ရေဘေးဒုက္ခသည် တစ်သိန်းနီးပါးရှိနေ

ချင်းတွင်းမြစ်ရေ တက်လာတာကြောင့် စစ်ကိုင်းတိုင်း ခန္တီးမြို့မှာ ဇူလိုင်လ ၆ ရက်နေ့က ရေကြီးနေတဲ့ရပ်ကွက်နေ ပြည်သူတွေကို မီးသတ်တပ်ဖွဲ့ဝင်တွေက ဘေးလွတ်ရာသို့ ကယ်ဆယ်ပြောင်းရွှေ့ပေးစဉ်။ Photo: Myanmar Fire Services Department
ဧရာဝတီမြစ် နဲ့ ချင်းတွင်းမြစ်ရေ မြင့်တက်နေမှုကြောင့် မကွေး၊ စစ်ကိုင်း၊ မန္တလေး၊ ဧရာဝတီ၊ ပဲခူး နဲ့ ကချင် စတဲ့ တိုင်းဒေသကြီးနဲ့ ပြည်နယ် ၆ ခုက လူဦးရေ ၁ သိန်းနီးပါးလောက် ရေဘေးဒဏ်ခံနေရပြီး ရေဘေးကယ်ဆယ်ရေးစခန်းတွေမှာ ပြောင်းရွှေ့နေကြရပါတယ်။

လတ်တလောမှာ အရေးပေါ်အနေနဲ့ စားနပ်ရိက္ခာတွေ လိုအပ်နေတာကြောင့် ထောက်ပံ့ပေးနေတယ်လို့ လူမှုဝန်ထမ်းကယ်ဆယ်ရေးနဲ့ ပြန်လည်နေရာချထားရေးဝန်ကြီးဌာန ညွှန်ကြားရေးမှူး ဒေါ်ဖြူလဲ့လဲ့ထွန်း က ပြောပါတယ်။

အဲ့ဒီတိုင်းနဲ့ပြည်နယ် ၆ခုထဲမှာ မကွေးတိုင်းမှာ ရေဘေးဒဏ်ခံနေရသူ အများဆုံးဖြစ်ပြီး လူဦးရေ ၅ သောင်းခွဲကျော်ရှိနေပါတယ်။ ရေကြီးနစ်မြုပ်မှုကြောင့် မန္တလေးတိုင်းမှာ ၂ သောင်းခွဲကျော် နဲ့ စစ်ကိုင်းတိုင်းမှာ ၁ သောင်းခွဲနီးပါးဟာ ကယ်ဆယ်ရေးစခန်းတွေကို ပြောင်းရွှေ့နေကြပါတယ်။

လူမှုဝန်ထမ်းကယ်ဆယ်ရေးနဲ့ ပြန်လည်နေရာချထားရေးဝန်ကြီးဌာနအနေနဲ့ လူနေအိမ်တွေထဲ ရေတွေဝင်ရောက်နေပေမယ့် ပြောင်းရွှေ့စရာသိပ်မလိုသေးတဲ့ ရပ်ကွက်ကျေးရွာတွေကိုလည်း စားနပ်ရိက္ခာတွေ ထောက်ပံ့ပေးနေတယ်လို့ ဒေါ်ဖြူလဲ့လဲ့ထွန်း က ပြောပါတယ်။

လက်ရှိ မြစ်ဝကျွန်းပေါ်ဒေသတွေမှာလည်း မြစ်ရေမြင့်တက်နေတာတွေရှိနေသလို အထက်ပိုင်းက ရေတွေ ပြန်ကျလာနိုင်တာကြောင့် မြစ်ဝကျွန်းပေါ်မှာ နေထိုင်ကြသူတွေအနေနဲ့ ရေကြီးရေလျှံမှုတွေအတွက် ကြိုတင်ပြင်ဆင်ထားဖို့ မိုးလေ၀သနဲ့ ဇလဗေဒညွှန်ကြားမှုဦးစီးဌာနက သတိပေးထားပါတယ်။

ဧရာဝတီမြစ်ရေ မြင့်တက်လာမှုကြောင့် ပြီးခဲ့တဲ့ ဇူလိုင်လ ၃၁ ရက်နေ့ ညနေပိုင်းကစပြီး ဦးပိန်တံတားကို အများပြည်သူ ဖြတ်သန်းသွားလာခွင့် ပိတ်လိုက်သလို မန္တလေး ရတနာပုံတက္ကသိုလ်ကိုလည်း ပိတ်ထားရပါတယ်။

RFA Burmese
http://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ