ကချင်ပြည်နယ်အတွင်း တရားမ၀င်တူးဖော်လျက်ရှိသည့် ရွှေဖောင်များ၊ ရွှေတူးဖေါ်ရာတွင် အသုံးပြုသည့် ယာဉ်ယန္တရားများ သိမ်းဆည်းရမိ၊ KIA လက်နက်ကိုင်အဖွဲ့နှင့်တိုက်ပွဲများဖြစ်ပွား


နေပြည်တော်၊ သြဂုတ် ၄

တပ်မတော်အနေဖြင့် နိုင်ငံတော်ကာကွယ်ရေးတာဝန်များအပြင် နိုင်ငံတော်၏ ရေ၊ မြေ သယံဇာတများအား တရားမ၀င်နည်းလမ်းများဖြင့် မိမိတို့၏ကိုယ်ကျိုးအတွက် ထုတ်ယူသုံးစွဲနေမှုများအား စောင့်ရှောက်ကာကွယ် လျက်ရှိရာ ကချင်ပြည်နယ်အတွင်းရှိ ဒွန်ဘန်-ရှဒူဇွပ်နယ်မြေအတွင်း တပ်မတော်စစ်ကြောင်းများက နယ်မြေရှင်းလင်းဆောင်ရွက်စဉ် တရားမ၀င်တူးဖော်လျက်ရှိသည့် ရွှေဖောင်များ၊ ရွှေတူးဖေါ်ရာတွင် အသုံးပြုသည့် ယာဉ်ယန္တရားများ သိမ်းဆည်းရမိခဲ့သည်။


ဖြစ်စဉ်မှာ ကာမိုင်းမြို့နယ်၊ ရှဒူဇွပ်ကျေးရွာအနီးပတ်ဝန်းကျင်၌ တပ်မတော်စစ်ကြောင်းများက နယ်မြေရှင်းလင်းဆောင်ရွက်စဉ် ဇူလိုင် ၂၈ ရက်တွင် တရားမ၀င်ရွှေတူးဖေါ်ရာတွင် အသုံးပြုသော ဘက်ဟိုးယာဉ် ၁၃ စီး၊ ၂၂ ဘီးတွဲယာဉ် ၃ စီး၊ ၁၀ ဘီးယာဉ် ၁ စီး၊ ရွှေဖောင် ၂ ခုနှင့် တစ်ဖက်နိုင်ငံသား ၄ ဦးတို့အားလည်းကောင်း၊ ဇူလိုင် ၃၀ ရက်တွင် ဘက်ဟိုးယာဉ် ၂ စီး၊ ၆ ဘီးယာဉ် ၃ စီး၊ ရွှေဖောင် ၂ ခုအားလည်းကောင်း၊ ဇူလိုင် ၃၁ ရက်တွင် ရွှေဖောင် ၅ ခုအားလည်းကောင်း၊ သြဂုတ် ၁ ရက်တွင် ဘက်ဟိုးယာဉ် ၂ စီးနှင့် ရွှေဖောင် ၄ ခုအားလည်းကောင်း၊ သြဂုတ် ၂ ရက်တွင် ၁၀ ဘီးယာဉ် ၂ စီးအားလည်ကောင်း စုစုပေါင်း တရားမ၀င်ရွှေတူးဖော်ခြင်း လုပ်ငန်းများတွင် အသုံးပြုသည့် ဘက်ဟိုးယာဉ် ၁၇ စီး၊ ၂၂ ဘီးတွဲယာဉ် ၃ စီး၊ ၁၀ ဘီးယာဉ် ၃ စီး၊ ၆ ဘီးယာဉ် ၃ စီး၊ ရွှေဖောင် ၁၃ ခုတို့အား သိမ်းဆည်းရမိခဲ့ပြီး တရားမ၀င်ရွှေတူးဖော်ခြင်းလုပ်ငန်းများ ဆောင်ရွက်နေသည့် တစ်ဖက်နိုင်ငံသား ၈ ဦးတို့အား ဖမ်းဆီးရမိခဲ့သည်။


ထိုသို့ တပ်မတော်စစ်ကြောင်းများက နယ်မြေရှင်းလင်းခြင်းများ ဆက်လက်ဆောင်ရွက်စဉ် သြဂုတ် ၃ ရက် နံနက်ပိုင်းတွင် ရှဒူဇွပ်ကျေးရွာ၏ အနောက်မြောက်ဘက် ၅ မိုင်ခန့်အကွာ တရားမ၀င် ရွှေတူးဖော်မှုများ ပြုလုပ်နေသည့် ပတ်ဝန်းကျင်၌ KIA လက်နက်ကိုင်အဖွဲ့မှ အင်အား ၁၅ ဦးခန့်နှင့် ထိတွေ့တိုက်ပွဲ ၂ ကြိမ်၊ အင်အား ၅၀ ဦးခန့်နှင့် ထိတွေ့တိုက်ပွဲ ၂ ကြိမ် ဖြစ်ပွားခဲ့ပြီး တပ်မတော်စစ်ကြောင်းများ၏ ပြန်လည်တိုက်ခိုက် ချေမှုန်းမှုများကြောင့် ပြန်လည်ဆုတ်ခွာသွားခဲ့ကာ KIA လက်နက်ကိုင်အဖွဲ့ထံမှ လက်ပစ်ဗုံးများနှင့် အမ်-၂၂ ကျည်များသိမ်းဆည်းရမိခဲ့သည်။


ထို့အတူညနေပိုင်းတွင် ဒွန်ဘန်ကျေးရွာနှင့် ရှဒူဇွပ်ကျေးရွာအကြား လမ်းကြောင်းလုံခြုံရေး ဆောင်ရွက်လျက်ရှိသည့် တပ်မတော်စစ်ကြောင်းအား KIA လက်နက်ကိုင်အဖွဲ့မှ အင်အား ၃ ဦးခန့်က ဆွဲမိုင်း ၄ လုံးဖြင့် ဖောက်ခွဲတိုက်ခိုက်ခဲ့သဖြင့် တပ်မတော်စစ်ကြောင်းက ပြန်လည်ပစ်ခတ်တိုက်ခိုက်ခဲ့ရာ အရှေ့မြောက်ဘက်သို့ ဆုတ်ခွာထွက်ပြေးသွားခဲ့သည်။


အလားတူ ယနေ့နံနက်ပိုင်းတွင်လည်း ကာမိုင်းမြို့နယ်၊ လ၀ါးကျေးရွာ၏မြောက်ဘက် အနီးတ၀ိုက်တွင် နယ်မြေရှင်းလင်းဆောင်ရွက်လျက်ရှိသည့် တပ်မတော်စစ်ကြောင်းများအား KIA လက်နက်ကိုင်အဖွဲ့ငယ်များ က ဆွဲမိုင်းဖြင့် တိုက်ခိုက်ခြင်း၊ လက်နက်ငယ်များဖြင့် ချောင်းမြောင်းပစ်ခတ်ခြင်း၊ လက်နက်ကြီးများဖြင့် နှောင့်ယှက်ပစ်ခတ်ခြင်းများ လုပ်ဆောင်ခြင်းကြောင့် ထိမိတိုက်ပွဲဖြစ်ပွားမှု ၃ ကြိမ် ဖြစ်ပွားပြီး ယင်းအဖွဲ့များ အရှေ့ဘက်သို့ ဆုတ်ခွာထွက်ပြေးသွားခဲ့သည်။

အထက်ပါ တရားမ၀င်ရွှေတူးဖော်မှုများကြောင့် နိုင်ငံတော်ပိုင် အဖိုးတန်သယံဇာတများ နစ်နာဆုံးရှုံး ရသည့်အပြင် စက်ယန္တရားများ အသုံးပြုရွှေတူးဖော်မှုကြောင့် မိုးကောင်းချောင်းပါ တိမ်ကော၍ သဘာဝပတ်ဝန်းကျင်အား ထိခိုက်ပျက်စီးခြင်း၊ လယ်ယာမြေများ ပျက်စီးဆုံးရှုံးခြင်းများဖြစ်ပေါ်နေကြောင်း သိရှိရသည်။ တပ်မတော်စစ်ကြောင်းများအနေဖြင့် ၎င်းနယ်မြေအတွင်းရှိ တရားမ၀င်ရွှေတူးဖော်မှုများ၊ ယင်းအဖွဲ့များကို စောင့်ရှောက်အကာအကွယ်ပေးနေမှုများအား ဆက်လက်ရှင်းလင်းလျက်ရှိကြောင်း သတင်းရရှိသည်။

မြ၀တီ
https://www.facebook.com/mwdmedia

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ