အ၀ီစိတွင်းတူးရာမှ မီးတောက်များထွက်ပေါ်


ရန်ကုန်တိုင်းဒေသကြီး လှည်းကူးမြို့နယ် စစ်ပင်မြောက်ကျေးရွာမှာ အ၀ီစိတွင်းတူးရာက မီးတောက်တွေပန်း ထွက်လာတယ်လို့သိရပါတယ်။

 စစ်ပင်မြောက်ကျေးရွာ ရွာလယ်ပိုင်းနေ ဦးသိန်းဟန်ရဲ့ နေအိမ်ရှေ့ ခြံဝင်းအတွင်းသြဂုတ်(၂၉)ရက်က အ၀ီစိတွင်းတူးရင်းမွန်းလွဲ(၃)နာရီခွဲအချိန်မှာ မီးတောက်တွေပန်းထွက်လာတာဖြစ်ပါတယ်။

အဝီစိတွင်းတူးအဖွဲ့က ၄လက်မ အ၀ီစိ တွင်းတူးရင်း တွင်းတူးပိုက် အနက် ပေ(၁၈၀) ခန့်အရောက်မှာ မြေအောက်က မီးတောက်တွေ ရုတ်တ ရက်ပန်းထွက်လာပြီး မြေပြင်အထက် (၄)ပေခန့်အထိ တောက် လောင်ခဲ့ပါတယ်။


အဲဒါကြောင့်အိမ်ရှင်နဲ့ အ၀ီစိတွင်းတူးသူတွေက သက်ဆိုင်ရာကိုအဆင့်ဆင့်အကြောင်းကြားခဲ့ရာ လှည်းကူးမြို့နယ်အထွေထွေ အုပ်ချုပ်ရေးဦးစီးဌာနကလာရောက်စစ်ဆေးမှတ်တမ်းတင်ခဲ့ပြီးနောက်မှာဓာတ်ငွေ့ပိုက်လိုင်းထိန်းသိမ်းရေးဌာနက ကျွမ်းကျင်သူတွေကိုယ်တိုင် မီးလောင်နေတဲ့အ၀ီစိတွင်းကို လာရောက်စစ်ဆေးခဲ့ကြပါတယ်။

အဲဒီ မီးတောက်လောင်မှုဟာ မြေ အောက်ဓာတ်ငွေ့ယိုစိမ့်မှုကြောင့်ဖြစ်နိုင်ပြီး မီးတောက်လောင်နေမှုကို သက်ဆိုင်ရာက ငြိမ်းသတ်ပေး ခဲ့ပါတယ်။ မီးတောက်လောင်ရတဲ့အကြောင်းရင်းကိုလည်း ကျွမ်းကျင်သူတွေကအသေးစိတ်ဆက်လက်လေ့လာစုံစမ်းဦးမှာဖြစ်တယ်လို့ကိုအောင်ကျော်မိုးရဲ့သတင်းပေးပို့ချက်အရသိပါတယ်။ ဒီသတင်းကို Central News Bureau ကပေးပို့တာဖြစ်ပါတယ်။

Central News Bureau
https://www.facebook.com/skynetcnb/

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ