နာဂဒေသက ကူးစက်ရောဂါခံစားနေရတဲ့ ကလေးငယ်တစ်ဦးကို တွေ့ရစဉ်။ Photo: U Aung Htut |
ရောဂါဝေဒနာခံစားနေရသူတွေကို ကျန်းမာရေးဝန်ထမ်းတွေက ဒီနေ့ ထပ်မံသွားရောက် ကုသနေတယ်လို့ နာဂ ကိုယ်ပိုင်အုပ်ချုပ်ခွင့်ရဒေသ ဦးစီးအဖွဲ့ရုံး လက်ထောက်ညွှန်ကြားရေးမှူး ဦးသိန်းဇော် က ပြောပါတယ်။
အဲ့ဒီရောဂါဟာ ဆရာဝန်တွေရဲ့ ပြောပြချက်အရ အသက်ရှူလမ်းကြောင်းမှာ ပိုးဝင်တာဖြစ်ပြီး ခန္ဓာကိုယ်မှာ အဖုအပိန့်တွေ ထွက်ရာကနေ မျက်လုံးတွေနီတာ၊ မျက်ရည်ကျတာနဲ့ နောက်ဆုံးမှာ ချောင်းဆိုး ပြီး သွေးအန် သေဆုံးတာဖြစ်တယ်လို့ ပြောပါတယ်။
သွေးနမူနာနဲ့ ဆီးနမူနာကို ရန်ကုန်မှာ ဓာတ်ခွဲစစ်ဆေးပြီးမှသာ ဘာရောဂါလဲဆိုတာ သေချာသိရမှာ ဖြစ်တယ် လို့လည်း ပြောပါတယ်။
အဲ့ဒီရောဂါဟာ လဟယ်မြို့နယ် ထန်ခေါ်လားမားကျေးရွာမှာ ဇွန်လ ၁၄ ရက်နေ့လောက်က စတင်ဖြစ်ပွားခဲ့ တာဖြစ်ပြီး ထန်ခေါ်နောက်ပိုး၊ စိမ့်ပါး၊ လမ်းတိုင်းနဲ့ ခမ်းလိုင်းရွာတွေမှာပါ ကူးစက်ဖြစ်ပွားခဲ့တာ ဖြစ်ပါတယ်။
ဒါ့အပြင် နန်းယွန်းမြို့နယ်ထဲက ကဲဆန်ဆာလင်၊ ကဲဆန်ကားလန်နဲ့ ကဲဆန်ဘောက်လွန်းစတဲ့ ကျေးရွာတွေမှာ ဇူလိုင်လ ၂၈ ရက်နေ့လောက်က စတင်ဖြစ်ပွားခဲ့ပြီး ကဲဆန်လောင်ကျန်းကျေးရွာကိုပါ ကူးစက်ပြန့်ပွားလာ တာ ဖြစ်ပါတယ်။
သေဆုံးသူတွေထဲမှာ အသက် ၁၅ နှစ်အောက်တွေ အများဆုံးဖြစ်ပြီး အသက် ၄၀ ကျော်တွေ နဲ့ အသက် ၉၀ ကျော်လည်း တစ်ဦး ပါဝင်တယ်လို့ သိရပါတယ်။
RFA Burmese
http://www.rfa.org/burmese
လဟယ်မြို့နယ်မှာ ကူးစက်ရောဂါကြောင့် သေဆုံးသူ ပိုများလာ
Reviewed by THITHTOOLWIN
on
19:07
Rating: