ကာမိုင်းမြို့နယ်မှာ ရွှေခိုးတူးနေရာကနေ ထွက်ပြေးလာတဲ့ တရုတ်နိုင်ငံသား (၈)ဦး ဖမ်းမိ

ဖမ်းဆီးရမိသော တစ်ဖက်နိုင်ငံသား ရှစ်ဦးနှင့် မော်တော်ယာဉ် နှစ်စီးကို တွေ့ရစဉ် ဖမ်းဆီးရမိသော တစ်ဖက်နိုင်ငံသား ရှစ်ဦးနှင့် မော်တော်ယာဉ် နှစ်စီးကို တွေ့ရစဉ်
နေပြည်တော် သြဂုတ် ၆

ကချင်ပြည်နယ်၊ ကာမိုင်းမြို့နယ်၊ ရှဒူဇွပ်နယ်မြေအတွင်း တပ်မတော် စစ်ကြောင်းများက ဇူလိုင် ၂၈ ရက်မှ သြဂုတ် ၂ ရက်အထိ နယ်မြေ ရှင်းလင်း ဆောင်ရွက်စဉ်၊ တရားမဝင် တူးဖော်လျက်ရှိသည့် ရွှေဖောင်များ၊ ရွှေတူးဖော်ရာတွင်အသုံးပြုသည့် ယာဉ်ယန္တရားများနှင့် တစ်ဖက် နိုင်ငံသားများအား ဖမ်းဆီးရမိခဲ့သည်။

အဆိုပါ တရားမဝင် တူးဖော်လျက်ရှိသည့် ရွှေဖောင်များမှ တစ်ဖက်နိုင်ငံသားများသည် ရှဒူဇွပ်မှ နမ္မတီးဘက်သို့ ထွက်ပြေး တိမ်းရှောင်လာကြောင်း သတင်းများအရ နယ်မြေခံ တပ်မတော်စစ်ကြောင်းက လေးမိုင်-မိုးကောင်း-နမ္မတီး လမ်းပေါ်တွင် လှည့်ကင်းများ ဆောင်ရွက်၍ ဖြတ်သန်း သွားလာလျက်ရှိသည့် မော်တော်ယာဉ် များအား ရှောင်တခင် စစ်ဆေးမှုများ ဆောင်ရွက်ခဲ့သည်။

ထိုသို့ ဆောင်ရွက်စဉ် သြဂုတ် ၅ ရက် ည ၁ဝ နာရီ ၁ဝ မိနစ်ခန့်တွင် မရမ်ကထောင်မှ လေးမိုင်ဘက်သို့ ဦးတည်၍ ယာဉ်မောင်း ဦးကျော်ဦးနှင့် ဦးမောင်ဇော်တို့နှစ်ဦး မောင်းနှင် လာသည့် အေဒီဗင် အမျိုးအစား အဖြူရောင် ယာဉ်အမှတ် MDY/GG ------ နှင့် YAA/CC ----- တို့အား လေးမိုင်ကျေးရွာရှိ ဘုန်းတော်ကြီးကျောင်းရှေ့၌ ရပ်တန့်စစ်ဆေးရာ ယာဉ်ပေါ်တွင် စီးနင်းလိုက်ပါလာသည့် တစ်ဖက်နိုင်ငံသား လီယွန်၊ ဇန်ဆော်ဒေါင်၊ တန်ယုလင်၊ ချန်ဒုံလောင်၊ ဇန်ဆုံချောင်၊ ဝူယုလောင်၊ ကျိန်ချင်ချင်းနှင့် လင်လိစိန်တို့ စုစုပေါင်း ရှစ်ဦးအား ငွေကျပ်သိန်း ၂ဝဝ ကျော်၊ တရုတ်ယွမ်ငွေ ၇၅ဝဝ ကျော်၊ တက်ဘလက်တစ်လုံး၊ မိုဘိုင်းလ်ဖုန်း ရှစ်လုံးနှင့် တစ်ဖက်နိုင်ငံ အေတီအမ်ကတ် ၁ဝ ခု တို့နှင့်အတူ ဖမ်းဆီး ရမိခဲ့သည်။

ဖမ်းဆီးရမိ တစ်ဖက်နိုင်ငံသားရှစ်ဦး၊ ယာဉ်မောင်းနှစ်ဦး၊ မော်တော်ယာဉ်နှစ်စီး၊ ငွေနှင့် ပစ္စည်းများအား ဥပဒေနှင့်အညီ အရေးယူ ဆောင်ရွက်နိုင်ရေး မိုးကောင်းမြို့နယ် ရဲစခန်းသို့ စနစ်တကျ လွှဲပြောင်း အပ်နှံပြီးဖြစ်ကြောင်း သတင်း ရရှိသည်။

မြ၀တီ
https://www.facebook.com/mwdmedia

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ