စိုးရိမ်စရာဖြစ်လာနေတဲ့ မူးယစ်ဆေးပြသနာ

ရှမ်းပြည်မြောက်ပိုင်းက ဘိန်းစိုက်ခင်းတခု
မြန်မာနိုင်ငံမှာ မူးယစ်ဆေးဝါးဟာ မြို့ကြီးတွေမှာတင်မက ကျေးရွာတွေ ကျောင်တွေမှာတောင် လွယ်လင့်တကူဝယ်လို့ ရနေတဲ့ အနေအထားမှာ ရှိနေတဲ့အတွက် စိုးရိမ်စရာ ဖြစ်လာနေတယ်လို့ ဒေသခံတွေက ပြောပါတယ်။

ရှမ်းပြည်နယ် နမ်ခမ်းမြို့က ဒေသခံအမျိုးသမီးတဦးက သူတို့ ဒေသမှာ မူးယစ်ဆေးဝါးသုံးစွဲတဲ့ လူငယ်တွေများလာနေပြီး သူတို့ရွာမှာဆိုရင် မူးယစ်ဆေးမသုံးတဲ့လူက ၁၀ ယောက်လောက်ပဲရှိတော့တယ်လို့ ပြောပါတယ်။

သြဂုတ်လ ၂ ရက်နေ့က အမျိုးသားလွှတ်တော်မှာလည်း ရှမ်းတိုင်းရင်းသားများ ဒီမိုကရေစီ အဖွဲ့ချုပ်ရဲ့ အမျိုးသားလွှတ်တော်အမတ် စိုင်းဝမ်းလိုင်ခမ်းက ရှမ်းပြည်မြောက်ပိုင်းမှာ မူးယစ်ဆေးဝါးသုံးစွဲမှုတွေများပြားနေတဲ့ အတွက်နှိမ်နင်းဖို့ လိုအပ်ကြောင်းအဆိုကို တင်ပြခဲ့ပါတယ်။

ရှမ်းပြည်မြောက်ပိုင်းက မူးယစ်ဆေးဝါးဖြန့်ဖြူးရောင်းချမှုမှာ လက်နက်ကိုင်အဖွဲ့အစည်းတွေ ပါဝင်ပတ်သက်နေကြလို့ မူးယစ်ဆေးဝါးတိုက်ဖျက်ရေးမှာ အခက်အခဲဖြစ်နေကြတယ်လို့ သူက ပြောပြခဲ့ပါတယ်။

ဒါပေမယ့် ဘယ်လက်နက်ကိုင်အဖွဲ့အစည်းဆိုတာကိုတော့ သူက ဖေါ်ပြခဲ့ခြင်းမရှိပါဘူး။

ရန်ကုန်လိုမြို့ကြီးတွေမှာလည်း မူးယစ်ဆေးဝါးတွေ တနေ့တခြားများပြားလာတဲ့ကြောင့် သားသမီးတွေအတွက် စိုးရိမ်တယ်လို့ ကျောင်းသားမိဘတွေက ပြောပါတယ်။

မန္တလေးမှာဆိုရင် ဧရာဝတီမြစ်ထဲမှာ ဖေါင်တွေ လှေတွေ တဲတွေနဲ့ ဘိန်းဖြူ ရာဘ စတဲ့ မူးယဟ်ဆေးဝါးတွေကို တရားဝင်လိုလို ရောင်းချနေတယ်လို့ ဒေသခံတွေက ပြောပါတယ်။

မူးယစ်ဆေးဝါးသုံးစွဲသူများလာနဲ့အမျှ မူးယစ်ဆေးဝါးနဲ့ ဆက်စပ်နေတဲ့ ခိုးဝှက် လူယက်မှုတွေ ခိုက်ရန်ဖြစ်ပွာမှုစတဲ့ ရာဇဝတ်မှုတွေလည်း များပြားလာတယ်လို့ ဆိုပါတယ်။

အမျိုးသားလွှတ်တော်ကတော့ အမျိုးသားလွှတ်တော်အမတ် စိုင်းဝမ်းလိုင်ခမ်းရဲ့ ရှမ်းပြည်မြောက်ပိုင်းမှာ မူးယစ်ဆေးဝါးတိုက်ဖျက်နှိမ်နင်းဖို့ လိုအပ်ကြောင်းအဆိုကို တနိုင်ငံလုံးအတိုင်းအတာနဲ့ မူးယစ်ဆေးဝါးတိုက်ဖျက်ရေးဆောင်ရွက်ဖို့လို့ ပြင်ဆင်ဖြည့်စွက်ပြီး အတည်ပြုလိုက်ပါတယ်။

BBC Burmese
http://www.bbc.com/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ