ရခိုင်ရေလုပ်ငန်းအကြောင်း ဆွေးနွေးမယ်

 ရေလုပ်ငန်းထွက်ကုန် တွေကို ပြည်တွင်းပြည်ပ စားသုံး
ရခိုင်ပင်လယ်ပြင်မှာ စည်းမဲ့ကမ်းမဲ့ ငါးဖမ်းနေကြတဲ့ အတွက် သားငါးပုဇွန်တွေ တဖြည်းဖြည်းနဲ့ ရှားပါးလာပြီး နောက်လာမယ့် ၅ နှစ်အတွင်းမှာ မျိုးပြုန်းသွားနိုင်တယ်လို့ လွှတ်တော် ကိုယ်စားလှယ် တယောက် အဆိုတင်တာကြောင့် ရခိုင်ပြည်နယ် လွှတ်တော်မှာ ဒီကိစ္စ ဆွေးနွေးမယ်လို့ သိရပါတယ်။

ရခိုင်ပြည်နယ် လွှတ်တော်မှာ စစ်တွေမြို့နယ် အမှတ် (၁) ပြည်နယ် လွှတ်တော် ကိုယ်စားလှယ် ဦးအေးသိန်းက အဆိုတင်သွင်း ခဲ့ပြီး ဒီအဆိုကို ရခိုင်ပြည် လွှတ်တော်က လက်ခံပြီး သောကြာနေ့မှာ ဆွေးနွေးကြမှာ ဖြစ်ပါတယ်။

ရခိုင် ပင်လယ်ပြင်မှာ သာမက မြန်မာနိုင်ငံက တခြား ကမ်းရိုးတန်းဒေသ တွေမှာလည်း ငါးပုဇွန်စတဲ့ ရေနေ သတ္တဝါတွေဟာ တဖြည်းဖြည်း ရှားပါးလာနေတယ် လို့ ရေချိုရေငံ ညှိနှိုင်းရေးမှူး ဦးမြသိန်းထွန်းက ပြောပါတယ်။

အဓိက ငါးသား ဥပေါက်ချိန်ဖြစ်တဲ့ မေ ဇွန် ဇူလိုင်လတွေမှာ ငါးမဖမ်းရဘူးလို့ သတ်မှတ်ထားပေမယ့် ဘယ်သူမှ လိုက်နာမှု မရှိဘူးလို့ သူက ဆိုပါတယ်။ ကမ်းနီး၊ ကမ်းဝေး ငါးဖမ်းလုပ်ငန်းတွေကို ရေတပ် အကူအညီနဲ့ ကွပ်ကဲ ရမယ်လို့လည်း ဆိုပါတယ်။

ရခိုင်အပါအဝင် မြန်မာ ပင်လယ်ပြင်မှာ ရှိနေတဲ့ ငါးတန်ချိန် ငါးသိန်းသာ ကျန် ပြီး ခုလိုသာ စည်းမဲ့ကမ်းမဲ့သာ ဖမ်းနေကြရင်တော့ များမကြာမီမှာ အကုန်လုံး မျိုးပြုန်းသွားနိုင်တဲ့ အတွက် ငါးဖမ်းဆီးမှုနဲ့ ပတ်သက်ပြီး အသေအချာ ထိန်းသိမ်း ကြပ်မတ်ဖို့ လိုအပ်နေတယ်လို့ သိရှိရပါတယ် ။

BBC Burmese
http://www.bbc.com/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ