Black List စာရင်းကနေ ၆၀၀ ကျော်ကို ပယ်ဖျက်ပြီး

ပြည်ထောင်စုဝန်ကြီး ဦးသိန်းဆွေကို သြဂုတ်လ ၃ ရက်နေ့က ပြည်ထောင်စုလွှတ်တော်တွင် တွေ့ရစဉ်။Photo: Win Ko Ko Latt/ RFA
အရင်အစိုးရလက်ထက်ကရှိခဲ့တဲ့ Black List မှာ ထည့်သွင်းခံထားရတဲ့ အထဲက မြန်မာနိုင်ငံသား ၂၄၈ ဦး၊ နိုင်ငံခြားသား ၃၇၁ ဦး စုစုပေါင်း ၆၁၉ ဦးကို စာရင်းကနေ ပယ်ဖျက်လိုက်ပြီ ဖြစ်ကြောင်း အလုပ်သမား၊ လူဝင်မှုကြီးကြပ်ရေးနဲ့ ပြည်သူ့အင်အားဝန်ကြီးဌာန ပြည်ထောင်စုဝန်ကြီး ဦးသိန်းဆွေ က ပြောပါတယ်။

ဒီကနေ့ ပြည်ထောင်စုလွှတ်တော်အစည်းအဝေးအပြီးမှာ RFA သတင်းဌာနက မေးမြန်းရာမှာ ၀န်ကြီး ဦးသိန်းဆွေ က ပြန်လည်ဖြေကြားခဲ့တာဖြစ်ပါတယ်။

"ရက် ၁ဝဝ စီမံချက်မှာ နိုင်ငံတော်က Back List တင်သွင်းထားတဲ့ ပုဂ္ဂိုလ်တွေ မြန်မာနိုင်ငံသားတွေလည်းရှိ တယ်၊ နိုင်ငံခြားသားတွေလည်းရှိတယ်၊ အဲ့ဒါတွေကို ဖြေလျော့မယ်လို့ ရက် ၁ဝဝ စီမံကိန်းမှာရေးထားတယ်၊ အခုအဲ့ကိစ္စနဲ့ ပတ်သက်ပြီးတော့မှ ဖြေလျော့တာဟာ မြန်မာနိုင်ငံသား ၂၄၈ ဦး နိုင်ငံခြားသား ၃၇၁ ဦးကို Back List ထဲကနေ ပယ်ဖျက်လိုက်ပြီးပြီ၊ စုစုပေါင်း ၆၁၉ ဦးပေါ့နော်၊ ဆက်ပြီးတော့ Back List ထဲကပုဂ္ဂိုလ်တွေ ကို ပြန်စိစစ်ပြီးတော့မှ ဒါလေးတွေကို အဆင်ပြေအောင် ဖြေလျော့သွားဖို့ အစိုးရအနေနဲ့ ဆောင်ရွက်နေပါတယ်"

နိုင်ငံရေးအရ အစိုးရကို အကြည်ညိုပျက်အောင်လုပ်တယ်ဆိုပြီး အရင်အစိုးရအဆက်ဆက်က သတ်မှတ်ထား တာဖြစ်တယ်လို့ ၀န်ကြီးဦးသိန်းဆွေ က ပြောပါတယ်။

နာမည်ပျက်စာရင်းထည့်သွင်းခံထားရတဲ့ အရေအတွက် ဘယ်လောက်ရှိတယ်ဆိုတော့ အတိအကျ မပြောနိုင်သေး ဘူးလို့လည်း ပြောပါတယ်။

ဒါ့အပြင် ပြည်ထဲရေးဝန်ကြီးဌာနအပါအ၀င် ဝန်ကြီးဌာန ၁၅ ခု ပူးပေါင်းပြီး နာမည်ပျက်စာရင်းထဲမှာ ပါနေသူတွေကို စိစစ်ပြီးဖြေလျှော့ပေးနေတယ် လို့လည်း ပြောပါတယ်။

အမေရိကန်နိုင်ငံသား ခံယူထားတဲ့ ၈၈ မျိုးဆက် ကျောင်းသားဟောင်း ဦးမောင်မောင်ဝမ်း ကိုလည်း စာရင်းကနေ ပယ်ဖျက်လိုက်ကြောင်းနဲ့ ပြည်ထဲရေးဝန်ကြီး ဌာနနဲ့ ညှိနှိုင်းချက်အရ မနေ့ညက ပြည်ဝင်ခွင့်ပေးလိုက်တယ်လို့လည်း ဦးသိန်းဆွေက ပြောပါတယ်။

ဒါပေမယ့် နိုင်ငံတကာရဲတပ်ဖွဲ့လို နိုင်ငံတကာအဖွဲ့အစည်းတွေက အကြမ်းဖက်သမားတွေ၊ ပြစ်မှုကျူးလွန်သူတွေ ၊ နိုင်ငံဖြတ်ကျော်မှုခင်းတွေ ကျူးလွန်ထားတဲ့သူတွေကိုတော့ ပယ်ဖျက်မှာမဟုတ်ဘူးလို့လည်း ဦးသိန်းဆွေ က ပြောပါတယ်။

အစိုးရသစ်လက်ထက်မှာ ရက် ၁၀၀ စီမံချက်အနေနဲ့ ၀န်ကြီးဌာနအသီးသီးမှာ အရင်က ၀န်ထမ်းဟောင်းတွေကို နိုင်ငံရေးအရ နာမည်ပျက်စာရင်း အသွင်းခံထားရသူတွေရှိရင် ဌာနအလိုက် စာရင်းတင်ပြကြဖို့ ညွှန်ကြားထား ပါတယ်။

RFA Burmese
http://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ