ပ်က္စီးတဲ့ ေစတီေတာ္ေတြကို ဖူးခြင့္ပိတ္ထား



Share/Bookmark
(ငလ်င္ေၾကာင့္ ပ်က္စီးသြားတဲ့ ပုဂံၿမိဳ႕က ေစတနာႀကီးဘုရားကို ၾသဂုတ္လ ၂၄ ရက္ေန႔ကေတြ႕ရစဥ္) Photo: Myo Zaw Ko/RFA
ၿပီးခဲ့တဲ့ ၾသဂုတ္လ ၂၄ ရက္ေန႔က လႈပ္ခတ္ခဲ့တဲ့ငလ်င္ေၾကာင့္ ပ်က္စီးသြားတဲ့ ပုဂံက ေစတီပုထိုး ၃၄ ဆူကို အစိုးရက ဝင္ေရာက္ဖူးေမွ်ာ္ခြင့္ ပိတ္ထားလိုက္ပါတယ္။

ပ်က္စီးမႈႀကီးမားတဲ့ ေစတီေတြကို ဝင္ေရာက္ခြင့္ပိတ္ထားတာျဖစ္ၿပီး အနည္းအက်ဥ္းပဲထိခိုက္တဲ့ ေစတီေတြကိုေတာ့ ဝင္ေရာက္ခြင့္ျပဳထားတယ္လို႔ ေရွးေဟာင္းသုေတသနဦးစီးဌာနရဲ့ ဒုတိယ ညႊန္ၾကားေရးမွဴးခ်ဳပ္ ဦးသိန္းလြင္က ေျပာပါတယ္။

"အမ်ားႀကီးၿပိဳတဲ့ဘုရားေတြကို ၿပိဳတယ္ဆိုတာ ထိပ္ပိုင္းက ၿပိဳက်ေတာ့ ေအာက္မွာ အဂၤေတေတြ ဘာေတြ ပလဲသြားတာေပါ့ေနာ္။ အဲ့ဒါမ်ိဳးေတြ ပိတ္ထားတာပါ။ အာနႏၵာတို႔ ဘာတို႔ အကုန္ဖြင့္ထားတယ္။ သေဗၺညဳတို႔ အကုန္ဖြင့္ထားတယ္။ ထီးလိုမင္းလိုေတာင္ ဖြင့္ထားတယ္။စူဠာမဏိတို႔ ေစတနာႀကီးဘုရားတို႔လိုေပါ့ေနာ္။ အထိမ်ားသြားၿပီးေတာ့ ေအာက္မွာ အဂၤေတေတြျပန္႔က်ဲၿပီး ကၽြန္ေတာ္တို႔ သန္႔ရွင္းေရးမလုပ္ရေသးဘူး။ အဲဒါ မ်ိဳးေလးေတြ ပိတ္ထားတာပါ။ ဟိုဘုရားေသးေသးေလးေတြ အကုန္ဖြင့္ထားတယ္။ ေသးေသးေလး ပ်က္စီးတဲ့ဘုရားေတြ အကုန္ဖြင့္ထားတယ္"

ဒါ့အျပင္ အခုပိတ္ထားတဲ့ ေစတီေတာ္ေတြက အပ်က္အစီးေတြကို ရွင္းလင္းၿပီး ျပန္ဖြင့္လို႔ရတဲ့ ေစတီေတာ္ေတြကို မၾကာမီရက္ပိုင္းအတြင္းမွာ ျပန္ၿပီးဖြင့္ေပးသြားမယ္လို႔လည္း ဦးသိန္းလြင္က ေျပာပါတယ္။

ၿပီးခဲ့တဲ့ ၾသဂုတ္လ ၂၄ ရက္ေန႔က ၆.၈ ျပင္းအား ငလ်င္လႈပ္ခတ္ခဲ့တဲ့အတြက္ ပုဂံက ေစတီေတာ္ ၁၈၇ ဆူ ထိခိုက္ပ်က္ဆီးခဲ့တယ္လို႔ အစိုးရက ထုတ္ျပန္ထားပါတယ္။

RFA Burmese
https://www.facebook.com/rfaburmese



Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ