ဘရာဇီးလ်အာဏာပိုင်တွေက အလိုရှိနေတဲ့ အမေရိကန် ရေကူးသမား Ryan Lochte (Credit: Reuters) |
အမေရိကန် ရေကူးသမား Gunnar Bentz, Jack Conger နဲ့ James Feigen တို့ကို ဘရာဇီးလ်အာဏာပိုင်တွေက အမေရိကန်နိုင်ငံကို ပြန်ခွင့်မပေးတာ ဖြစ်ပါတယ်။
အမေရိကန်နိုင်ငံက ရေကူးအားကစားသမား ၄ ယောက်က ရဲလိုဟန်ဆောင်ထားတဲ့ လူတွေက သူတို့ရဲ့ တက္ကဆီကို ရပ်ခိုင်းပြီး လုယူမှု လုပ်ခဲ့တယ်လို့ ပြောဆိုခဲ့တာ ရှိပါတယ်။
ရေကူးချန်ပီယံ Ryan Lochte ကတော့ အမေရိကန်နိုင်ငံကို ပြန်ရောက်နေပြီ ဆိုတဲ့သတင်းတွေ ထွက်ပေါ်နေပြီး ကျန် ၃ ယောက်က ပြန်ဖို့ ကြိုးစားတဲ့အခါမှာ ဘရားဇီးလ်အာဏာပိုင်တွေရဲ့ ပိတ်ပင်မှုကို ခံရတာ ဖြစ်ပါတယ်။
အိုလံပစ် အားကစားပွဲတော်အတွင်း အမေရိကန် ရေကူးသမားတွေ လုယက်ခံရတဲ့ သတင်းကြောင့် ဘရာဇီးလ် အာဏာပိုင်တွေအတွက် မျက်နှာပျက်ခဲ့ရပြီး အဲဒီကိစ္စကို အာဏာပိုင်တွေက စုံစမ်းကြတာ ဖြစ်ပါတယ်။
ဒါပေမဲ့ အမေရိကန် ရေကူးသမားတွေရဲ့ ထွက်ဆိုချက်တွေက တစ်ယောက်နဲ့ တစ်ယောက် မတူညီတဲ့အတွက် ဘရာဇီးလ် တရားသူကြီး တစ်ယောက်က ရေကူးသမားတွေကိုပါ စစ်ဆေးဖို့ ညွန်ကြားလိုက်တာ ဖြစ်ပါတယ်။
ရေကူးသမားတွေဘက်က ခိုးယူလုယက်မှုအကြောင်း လုပ်ကြံပြောဆိုကြောင်း တွေ့ရှိရင်တော့ အပြစ်ပေးခံရနိုင်ပါတယ်။
ရေကူးသမားတွေကို မောင်းပို့တဲ့ တက္ကဆီသမားကိုလည်း ရဲတွေက မျက်မြင်သက်သေအနေနဲ့ ရဲစခန်းမှာ လာရောက်ဖို့ တိုက်တွန်းထားပေမယ့် အခုအချိန်အထိ ဒရိုင်ဘာက ဘယ်သူမှန်း မသိရသေးပါဘူး။
အမေရိကန် ရေကူးသမားတွေ လုယက်ခံရတဲ့ သတင်းကြောင့် သြစတြေးလျ အိုလံပစ် အားကစားအဖွဲ့ကလည်း သြစတြေးလျ ကစားသမားတွေကို Rio မြို့ထဲ မသွားဖို့၊ ဝေးလံတဲ့ ကမ်းခြေ မသွားပဲ အိုလံပစ် ကျေးရွာအနားမှာသာ သွားလာဖို့ ညွန်ကြားမှုတွေ လုပ်ခဲ့ပါတယ်။
ဘရာဇီးလ် တရားသူကြီးကတော့ သေနတ်နဲ့ လုယက်ခံရတယ်လို့ ပြောခဲ့တဲ့ အမေရိကန် ရေကူးသမားတွေကို ကြည့်တဲ့အခါ စိတ်ပိုင်းဆိုင်ရာ၊ ကိုယ်ပိုင်းဆိုင်ရာ ကြောက်ရွှံ့မှုတွေ မတွေ့ရပဲ တစ်ယောက်နဲ့ တစ်ယောက် နောက်ပြောင်နေကြသလို အခင်းဖြစ်ပွားပုံကို ပြောတဲ့အခါမှာလည်း မတူညီမှုတွေ ဖြစ်နေတယ်လို့ ပြောဆိုခဲ့ပါတယ်။
ABC Radio Australia
http://www.radioaustralia.net.au/burmese
ကန်ရေကူးသမား ၃ ဦးကို ဘရာဇီးလ်က နိုင်ငံပြန်ခွင့်မပြု
Reviewed by THITHTOOLWIN
on
13:15
Rating: