စစ်တွေတွင် ခိုးဆိုင်ကယ် ၁၃ စီး ဖမ်းဆီးရမိ

( ဓာတ်ပုံ- စစ်တွေမြို့မဈေးအနီး တစ်နေရာ ဖြစ်ပါသည်။ ခိုးယူထားသော ဆိုင်ကယ်များ မဟုတ်ပါ။ သတင်းနှင့် သင့်တော်၍ တွဲဖော်ပြခြင်းသာ ဖြစ်ပါသည်။)
နိရဉ္စရာ၊ သြဂုတ် ၇

ရခိုင်ပြည်နယ် စစ်တွေမြို့တွင် သြဂုတ်လ ၇ ရက်နေ့က ဆိုင်ကယ် ၁၃ စီးနှင့် လူငယ် ၃ ဦးကို ဖမ်းဆီးရမိခဲ့ကြောင်း သိရသည်။

ယင်းဆိုင်ကယ်များကို နေရာနှစ်ခုမှ ဖမ်းဆီးရမိခဲ့ခြင်းဖြစ်သည်ဟု စစ်တွေမြို့မရဲစခန်းမှ တာဝန်ရှိသူတစ်ဦးက အတည်ပြု ပြောကြားသည်။

“ပထမ ၄ စီးကို နံနက်အာရုဏ်တက် ၄ နာရီမှာ ခိုးယူလာသူနှစ်ဦးအနဲ့ အတူ စက်ရုံစုရပ်ကွက် မီလောင်ပြင်ထဲမှာ ဖမ်းမိတာပါ။ နောက် ၇ စီးကိုတော့ သဲချောင်းဘင်္ဂလီရွာထဲမှာ နေလယ် ၁ နာရီမှာ သွားရောက် စစ်ဆေးဖမ်းဆီးနိုင်ခဲ့တာဖြစ်ပါတယ်။ နောက်ထပ် ပိုင်ရှင် မရှိတဲ့ နှစ်စီးကိုလည်း ဆက်လက်ဖေါ်ထုတ်နိုင်ခဲ့ပါတယ်”ဟု စစ်တွေမြို့မ ရဲစခန်းမှ ရဲအုပ်အေးခင်မောင်က နိရဉ္စရာသတင်းဌာနသို့ ပြောသည်။

ဆိုင်ကယ် ၄ စီးနှင့်အတူ ဖမ်းဆီးရမိသူနှစ်ဦးမှာ မောင်အောင်စိုးထွန်း (ရူပမြောက်ရပ်ကွက်) နှင့် မောင်မောင်ဆန်းဝင်း (ဆင်းကူးလမ်းရပ်ကွက်) တို့မှ ဖြစ်ကြောင်း သိရသည်။

ယင်းနှစ်ဦးကို ရာဇသတ်ကြီး ဥပဒေ ၃၈၀/၁၅၄ ဖြင့် အမှုဖွင့် အရေးထားကြောင်း သိရသည်။

ခိုးမှုများပပျောက်ရေးအတွက် ရခိုင်ပြည်နယ် ရဲတပ်ဖွဲ့မှူး၊ စစ်တွေခရိုင် ရဲတပ်ဖွဲ့မှူးနှင့် စစ်တွေမြို့နယ် ရဲတပ်ဖွဲ့မှူးတို့၏ လမ်းညွှန်မှာကြားချက်ဖြင့် စစ်တွေမြို့မရဲစခန်း စခန်းမှူး၏ အနီးကပ်ကြီးကြပ်မှူးဖြင့် နယ်ထိန်းခေါင်းဆောင် ရဲအောင်အေးခင်မောင် ဦးဆောင်သော အဖွဲ့က ၁၂ နာရီနောက်ပိုင်း ညဥ့်နက်လှည့်ကင်းဆောင်ရွက်စဉ် ယင်းသို့ ဖမ်းဆီးနိုင်ခဲ့ခြင်းဖြစ်သည်ဟု ရဲအုပ်အေးခင်မောင်က ရှင်းလင်းပြောကြားသည်။

စံမောင်သန်း၊ စစ်တွေ
Narinjara
https://www.facebook.com/Narinjara

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ