မြန်မာ့ငြိမ်းချမ်းရေးလုပ်ငန်းစဉ်နှင့် ဖွံ့ဖြိုးရေး တရုတ်ထောက်ခံ

ဒေါ်အောင်ဆန်းစုကြည် တရုတ်နိုင်ငံခရီးစဉ်။ သြဂုတ် ၁၉၊ ၂၀၁၆။
နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ တရုတ်သမ္မတ ရှီကျင့်ဖျင် တို့ ဘေဂျင်းမြို့မှာ ဒီကနေ့ တွေ့ဆုံခဲ့ကြပြီး ဒီခရီးစဉ်က ၂ နိုင်ငံကြား ပူးပေါင်းဆောင်ရွက်မှုတွေဖြစ်ပေါ်လာဖို့အတွက် လုပ်ဆောင်သွားမယ်လို့ ယုံကြည်ကြောင်း တရုတ်သမ္မတက ပြောကြားလိုက်ပါတယ်။ ဒါ့အပြင် တရုတ် အစိုးရအနေနဲ့ မြန်မာနိုင်ငံရဲ့ ငြိမ်းချမ်းရေးလုပ်ငန်းစဉ်ကို ထောက်ခံအားပေးတယ် လို့ ပြောလိုက်ပါတယ်။ ဒေါ်အောင်ဆန်းစုကြည်ကတော့ တရုတ်နိုင်ငံအနေနဲ့ သူမကို နွေးနွေးထွေးထွေးကြိုဆိုတဲ့အပေါ်မှာ ကျေးဇူးတင်တယ်လို့ ပြောပါတယ်။ ဒီအကြောင်းအပြည့်အစုံကိုတော့ ကိုရန်နိုင်က ပြောပြပေးမှာဖြစ်ပါတယ်။

တရုတ်နိုင်ငံကို ၅ ရက်ကြာ ရောက်ရှိနေဲ့ နိုင်ငံတော်အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်ဟာ ဒီကနေ့ညနေမှာတော့ တရုတ်သမ္မတ ရှီကျင့်ဖျင် နဲ့ ဘေဂျင်းမြို့မှာ တွေ့ဆုံခဲ့ပါတယ်။ ဒေါ်အောင်ဆန်းစုကြည်ရဲ့ ဒီခရီးစဉ်ကနေ ၂ နိုင်ငံကြား ပူးပေါင်းဆောင်ရွက်မှုတွေကို ပိုပြီးဖြစ်ပေါ်လာဖို့ မျှော်လင့်တယ်လို့ တရုတ်သမ္မတ ရှီကျင့်ဖျင်က ပြောကြားလိုက်ပါတယ်။

“မြန်မာအစိုးရသစ် စတင်ဖွဲ့စည်းပြီးချိန်ကစပြီး ဒါဟာ ဒေါ်အောင်ဆန်းစုကြည်ရဲ့ ပထမဆုံး တရုတ်နိုင်ငံခရီးစဉ်ဖြစ်ပါတယ်။ ဒီခရီးစဉ်ကနေ ၂ နိုင်ငံကြား ဗျူဟာမြောက် ပူးပေါင်းဆောင်ရွက်မှုတွေ ကျုယ်ကျယ်ပြန့်ပြန့် ဖွံ့ဖြိုးတိုးတက် လာအောင် အခိုင်အမာလုပ်ဆောင်သွားနိုင်မယ်လို့ ကျနော့်အနေနဲ့ ယုံကြည်ပါတယ်။”

ဒေါ်အောင်ဆန်းစုကြည်ကတော့ တရုတ်နိုင်ငံဘက်က နွေးနွေးထွေးထွေးကြိုဆိုတဲ့အတွက် ကျေးဇူးတင်တယ်လို့ ပြောကြားလိုက်ပြီးပြီးခဲ့တဲ့တကြိမ်က တွေ့ခဲ့ရတဲ့တရုတ်ကွန်မြူနစ်ပါတီကမိတ်ဆွေဟောင်းတွေကို တွေ့ရတဲ့အတွက်လည်းဝမ်းသာတယ်လို့ ပြောပါတယ်။ ဒေါ်အောင်ဆန်းစုကြည်ရဲ့ တရုတ်နိုင်ငံရဲ့ခရီးစဉ်အတွင်း အတော်များများအာရုံစိုက်နေကြတာကတော့ ဧရာဝတီမြစ်ဆုံဆည် ရေအားလျှပ်စစ်စီမံကိန်းကိစ္စပဲဖြစ်ပါတယ်။ ဒေါ်အောင်ဆန်းစုကြည်နဲ့ တရုတ်ဝန်ကြီးချုပ် လီခချန်းနဲ့ ကြာသပတေးနေ့က တွေ့ဆုံစဉ်မှာတော့ - မြစ်ဆုံဆည်စီမံကိန်းနဲ့ ပတ်သက်ပြီး သင့်တင့်တဲ့ အဖြေရှာဖို့ တရုတ်ဘက်က တိုက်တွန်းခဲ့ပြီး မြစ်ဆုံဆည်စီမံကိန်းကိုစုံစမ်းစစ်ဆေးဖို့ ကော်မရှင်ဖွဲ့စည်းထားတယ်လို့ ဒေါ်အောင်ဆန်းစုကြည်က ဒီကနေ့ထပ်မံပြောကြားခဲ့ပါတယ်။

“မြစ်ဆုံဆည်စီမံကိန်းနဲ့ပတ်သက်ပြီး ပြောရမယ်ဆိုရင်တော့ကျမတို့ ကော်မရှင်တရပ်ဖွဲ့စည်းထားပါတယ်။ ဒီကိစ္စအတွက် အကောင်းဆုံးအဖြေရှာနိုင်ဖို့က ကော်မရှင်ရဲ့ ကိစ္စပါ။ အခုချိန်မှာ ဘယ်ဟာက အကောင်းဆုံးဖြေရှင်းနည်း ဖြစ်တယ်ဆိုတာကို ကျမအနေနဲ့မပြောနိုင်ပါဘူး။ ပြောနိုင်တယ်ဆိုရင်တော့ကျမတို့ ကော်မရှင်ဘယ်ဖွဲ့မလဲ။ ဒါနဲ့ ပတ်သက်ပြီးအကောင်းဆုံးအဖြေက ဘာဆိုတာကို ရှာဖို့က ကော်မရှင်ရဲ့ တာဝန်ပါ။”

ကချင်ပြည်နယ်ကဧရာဝတီမြစ်ဆုံမှာတည်ဆောက်မယ့် မြစ်ဆုံဆည်စီမံကိန်းကိ မြန်မာပြည်သူတွေကအပြင်းအထန်ကန့်ကွက်ခဲ့ကြတာကြောင့်ပြီးခဲ့တဲ့အစိုးရလက်ထက်မှာ ရပ်ဆိုင်းထားတာပါ။ မြစ်ဆုံဆည်စီမံကိန်းကို စုံစမ်းစစ်ဆေးမယ့်ကော်မရှင်ကို တရုတ်နိုင်ငံကပညာရှင်တရပ်စေလွှတ်သွားမယ်လို့တရုတ်သတင်းတခုဖော်ပြတယ်လို့ တရုတ်-မြန်မာအရေးကျွမ်းကျင်သူ ဒေါ်လှကျော်ဇောပြောပါတယ်။ တရုတ်သမ္မတ နဲ့ တွေ့ဆုံခဲ့စဉ်အတွင်း မြစ်ဆုံကိစ္စကို ပြောဆိုခြင်းမရှိခဲ့ပဲ ကုန်သွယ်ရေး နဲ့ ၂ နိုင်ငံဆက်ဆံရေးကိစ္စရပ်တွေပဲအဓိကထားဆွေးနွေးခဲ့တယ်လို့သူကပြောပါတယ်။ ဒေါ်အောင်ဆန်းစုကြည်ကတော့၂ နိုင်ငံကြားချစ်ကြည်ရေးပိုမိုခိုင်မြဲဖို့ မျှော်လင့်သလို မြန်မာနိုင်ငံရဲ့ ငြိမ်းချမ်းရေးလုပ်ငန်းစဉ်မှာလည်း တရုတ်နိုင်ငံအနေနဲ့ အကူအညီပေးနိုင်ဖို့ မျှော်လင့်တယ်လို့ ပြောကြားလိုက်ပါတယ်။

“ငြိမ်းချမ်းရေးလုပ်ငန်းစဉ်က ကျမတို့နိုင်ငံရဲ့ ကိစ္စပါ။ အခြေခံကတော့ မြန်မာနိုင်ငံရဲ့ ငြိမ်းချမ်းရေးကို မြန်မာပြည်သူတွေက တည်ဆောက်ရမှာပါ။ ဒါပေမဲ့ မြန်မာနိုင်ငံနဲ့ နယ်စပ်ချင်းထိစပ်နေတဲ့တရုတ်နိုင်ငံအနေနဲ့ကျမတို့ရဲ့ရည်မှန်းချက်တွေ အောင်မြင်အောင် စိတ်ကောင်းစေတနာထားပြီး အကူအညီပေးဖို့ကလည်း အရေးကြီးပါတယ်။ တရုတ်နိုင်ငံအနေနဲ့လည်းအိမ်နီးချင်းကောင်းပီသစွာကျမတို့ရဲ့ငြိမ်းချမ်းရေးလုပ်ငန်းစဉ်အောင်မြင်အောင် အစွမ်းကုန်လုပ်ပေးသွားမယ်လို့ ကျမတို့အနေနဲ့ ယုံကြည်ပါတယ်။ “

တရုတ်အစိုးရအနေနဲ့ မြန်မာနိုင်ငံရဲ့ငြိမ်းချမ်းလုပ်ငန်းစဉ်ကို ထောက်ခံအားပေးတယ်လို့တရုတ်သမ္မတရှီကျင့်ဖျင်က ပြောကြားခဲ့တယ်လို့ ဒေါ်လှကျောဇောကပြောပါတယ်။တရုတ်နိုင်ငံဟာပြီးခဲ့တဲ့ဆယ်စုနှစ်တွေအတွင်း မြန်မာ့စစ်ခေါင်းဆောင်တွေဘက်က ရပ်တည်ပြီး၊ ဒီမိုကရေစီရေးတောင်းဆိုတာတွေနဲ့ ပတ်သက်ပြီး အစဉ်တစိုက်လစ်လျှူရှုခဲ့တာပါ။ ဒါ့ကြောင့် NLD အစိုးရသစ်လက်ထက်မှာ ၂ နိုင်ငံ ဆက်ဆံရေးရှေ့အလားအလာဘယ်လိုဖြစ်လာနိုင်သလဲဆိုတဲ့အပေါ်မှာ ဒေါ်လှကျောဇော ပြောတာကတော့

“ကျမကတော့ ပိုပြီးကောင်းလိမ့်မယ်လို့ ထင်တယ်။ ဘာဖြစ်လို့လဲဆိုတော့ တရုတ်ကလုပ်တဲ့အခါမှာ တော်တော်စေ့စပ်တယ်။ အရင်တုန်းက န.အ.ဖကိုလည်း အကြီးအကျယ်ထောက်ခံခဲ့တာအမှန်ပဲ။ အခုလည်း ဒီ NLD အစိုးရကိုထောက်ခံတယ်ဆိုတာအမှန်ပဲ။ သူ့အနေနဲ့ အိမ်နီးနားချင်း ပေါ်လစီအောင်မြင်ဖို့ဆိုရင် အိမ်နီးနားချင်းနိုင်ငံတနိုင်ငံရဲ့ အစိုးရကို သူကလေးစားဖို့ ထောက်ခံဖို့လိုတယ်။ ဒီတခေါက် တချို့ဝန်ကြီးတွေသွားတာမှာ ဦးသိန်းစိန်ကိုလည်းတွေ့တယ်၊ ဗိုလ်ချုပ်မှူးကြီးသန်းရွှေကိုလည်း ၀င်တွေ့တယ်။ ဒါတွေဟာ ဘာတွေကိုပြသလဲဆိုတော့ သူတို့ဆက်ဆံခဲ့တာ စဉ်ဆက်မပြတ်ဆက်ဆံခဲ့တယ်ဆိုတာပဲ ဆိုတဲ့သဘောမျိုးကို ပြတာပါပဲ။ အဲဒီတော့ ဆက်ဆံရေးက ပိုကောင်းသထက်ကောင်းလာဖို့ပဲရှိပါတယ်။”

ဒေါ်အောင်ဆန်းစုကြည်ဟာ တရုတ်သမ္မတနဲ့ ဒီကနေ့ညနေပိုင်းက မတွေ့ဆုံခင်မှာတော့ တရုတ်နိုင်ငံရဲ့ နိုင်ငံတော်ကောင်စီဝင် ရန်ဂျီးချီ၊ အထက်လွှတ်တော်ဥက္ကဋ္ဌ ဂျန်ဒီဂျန်း တို့ နဲ့ တွေ့ဆုံခဲ့သလို၊ အာရှအခြေခံ အဆောက်အအုံဖွံ့ဖြိုးတက်ရေးဘဏ် (AIIB) ဘဏ်ကတာဝန်ရှိသူတွေနဲ့လည်း တွေ့ဆုံခဲ့ပါတယ်။

 ရန်နိုင် / ဗွီအိုအေ (မြန်မာပိုင်း)
http://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ