လူ့အခွင့်အရေးဘေးချိတ် ရာဇ၀တ်သားများကို ပစ်ခတ်ဖမ်းဆီးမိန့် ရုပ်သိမ်းမည် မဟုတ်ဟု ဖိလစ်ပိုင်သမ္မတ ဒူတာတေ ပြော


မူးယစ်ဆေးဝါး ရောင်းဝယ်ဖောက်ကားသူများကို ပစ်ခတ်ဖမ်းဆီးရန် ခွင့်ပြုထားခြင်းကို ၎င်း၏သမ္မတသက်တမ်း တလျှောက်ရုပ်သိမ်းရန် အစီအစဉ်မရှိကြောင်း၊ လူ့အခွင့်အရေးကို ဂရုမစိုက်နိုင်ကြောင်း ဖိလစ်ပိုင် သမ္မတရိုဒရီဂိုဒူတာတေက ပြောသည်။ ဒုစရိုက်သမားများကို အပြင်းအထန်နှိမ်နင်းမည်ဟု ကတိသစ္စာပြုထားသော သမ္မတဒူတာတေ ရုံးစထိုင်သည့် မေလမှစ၍ ဖိလစ်ပိုင်ဒုစရိုက်နှိမ်နင်းရေး စီမံချက်တွင် လူ ၈၀၀ ခန့် သေဆုံးပြီးဖြစ်ကြောင်း သိရသည်။

''ပစ်ခတ်ဖမ်းဆီးခွင့်အမိန့်ကို ကျွန်တော့်သမ္မတသက်တမ်းရဲ့ နောက်ဆုံးနေ့အထိ ဒီအတိုင်းပဲထားရှိသွားမယ်။ အဲဒီအချိန်အထိ ကျွန်တော် အသက်ရှင်လျက် ရှိသေးတယ်ဆိုရင်ပေါ့လေ။ လူ့အခွင့်အရေးကို ဂရုကိုမစိုက်တာ။ ယုံလားတော့ မသိဘူး''ဟု သမ္မတရုံးထုတ်ပြန်ချက်တွင် ၎င်းက ပြောဆိုထားသည်။ ဖိလစ်ပိုင်ပြည်သူများစွာ၏ ဘ၀ကို ပျက်စီးစေသည့် မူးယစ်ဆေးဝါးဖောက်ကားမှုတွင် ပါဝင်ပတ်သက်နေသော အစိုးရအရာရှိ ကြီးများသည် ၎င်း၏ပစ်မှတ်စာရင်းတွင် ထိပ်ဆုံးမှပါဝင်သည်ဟု ဒူတာတေက ဆိုသည်။

ယင်းအပြင် လုံခြုံရေးတပ်ဖွဲ့ဝင်များ တာဝန်အရ ပစ်ခတ်ဖမ်းဆီးရသည့်အခါ ဥပဒေမှ ကင်းလွတ်ခွင့်ရရှိမည်ဖြစ်ကြောင်း အာမခံထားသည်။ သမ္မတဒူတာတေ၏ ပစ်ခတ်ဖမ်းဆီးခွင့်အမိန့်ကို မူးယစ်ဆေးဝါးနှင့် ရာဇ၀တ်မှုဆိုင်ရာကုလသမဂ္ဂရုံးက ရှုတ်ချဝေဖန်ထားသည်။

''ကုလကို အစီရင်ခံတိုင်ကြားတဲ့ NGO တွေကို ပြောချင်တာ ဒီကိစ္စဟာ ခင်ဗျားတို့နဲ့ဘာမှမဆိုင်ဘူး။ ခင်ဗျားတို့ အလုပ်မဟုတ်ဘူး''ဟု ဒူတာတေက ပြောသည်။

အော်စကာ
Ref; AFP
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ