ပုသိမ်မြို့ စက်မှုဇုန်အလွန် ဆီဆုံလမ်းဆုံတွင် ဖြစ်ပွားသော လူသတ်မှုမှ တရားခံများအား ဖမ်းဆီးရမိ

သြဂုတ်လ ၅။

(၃၀.၇.၂၀၁၆) ရက်နေ့ည (၈)နာရီအချိန် ဧရာဝတီတိုင်းဒေသကြီး ကန်ကြီးထောင့်မြို့ တံခွန်တိုင်ရွာနေ ဦးတင်စိုးနှင့် သားဖြစ်သူ ထက်ပိုင်စိုးမှာ ပုသိမ်မြို့ စက်မှုဇုန်အနီး လင်းပြည့်ဆန်စက်သို့ စပါးလာရောက် ကြိတ်ခွဲပြီးနောက် ရွာသို့ပြန်ရန် ဆန်စက်ဘေး ကွမ်းယာဆိုင် စောင့်နေစဉ် ဆန်စက်အလုပ်သမား ညွန့်ဝင်း (ခ) ဆံရှည် ၃၈ နှစ် စိုင်ခြံရွာနေသူနှင့် အမည်မသိသူတစ်ဦးတို့ ရောက်ရှိလာကာ စကားများပြီး ၄င်းတို့နှစ်ဦးမှ ဝိုင်းဝန်းထိုးကြိတ် ရိုက်နှက်ခဲ့သဖြင့် ထက်ပိုင်စိုးတွင် ဒဏ်ရာများရရှိကာ (၃၁.၇.၂၀၁၆) ရက်နေ့တွင် ရန်ကုန်ဆေးရုံကြီးတွင် သေဆုံးသွားခဲ့သည်။

 အမှုမှ ကျုးလွန်ပြီး ထွက်ပြေးတိမ်းရှောင်နေသော တရားခံများအား ပုသိမ်မြို့နယ်ရဲတပ်ဖွဲ့မှူး ပုသိမ်မြို့မရဲစခန်းမှူးတို့၏ ကြီးကြပ်မှုဖြင့် ပုသိမ်မြို့မရဲစခန်းမှ တပ်ဖွဲ့ဝင်များသည် အဖွဲ့များ ခွဲလျက် လိုက်လံဖမ်းဆီးခြင်း တရားခံအား စိုင်ခြံရွာအနီးတွင် ကင်းပုန်းဝပ်စောင့်ဆိုင်း ဖမ်းဆီးခြင်းများ ပြုလုပ်ခဲ့ရာ (၅.၈.၂၀၁၆)ရက်နေ့ နေ့လည်ပိုင်းတွင် တရားခံ ညွန့်ဝင်း (ခ) ဆံရှည်နှင့် ၄င်းယောက်ဖဖြစ်သူ မင်းသူ (ခ) လင်းနိုင်တို့အား ဖမ်းဆီးရမိခဲ့ပြီး ဥပဒေနှင့်အညီ ဆောင်ရွက်သွားမည် ဖြစ်ကြောင်း သိရသည်။

Zaw Min Tun