လတ်တလောမှာ အရေးပေါ်အနေနဲ့ စားနပ်ရိက္ခာတွေ လိုအပ်နေတာကြောင့် ထောက်ပံ့ပေးနေတယ်လို့ လူမှုဝန်ထမ်းကယ်ဆယ်ရေးနဲ့ ပြန်လည်နေရာချထားရေးဝန်ကြီးဌာန ညွှန်ကြားရေးမှူး ဒေါ်ဖြူလဲ့လဲ့ထွန်း က ပြောပါတယ်။
အဲ့ဒီတိုင်းနဲ့ပြည်နယ် ၆ခုထဲမှာ မကွေးတိုင်းမှာ ရေဘေးဒဏ်ခံနေရသူ အများဆုံးဖြစ်ပြီး လူဦးရေ ၅ သောင်းခွဲကျော်ရှိနေပါတယ်။ ရေကြီးနစ်မြုပ်မှုကြောင့် မန္တလေးတိုင်းမှာ ၂ သောင်းခွဲကျော် နဲ့ စစ်ကိုင်းတိုင်းမှာ ၁ သောင်းခွဲနီးပါးဟာ ကယ်ဆယ်ရေးစခန်းတွေကို ပြောင်းရွှေ့နေကြပါတယ်။
လူမှုဝန်ထမ်းကယ်ဆယ်ရေးနဲ့ ပြန်လည်နေရာချထားရေးဝန်ကြီးဌာနအနေနဲ့ လူနေအိမ်တွေထဲ ရေတွေဝင်ရောက်နေပေမယ့် ပြောင်းရွှေ့စရာသိပ်မလိုသေးတဲ့ ရပ်ကွက်ကျေးရွာတွေကိုလည်း စားနပ်ရိက္ခာတွေ ထောက်ပံ့ပေးနေတယ်လို့ ဒေါ်ဖြူလဲ့လဲ့ထွန်း က ပြောပါတယ်။
လက်ရှိ မြစ်ဝကျွန်းပေါ်ဒေသတွေမှာလည်း မြစ်ရေမြင့်တက်နေတာတွေရှိနေသလို အထက်ပိုင်းက ရေတွေ ပြန်ကျလာနိုင်တာကြောင့် မြစ်ဝကျွန်းပေါ်မှာ နေထိုင်ကြသူတွေအနေနဲ့ ရေကြီးရေလျှံမှုတွေအတွက် ကြိုတင်ပြင်ဆင်ထားဖို့ မိုးလေ၀သနဲ့ ဇလဗေဒညွှန်ကြားမှုဦးစီးဌာနက သတိပေးထားပါတယ်။
ဧရာဝတီမြစ်ရေ မြင့်တက်လာမှုကြောင့် ပြီးခဲ့တဲ့ ဇူလိုင်လ ၃၁ ရက်နေ့ ညနေပိုင်းကစပြီး ဦးပိန်တံတားကို အများပြည်သူ ဖြတ်သန်းသွားလာခွင့် ပိတ်လိုက်သလို မန္တလေး ရတနာပုံတက္ကသိုလ်ကိုလည်း ပိတ်ထားရပါတယ်။
RFA Burmese
http://www.rfa.org/burmese
ရေဘေးဒုက္ခသည် တစ်သိန်းနီးပါးရှိနေ
Reviewed by THITHTOOLWIN
on
21:15
Rating: