မိုင်းဆတ်မြို့အနီး ကျေးရွာတစ်ရွာတွင် တောင်ကျချောင်းရေကြောင့် ဆိုင်ကယ်နှင့် လူတစ်ဦး မျောပါပျောက်ဆုံး

ဓါတ်ပုံ - တောင်ကျချောင်းရေများ စီးဝင်ခဲ့နေသည့် မိုင်းဆတ်မြို့ (easternshan)

(မိုင်းတုံ၊ သြဂုတ် ၁၆)

ရှမ်းပြည်နယ်အရှေ့ပိုင်း၊ မိုင်းဆတ်မြို့နယ်အတွင်းရှိ မယ်နင်ကျေးရွာအုပ်စု၊ နောင်ဖာကျေးရွာအ၀င်၊ မိုင်းဆတ်-မိုင်းတုံသွား ကားလမ်းရှိ တံတားပေါ်တွင် တောင်ကျ ချောင်းရေပြင်းထန်စွာကျဆင်းမှုကြောင့် သြဂုတ်လ ၁၅ ရက် နံနက် ၄ နာရီ ၃၀ မိနစ်ခန့်က ရေစီးနှင့်အတူ ဆိုင်ကယ်နှင့်အမျိုးသမီးတစ်ဦး မျောပါသွားကြောင်း ကယ် ဆယ်ရေးဆောင်ရွက်နေသည့် ရဲတပ်ဖွဲ့၊ မီးသတ်နှင့်လူထုထံက သိရသည်။

“ လူထုရော၊ ရဲတပ်ဖွဲ့နဲ့မီးသတ်တပ်ဖွဲ့ဝင်တွေ အင်အားသုံးပြီးရှာနေဆဲဘဲ မတွေ့သေးဘူး၊ ရေစီးက
ပြင်းလွန်းလို့ အဝေးကိုရောက်မယ်မှန်းဆပြီးရှာနေပါတယ်“ဟု မီးသတ်ဦးစီးမှူးဦးကျော်ကိုကိုကဆိုသည်။

ဖြစ်စဉ်မှာ သြဂုတ်လ ၁၅ ရက် နံနက်၂ ရီခန့်ကစ၍ မိုးသည်းထန်စွာရွာသွန်းခဲ့ရာမှ အဆိုပါနောင်ဖာ ကျေးရွာတံတားနှင့် တံတားအနီးမြေနိမ့်ပိုင်း ကားလမ်းပေါ်သို့ရေ(၃)ပေခန့်လွှမ်းမိုးမြင့်တက်လာခဲ့ကြောင်း၊ နံနက် ၅ နာရီခန့်က မယ်နင်ကျေးရွာမှ မိုင်းဆတ်မြို့မဈေးသို့ ဈေးသွားရောင်းပြီးပြန်လာသည့် မနန်းစံမွန်း အသက် (၃၄)နှစ်မှာ အဆိုပါတံတားပေါ်အရောက်၌ ဆိုင်ကယ်ဖြတ်သန်းမောင်းနှင်စဉ် ဆိုင်ကယ်ရောလူပါ ရေစီးအတွင်း မျောပါသွားခဲ့ခြင်းဖြစ်သည်။

၎င်းတံတားအနီးတွင် ရောက်ရှိနေသည့် အခြားလူ(၃)ဦးက အနီးရှိဝါးလုံးများဖြင့် ကယ်ဆယ်ရန် ကြိုးစားခဲ့သော်လည်း ၀ါးလုံးမခိုင်ဘဲ ကျိုးသွားခြင်းကြောင့် ရေစီးပြင်းထန်မှုနှင့်အတူ မကယ်ဆယ်နိုင်ဘဲ မျောပါ သွားရခြင်းဖြစ်ကာ မြို့နယ်ရဲတပ်ဖွဲ့မှူး ရဲမှူး အောင်နိုင်ရွှေဦးစီး တပ်ဖွဲ့ဝင်အင်အား ၂၀ ဦး၊ မီးသတ်ဦးစီးမှူး ဦးကျော်ကိုကို ဦးစီး အင်အား ၂၂ ဦးနှင့် လူထုအင်အား ၁၀၀ ကျော်ခန့်ဖြင့် ချောင်းအောက်ဖက်တစ်လျှောက် ရှာဖွေရာတွင် ရေစီးပြင်းထန်ပြီး ရေအနက် ၁၀ ပေကျော်ရှိနေသည့်အတွက် မျောပါသွားသည့်ဆိုင်ကယ်အား နေ့လည် ၁ နာရီ ၄၅ မိနစ်တွင်မျောပါသည့်နေရာမှ ပေ ၃၀ ခန့်အကွာတွင် ရေငုတ်ရှာဖွေတွေ့ရှိဆယ်ယူနိုင်ခဲ့ပြီး မျောပါသွားသူအားဆက်လက်ရှာဖွေနေဆဲဖြစ်ကာ ယနေ့ သြဂုတ်လ ၁၆ ရက်နေ့တွင်လည်း ရှာဖွေရေးအဖွဲ့များမှ အင်အားတိုး၍ အစွမ်းကုန်ရှာဖွေလျှက်ရှိကြောင်းသိရသည်။

“ သေမှုသေခင်းဖွင့်ဖို့ကတော့ ရှာတွေ့တဲ့ အခြေအနေပေါ်မှာ မူတည်ပါတယ်၊ ပျောက်ဆုံးနေဆဲဖြစ်ပေမဲ့ အသက်ရှင်ချင်လဲရှင်နေနိုင်ပါတယ်၊ ရေစီးနဲ့ပါသွားပြီးတစ်နေရာမှာ တင်နေနိုင်ပါတယ်၊ အပြင်းအထန်ရှာနေ ဆဲပါ“ဟု ရဲအရာရှိတစ်ဦးကပြောကြားခဲ့သည်။ ရပ်ရွာလူထုကမူအသက်ရှင်သန်ရန်မှာ လွယ်ကူသည့်အနေအထားမရှိနိင်ကြောင်း၊ ရှာတွေ့ရန်ပင် ကံပါမှသာတွေ့နိုင်တော့မည်ဖြစ်ကြောင်း ပြောဆိုနေကြလျှက်ရှိသည်။

အခင်းဖြစ်ရာ ချောင်းငယ်သည် သံလွင်မြစ်၏ ချောင်းလက်တက်ဖြစ်သည့် နမ့်ဆင်ချောင်းသို့စီးဝင်သည့် တောင်ကျချောင်းတစ်ချောင်းဖြစ်ပြီး နွေရာသီတွင်ရေခမ်းခြောက်သော်လည်း မိုးရာသီတွင် မိုးများပါက အရှိန်ပြင်းထန်စွာစီးဆင်းသည့် တောင်ကျချောင်းတစ်ချောင်းဖြစ်ကြောင်း၊ မိုင်းဆတ်မြို့သည် တောင်ပတ်လည်ဝန်းရံထားသည့် မြေပြန့်လွင်ပြင်တွင်တည်ရှိသည့်အလျောက် တောင် ကျချောင်းများ များပြားပြီး ရေစီးပြင်းထန်သဖြင့် ချောင်းများအားဖြတ်ကူးသည့်အခါ် အခန့်မသင့်ပါက ရေစီးဖြင့်မျောပါနိုင်ခြင်း၊ တောင်ပြို၍မြေသားများပံ့ကျနိုင်ခြင်း၊ တံတားများရေအောက်တွင်ပျက်စီးသွားမှုများ ဖြစ်ပွားနိုင်သဖြင့် သဘာဝဘေးအန္တရာယ်ကြောင့်တွေ့ကြုံနိုင်မည့် အန္တရာယ်များကို အလေးထားသတိမူကြရန် အုပ်ချုပ်ရေးပိုင်းက လူထုသို့အသိပေးလိုကြောင်း သိရှိရသည်။

စိုင်းသိင်္ခသူ
ကမ္ဘောဇတိုင်းသတင်းဂျာနယ်
https://www.facebook.com/kanbawzatai