ဘောလုံးပွဲကြောင့် ခိုက်ရန်ဖြစ်ပွားခဲ့တဲ့ ကျေးရွာ ၂ ရွာကြားမှာ လုံခြုံရေးစောင့်ကြည့်

ဘောလုံးပွဲကြည့်ရင်း ခိုက်ရန်ဖြစ်ပွားပြီး ဆင်မင်းကျေးရွာက နေအိမ်တွေ ဖျက်ဆီးထားတာကို တွေ့ရစဉ်
Photo : Thein Win Oo (facebook)
မကွေးတိုင်း ပခုက္ကူမြို့နယ် ကွန်းရွာဘုရားပွဲမှာ ဆင်မင်းကျေးရွာနဲ့ ရွှေတန်းတစ်ကျေးရွာ ရွာသူ ရွာသားတွေ ဒီလ ၁၈ ရက်နေ့က ဘောလုံးပွဲကြည့်ရင်း ခိုက်ရန်ဖြစ်ပွားပြီး ဆင်မင်းကျေးရွာက နေအိမ် ၁၃ လုံး ဖျက်ဆီးခံရတာကြောင့် ကျေး ရွာနှစ်ရွာအကြားမှာ လုံခြုံရေးချထားလိုက်ပါတယ်။

လုံခြုံရေးအတွက် ရဲအင်အား ၂ဝ လောက်ဟာ ကျေးရွာလုံခြုံရေး စောင့်ကြည့်နေသလို နေအိမ်ဖျက်ဆီးမှုနဲ့ ခိုက်ရန်ဖြစ်ပွားမှု၊ ရန်စမှုတွေမှာ ပါဝင်ခဲ့သူတွေကို စာရင်းကောက်နေတယ်လို့ ပခုက္ကူမြို့နယ် အထွေထွေအုပ်ချုပ်ရေးမှူး ဦးမြင့်ခိုင် က ပြောပါတယ်။

ပြီးခဲ့တဲ့သြဂုတ်လ ၁၈ ရက်နေ့က ကွန်းရွာဘုရားပွဲမှာ ဘောလုံးပွဲကျင်းပခဲ့တာဖြစ်ပြီး ဘောလုံးပွဲကြည့်ရင်း ခိုက်ရန်ဖြစ်ပွား ခဲ့ကြတာဖြစ်ပါတယ်။ ရန်ပွဲမှာ ရွှေတန်းတစ်ရွာသားတစ်ဦး ဒဏ်ရာရရှိခဲ့ပြီး နေအိမ်အပြန်လမ်းမှာ ဆင်မင်းကျေးရွာသားတွေ က လေးခွနဲ့ ပစ်ခတ်တာတွေရှိခဲ့ပါတယ်။

အဲ့ဒီကိစ္စကို မကျေနပ်တဲ့ ရွှေတန်းတစ်ရွာသားတွေက ဆင်မင်းကျေးရွာမှာ နေအိမ်တွေကို ဝင်ရောက်ဖျက်ဆီးခဲ့တာဖြစ် ပါတယ်။

ဆင်မင်းကျေးရွာမှာ အိမ်ခြေ ၁ဝဝ လောက်ရှိပြီး ရွာသားတွေဟာ သူတို့ရဲ့နေအိမ်တွေ ဖျက်ဆီးခံရချိန်မှာ ထွက်ပြေး တိမ်းရှောင်နေတဲ့အတွက် လူတွေထိခိုက်မိတာမရှိဘဲ ဈေးဆိုင်တွေ၊ ဆိုင်ကယ်တွေ၊ ရေခဲသေတ္တာတွေ၊ တီဗီတွေနဲ့ ပရိဘောဂပစ္စည်းတွေ ပျက်စီးခဲ့တာဖြစ်ပါတယ်။

အဲ့ဒီကျေးရွာနှစ်ရွာဟာ ၂ဝ၁၂ ခုနှစ်ကတည်းက ကျေးရွာပိုင် ဘုန်းကြီးကျောင်းကိစ္စနဲ့ အငြင်းပွားခဲ့ပြီး ပြဿနာဖြစ် ပွားခဲ့ဖူးပါတယ်

RFA Burmese
http://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ