဉ်
မြောက်ကိုရီးယားနိုင်ငံမှာ နိုင်ငံရေးအကျဉ်းစခန်းတွေကို ပို့ဆောင်ခံခဲ့ရတဲ့ ထောင်နဲ့ချီတဲ့ လူတွေအကြောင်း အသေးစိတ် အချက်အလက်တွေ စုဆောင်းပြီး၊ Kim Jong Un အပါအ၀င် မြောက်ကိုရီးယား ခေါင်းဆောင်တွေကို၊ လူသားထုအပေါ် ကျုးလွန်တဲ့ ရာဇ၀တ်မှုနဲ့ အရေးယူနိုင်ဖို့ လူ့အခွင့်အရေး လှုပ်ရှားမှုအဖွဲ့တခုက ကြိုးပမ်းနေပါတယ်။

နိုင်ငံရေးမှုတွေနဲ့ ထိန်းသိမ်းခံရသူတွေ၊ ၀န်ထမ်းတွေ၊ လက်စဖျောက် ခံရသူတွေရဲ့ အမည်တွေ၊ ဖမ်းဆီးခံရတဲ့ အချိန်ကာလ၊ စွဲချက်တင်ခံရတဲ့ အမှုတွေနဲ့အတူ အခုအထိ ဆက်လက် ဖွင့်လှစ်ထားဆဲ အကျဉ်းစခန်းတွေရှိရာ နေရာတွေ ပါဝင်တဲ့ အစီရင်ခံစာတစောင်ကို မြောက်ကိုရီးယား လူ့အခွင့်အရေးဆိုင်ရာ မှတ်တမ်းတင်ဌာန (NKDB) က ထုတ်ပြန်လိုက်တာပါ။

အစီရင်ခံစာကိုတော့ မြောက်ကိုရီးယားက ဘက်ပြောင်းခိုလှုံလာသူ တထောင်ကျော်ကို မေးမြန်းပြုစုထားတာ ဖြစ်ပါတယ်။ ဒုတိယကမ္ဘာစစ် ကာလက နာဇီတွေ ကျုးလွန်ခဲ့သလိုမျိုး၊ မြောက်ကိုရီးယားက နိုင်ငံရေး အကျဉ်းစခန်းတွေ၊ လူမဆန်တဲ့ ရက်စက်ကြမ်းကြုတ်မှုတွေနဲ့ ပတ်သက်လို့ မှတ်တမ်းတင်ခဲ့တဲ့ ၂၀၁၄ ခုနှစ်က ကုလသမဂ္ဂ စုံစမ်းစစ်ဆေးရေး ကော်မရှင်ကို အထောက်အကူပေးဖို့ ရည်ရွယ်ပြီး အစီရင်ခံစာကို ပြုစုခဲ့တာလည်း ဖြစ်ပါတယ်။

ကုလသမဂ္ဂ စုံစမ်းရေးကော်မရှင်ရဲ့ တွေ့ရှိချက် ထွက်ပေါ်ခဲ့ပြီး နောက်မှာပဲ လူသားထုအပေါ် ကျုးလွန်တဲ့ ရာဇ၀တ်မှုနဲ့ မြောက်ကိုရီးယားကို နိုင်ငံတကာ ရာဇ၀တ်ပြစ်မှုဆိုင်ရာ တရားရုံးက ကိုင်တွယ်အရေးယူဖို့လည်း ကုလသမဂ္ဂ အထွေထွေ ညီလာခံက တခဲနက်မဲခွဲ ဆုံးဖြတ်ခဲ့ဖူးပါတယ်။ ဒါပေမဲ့လည်း မြောက်ကိုရီးယားရဲ့ မဟာမိတ်တွေ ဖြစ်ကြတဲ့ ရုရှားနဲ့ တရုတ်နိုင်ငံတို့က ကုလသမဂ္ဂ လုံခြုံရေးကောင်စီမှာ ဗီတိုအာဏာသုံး ပယ်ချခဲ့တဲ့အတွက် အစီအစဉ်တွေ အထမမြောက်ပဲ ဖြစ်ခဲ့ပါတယ်။

 ဗွီအိုအေ (မြန်မာပိုင်း)
http://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ