အိုင်အက်စ် အန္တရာယ် ရုတ်တရက်ကြုံတွေ့ နိုင်ကြောင်း ဖိလစ်ပိုင်နိုင်ငံသားများအား ဒူတာတီး သတိပေး

အိုင်အက်စ် အလံကို ကိုင်ဆောင်ထားသည့် အကြမ်းဖက်သမား တစ်ဦးအားတွေ့ ရစဉ် (ဆင်ဟွာ)

    မနီလာ ၊ သြဂုတ် ၁၁ ရက် (ဆင်ဟွာ)

    ဖိလစ်ပိုင်နိုင်ငံသမ္မတ ဒူတာတီးသည် နိုင်ငံတွင်း၌ အိုင်အက်စ် အကြမ်းဖက်သမားများ၏ အန္တရာယ် ရုတ်တရက်ကြုံတွေ့ ရနိုင်ကြောင်း သြဂုတ် ၁ဝ ရက်က သတိပေးပြောကြားလိုက်သည်။

ဖိလစ်ပိုင်နိုင်ငံတောင်ပိုင်းရှိ အာရပ်ပုံစံ “ အသားဖြူ” သောလူများနှင့်သက်ဆိုင်သည့် သတင်းအချက်အလက်များ လက်ခံရရှိပြီးနောက် ဒူတာတီးက အထက်ပါအတိုင်း သတိပေးစကား ပြောကြားလိုက်ခြင်းဖြစ်သည်။

“ လုပ်ငန်းတာဝန်တွေ လုပ်ဖို့ သူတို့ အဲဒီကိုရောက်နေကြတယ်။ သူတို့ မှာ လက်နက်တွေတော့ မပါဘူး။ ဒါပေမယ့်  အယူဝါဒဆိုင်ရာ သင်ကြားပို့ ချမှုတွေ လုပ်တဲ့ အထဲမှာတော့ ပါနေကြတယ်” ဟု ဖိလစ်ပိုင်နိုင်ငံ တောင်ပိုင်း Zamboanga Del Sur ပြည်နယ် ရှိ စစ်သားများအား မိန့် ခွန်းပြောကြားစဉ် ဒူတာတီးက ပြောဆိုခဲ့သည်။

“ ရုတ်တရက်ပြဿနာဖြစ်လာမှာကို မြင်နေရတယ်။ နောက် ၃ နှစ်ကနေ ၇ နှစ်အတွင်းမှာ အိုင်အက်စ်ပြဿနာကြုံတွေ့ ရမယ်လို့ ကျွန်တော် ထင်တယ်” ဟု ၄င်းက ဆိုသည်။ မွတ်စလင်ညီနောင်များ၏အတွေးထဲတွင် အိုင်အက်စ်ရောဂါ အဆိပ်အတောက် မဝင်ရောက်လာခင် အစိုးရအနေဖြင့် အရေးယူဆောင်ရွက်မှုများ ပြုလုပ်ရမည်ဖြစ်ကြောင်း ဖိလစ်ပိုင်သမ္မတ ကဆိုသည်။

“ လူတွေကို သတ်ဖြတ်နေတာဟာ သူတို့ အတွေးထဲမှာ တစ်ခုခု မှားယွင်းနေလို့ ပဲ။ သူတို့ ဟာ အကြောင်းပြချက်မရှိဘဲ လူတွေကို အကြောင်းမဲ့ သတ်ဖြတ်နေကြတယ် ”  ဟု ၄င်းက ဖြည့်စွက်ပြောကြားခဲ့သည်။

လူသတ်မှု နှင့် ပြန်ပေးဆွဲမှုများဖြင့် ကျော်ကြားနေသည့် ဖိလစ်ပိုင်နိုင်ငံရှိ အဘူဆာရက်ဖ် အကြမ်းဖက်အဖွဲ့ သည် အိုင်အက်စ်အကြမ်းဖက်အဖွဲ့ အား သစ္စာခံထားသော်လည်း ဖိလစ်ပိုင်နိုင်ငံတွင် အိုင်အက်စ်များရှိနေသည် ဆိုသည့် စွပ်စွဲချက်ကို  ယခင် ဖိလစ်ပိုင်အစိုးရအဖွဲ့ က ငြင်းဆိုထားသည်။

(Xinhua)
http://www.xinhuamyanmar.com