ဒေါ်အောင်ဆန်းစုကြည် ဘေဂျင်းမြို့တော်ကို ရောက်နေပြီ

 မြစ်ဆုံ ရေကာတာ စီမံကိန်း အကြောင်း ဒေါ်အောင်ဆန်းစုကြည် ရဲ့ အခု ခရီးစဉ် အတွင်း တရုတ် အာဏာပိုင်တွေနဲ့ကြား ဆွေးနွေး သွားမယ်။
နိုင်ငံတော် အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည် ဟာ တရုတ်နိုင်ငံ မြို့တော် ဘေဂျင်း မှာ ရောက်ရှိ နေပြီ ဖြစ်ပြီး တရုတ် အစိုးရ ထိပ်တန်း ခေါင်းဆောင် တွေနဲ့ တွေ့ဆုံဖို့ ရှိနေပါတယ်။

တရုတ် နိုင်ငံဟာ မြန်မာနဲ့ အဓိက ကုန်သွယ်ဘက် နိုင်ငံ ဖြစ်သလို၊ စီးပွားရေး အရလည်း အမေရိကန် ဒေါ်လာ ၁၈ ဘီလီယံ ကျော် ရင်းနှီးမြှုပ်နှံမှု အများဆုံး ပြုလုပ် ထားတဲ့ နိုင်ငံ ဖြစ်ပါတယ်။

ရေအားလျှပ်စစ် ထုတ်ယူမယ့် စီမံကိန်း တွေ နဲ့ ရေနံ သဘာဝ ဓာတ်ငွေ့ ထုတ်ယူ တဲ့ ကဏ္ဍ တွေ အပြင် နောက်ပိုင်း ကုန်ထုတ် လုပ်မှု ကဏ္ဍ တွေမှာလည်း တရုတ် ရဲ့ ရင်းနှီးမြှုပ်နှံမှု တွေ ရှိတယ် လို့ ရင်းနှီးမြှုပ်နှံမှု နဲ့ ကုမ္ပဏီများ ညွှန်ကြားမှု ဦးစီးဌာန ညွှန်ကြားရေးမှူးချုပ် ဦးအောင်နိုင်ဦး က ဘီဘီစီကို ပြောပါတယ်။

မြန်မာ နိုင်ငံထဲ ပေါ်ပေါက်ခဲ့တဲ့ ကန့်ကွက်မှုတွေ ကြောင့် အရင်အစိုးရ လက်ထက် ရပ်ဆိုင်း ထားရတဲ့ ကချင်ပြည်နယ်က မြစ်ဆုံ ရေကာတာ စီမံကိန်း အကြောင်း ဒေါ်အောင်ဆန်းစုကြည် ရဲ့ အခု ခရီးစဉ် အတွင်း တရုတ် အာဏာပိုင်တွေနဲ့ကြား ဆွေးနွေး သွားမယ်လို့ မြန်မာ အစိုးရဘက်က ပြောထားပါတယ်။

ဧရာဝတီ မြစ်ဆုံ စီမံကိန်း အပါအဝင် ၊ ကျန်တဲ့ ရေအား လျှပ်စစ် စီမံကိန်း တွေ လုံးဝ ရပ်တန့် ရေးကို လိုလားတယ် ဆိုပြီး ကချင်ပြည်နယ် အရပ်ဖက် အဖွဲစည်းများ ငြိမ်းချမ်းရေး ကွန်ယက်က ဘီဘီစီကို ပြောပါတယ်။

မြစ်ဆုံ စီမံကိန်း အပါအဝင် တရုတ် နိုင်ငံနဲ့ကြား ချုပ်ဆို ထားတဲ့ ရေအားလျှပ်စစ် စီမံကိန်း ၇ ကို ပြန်လည် စိစစ်ဖို့ ဆိုပြီး မြန်မာ အစိုးရကလည်း ပြီးခဲ့တဲ့ သီတင်းပတ်ကပဲ ကော်မရှင် တစ်ရပ် ဖွဲ့စည်း ခဲ့ပါတယ်။

BBC Burmese
http://www.bbc.com/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ