ရှမ်းပြည်နယ်က နယ်စပ်ဂိတ်တွေ စစ်ဆေးနေ

ရှမ်းပြည်နယ်ထဲက နယ်စပ်ဂိတ်တွေကနေတစ်ဆင့် ထိုင်းနဲ့တရုတ်နိုင်ငံတွေကို ကုန်ပစ္စည်းတွေ ကူးသန်းရောင်း ဝယ်ရာမှာ ကုန်သွယ်လုပ်ငန်းခွန် ပေးဆောင်မှုအားနည်းနေတာတွေကို ရှမ်းပြည်နယ်အစိုးရအဖွဲ့က ကြတ်မတ် စစ်ဆေးနေပါတယ်။

အခွန်ကြပ်မတ်ကောက်ခံဖို့အတွက် နယ်စပ်ဂိတ်တွေမှာ ကြီးကြပ်အဖွဲ့တွေကို ဖွဲ့စည်းပေးဖို့ ဒီနေ့ကစပြီး လာမယ့်သြဂုတ်လ ၁၉ ရက်နေ့အထိ ၉ ရက်ကြာ ကွင်းဆင်းဆောင်ရွက်သွားမှာဖြစ်တယ်လို့ ရှမ်းပြည်နယ် စီမံကိန်းနဲ့ စီးပွားရေးဝန်ကြီး ဦးစိုးညွန့်လွင်က ပြောပါတယ်။

ရှမ်းပြည်နယ်ကနေ ထိုင်းနဲ့တရုတ်နိုင်ငံတွေနဲ့ ကုန်သွယ်နေတဲ့ မိုင်းယမ်း၊ မူဆယ် ၊ ဝမ်တာပင်၊ တာချီ လိတ်၊ မိုင်းလား အစရှိတဲ့ နယ်စပ်ဂိတ်တွေကနေ ဒီဇယ်၊ ဓါတ်ဆီ စားသောက်ကုန်၊ အဝတ်အထည် တွေ တင်သွင်းသလို ပြည်တွင်းကနေ ဆန်၊ ပြောင်း၊ ရာဘာ အစရှိတာတွေ တင်ပို့တာတွေရှိတယ်လို့ ပြောပါတယ်။

အစိုးရက ကုန်ပစ္စည်းတန်ဖိုးရဲ့ ၃ ရာခိုင်နှုန်းကို ကုန်သွယ်ခွန်အဖြစ်ပေးသွင်းဖို့ သတ်မှတ်ပေးထားပေမယ့် နယ်စပ်ဂိတ်တွေမှာ နားလည်မှုပုံစံနဲ့ ကောက်ယူမှုတွေရှိပြီး အခွန်ငွေတွေ လေလွင့်မှုတွေ ရှိနေတယ် လို့လည်း ပြောပါတယ်။

အခွန်ငွေအပြည့်အဝရရှိစေရေး ကြပ်မတ်ကောက်ခံဖို့အတွက် ကွင်းဆင်ဆောင်ရွက်မှုကို ရှမ်းပြည်နယ် အစိုးရအဖွဲ့ဝင် စီမံကိန်းနဲ့စီးပွားရေးဝန်ကြီး ဦးစိုးညွန့်လွင်နဲ့ ဘဏ္ဍာရေးဝန်ကြီး ဦးစိုင်းရှဲန်တစ်လုံ တို့ ဦးဆောင်ပြီး ကွင်းဆင်းဆောင်ရွက်နေတာဖြစ်ပါတယ်။

RFA Burmese
http://www.rfa.org/burmese