တပ်မတော်နဲ့ ကေအိုင်အေတပ်တွေ နယ်စပ်မှာတိုက်ပွဲဖြစ်

ဓါတ်ပုံ - ( ကေအိုင်အေ တပ်ဖွဲ့ဝင် နှစ်ဦးကို တွေ့ရစဉ်)

ကချင်ပြည်နယ် ဆဒုံး-ကန်ပိုက်တီဒေသ တရုတ်-မြန်မာနယ်စပ် နယ်ခြားမှတ်တိုင် ၆ အနီးမှာ အစိုးရတပ်မတော်နဲ့ ကေအိုင်အေတပ်ရင်း ၃ တို့အကြား အခုရက်ပိုင်းအတွင်း တိုက်ပွဲတွေဖြစ်နေလို့ အဲ့ဒီနားတဝိုက်မှာ နေထိုင်တဲ့ လီဆူရွာသားတွေ တရုတ်နိုင်ငံထဲ ထွက်ပြေးတိမ်းရှောင်နေရပါတယ်။

တရုတ်နိုင်ငံဘက် ထွက်ပြေးခိုလှုံနေသူတွေဟာ ထန်းမိုခမ်း၊ ကူခမ်း စတဲ့ ကျေးရွာတွေက ရွာသားတွေဖြစ်ပြီး အများစုက သက်ကြီးရွယ်အိုနဲ့ ကလေးတွေဖြစ်တယ်လို့ ဆဒုံးမြို့ခံ ဦးနော်ဂျာ က ပြောပြပါတယ်။

တိုက်ပွဲတွေဖြစ်ပွားနေတဲ့ တရုတ်နယ်နိမိတ်ဘက်အခြမ်းမှာ တရုတ်စစ်တပ်ဘက်ကလည်း သူတို့ဘက်မှာ လုံခြုံရေး ရယူထားတယ်လို့လည်း ပြောပါတယ်။

အခုရက်ပိုင်းအတွင်း ဆဒုံး-ကန်ပိုက်တီ-လိုင်ဇာဒေသတွေဘက်မှာ တိုက်ပွဲဖြစ်ပွားနေတာမှန်ကန်ကြောင်း ကေအိုင်အို ပဋိပက္ခညှိနှိုင်းရေးအဖွဲ့ဝင် ဗိုလ်မှူးကြီး နော်လီက အတည်ပြုပြောပါတယ်။

ဒါ့အပြင် ဧရာဝတီမြစ်အနောက်ဘက်ခြမ်း ဟူးကောင်းလွင်ပြင်ဒေသ မြစ်ကြီးနား-တနိုင်းလမ်းပေါ် နဲ့ မိုးကား-ဖားကန့်ကားလမ်းတွေဘက်မှာလည်း တပ်မတော်နဲ့ ကေအိုင်အေ တပ်ဖွဲ့တွေအကြား စစ်ရေးပဋိပက္ခတွေရှိနေပါတယ်။

RFA Burmese
https://www.facebook.com/rfaburmese