တောင်ကျချောင်းကမ်းပါးပြိုကျမှုကြောင့် လူတစ်ဦးဒုတိယအကြိမ် မျောပါပျောက်ဆုံး


တောင်တွင်းကြီး သြဂုတ် (၂၈)

မကွေးတိုင်းဒေသကြီး ၊တောင်တွင်းကြီးမြို့နယ်တွင် တောင်ကျချောင်း ကမ်းပါးပြိုကျမှုကြောင့် လူတစ်ဦးရေစီးနှင့်အတူ ဒုတိယအကြိမ် မျောပါမှုတစ်ခု ယနေ့ သြဂုတ် (၂၈) ရက် ညနေ (၃) နာရီ (၁၅) မိနစ်အချိန်ခန့်တွင် ဖြစ်ပွားခဲ့ကြောင်း သိရသည် ။


အဆိုပါ ရေစီးနောက်မျောပါခဲ့သူသည် တောင်တွင်းကြီးမြို့နယ် ၊ ငမင်ကျေးရွာအုပ်စု ၊ ချိုင်းကျေးရွာနေ (ဘ) ဦးအောင်ကြည်၏သား အသက် (၅၂) နှစ်ရှိ ဦးတင်မြင့် ဆိုသူဖြစ်ပြီး ချိုင်းကျေးရွာ၏မြောက်ဘက် ချောင်းတစ်ဖက်ကမ်းရှိ ၄င်းပိုင် ယာခင်းမှအပြန် ချိုင်းကျေးရွား၏မြောက်ဘက် ပေ(၂၀၀) ခန့်အကွာ ငမင်ချောင်းကမ်းပါးဘေးအရောက် တောင်ကျချောင်းရေ တိုက်စားမှုကြောင့် ချောင်းကန်းပါးပြိုကျ၍ ရေစီးနှင့်အတူ မျောပါသွားခဲ့ခြင်းဖြစ်ကြောင်း သိရသည် ။


အဆိုပါ ချောင်းကမ်းပါးပြိုကျမှုဖြစ်ပွားရာနေရာသို့ သက်ဆိုင်ရာ တာဝန်ရှိသူများ ၊ ဒေသခံများက ငမင်ချောင်းရိုးတစ်လျှောက် လိုက်လံရှာဖွေနေကာ ယခု ညနေ (၅)နာရီ (၅)မိနစ် အချိန်ခန့်အထိ ရှာဖွေမတွေ့ရသေးကြောင်း ကနဦးသတင်း သိရသည် ။


အဆိုပါချောင်းတွင် ယမန်နေ့သြဂုတ်(၂၇)ရက် နံနက် (၉)နာရီခွဲ အချိန်ခန့်ကလည်း အမှတ်(၁၅၉)ပိတ်ဆွယ်ခုံအခြေခံပညာမူလတန်းကျောင်းမှ မူလတန်းပြ ( နေ့စား/လပေး ) ဆရာမတစ်ဦး တောင်ကျချောင်းရေ ရုတ်တရက်ကျဆင်းမှုကြောင့် ရေစီးနောက် မျောပါပျောက်ဆုံးခဲ့ပြီး ယနေ့ သြဂုတ်(၂၈)ရက် နံနက် (၇)နာရီ (၅၀) မိနစ်အချိန်ခန့်မှ သေဆုံးလျှက်ပြန်လည်တွေ့ရှိခဲ့သည် ။

ဗိုလ်ပြည့် ( တောင်တွင်းကြီး )
https://www.facebook.com/bopyae.taungdwingyi

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ