(Credit: ABC) |
ဗီယက်နမ်နိုင်ငံ မြောက်ပိုင်းက သင်္ဘောဆိပ်မှာ တရုတ်သင်္ဘော ၂စီး မေလကတည်းက စွန့်ပစ်ခံရတာ ဖြစ်တယ်လို့ Thanhnien သတင်းက ဒေသခံ မီဒီယာကို ကိုးကားပြီး ဖော်ပြထားပါတယ်။
အဲဒီ သင်္ဘောပေါ်မှာ မြန်မာနိုင်ငံသား ၁၃ ယောက်နဲ့ တရုတ်နိုင်ငံသား ၁၀ ယောက် သောင်တင်နေပြီး အခုဆိုရင် ရိက္ခာတွေ ထောက်ပံ့မှု မရတော့သလို မေလကတည်းက လုပ်အားခ လစာတွေ မရကြဘူးလို့ ဆိုပါတယ်။
အဲဒီ သင်္ဘောနှစ်စီးကို Jumbo Sino Development Limited က ပိုင်ဆိုင်ပြီး သင်္ဘောပေါ်က အမှုထမ်းတွေက အိမ်ပြန်ချင်ပြီး ရသင့်ရထိုက်တဲ့ လုပ်အားခလစာတွေလည်း လိုချင်ပြီလို့ ပြောဆိုကြပါတယ်။
ဗီယက်နမ်ရေတပ်အာဏာပိုင်တွေက ဒီကိစ္စနဲ့ ပတ်သက်ပြီး အထက်ကို တင်ပြထားပြီ ဖြစ်သလို သင်္ဘောအမှုထမ်းတွေ အစားအစာ၊ သောက်ရေနဲ့ လျှပ်စစ်မီးတွေ ပုံမှန်ရဖို့ ဆောင်ရွက်ပေးနေတယ်လို့လည်း ဖော်ပြထားပါတယ်။
ABC Radio Australia
http://www.radioaustralia.net.au/burmese
မြန်မာသင်္ဘောသားတွေ ဗီယက်နမ်မှာ သောင်တင်နေ
Reviewed by THITHTOOLWIN
on
19:02
Rating: