199 Call Center သို့ ပေးပို့ခဲ့သည့် သတင်းအရ လောင်းကစားပြုလုပ်သူကို ဖမ်းဆီးရမိ


ရန်ကုန်၊ သြဂုတ် ၁၈

၁.၈.၂၀၁၆ ရက်နေ့တွင် ရန်ကုန်တိုင်းဒေသကြီး ရဲတပ်ဖွဲ့မှူးရုံးတွင် ဖွင့်လှစ်ထားရှိသည့် ဖုန်းသတင်းလက်ခံဌာန၊ 199 Call Centerသို့ တာဝန်သိပြည်သူတစ်ဦးမှ အင်းစိန်မြို့နယ်၊ ဦးဖိုးထွန်းလမ်းတွင် နှစ်လုံး/သုံးလုံးထီ လောင်းကစားပြုလုပ်နေကြောင်း သတင်းပေးပို့လာသဖြင့် ရန်ကုန်တိုင်းဒေသကြီး ရဲတပ်ဖွဲ့မှူးရုံးမှတပ်ဖွဲ့ဝင်များနှင့် အင်းစိန်မြို့မ ရဲစခန်းမှတပ်ဖွဲ့ဝင်များက သတင်းစုံစမ်း အတည်ပြု ခဲ့ပါသည်။

စုံစမ်းချက်အရ အင်းစိန်မြို့နယ်၊ တောင်သူကုန်းရပ်ကွက်၊ ဦးဖိုးထွန်းလမ်းနေ ပါကြီး(ခ)လှဌေးမှ ရပ်ကွက်အတွင်း လှည့်လည်၍ နှစ်လုံး/သုံးလုံထီ ရောင်းချနေကြောင်း သိရှိရသဖြင့် ဖမ်းဆီးရမိရေး ဆောင်ရွက်ခဲ့ရာ ၁၆.၈.၂၀၁၆ ရက်နေ့ ၁၄၄၅ အချိန်ခန့်တွင် ၎င်းရပ်ကွက်ရှိ မင်းကြီးလမ်း၌ တွေ့ရှိသဖြင့် သက်သေများနှင့်အတူစစ်ဆေးရှာဖွေရာ ၎င်းထံမှ နှစ်လုံး/ သုံးလုံးထီ လောင်းကစားပစ္စည်းဖြစ်သည့် စာအုပ်၊ ဘောပင်နှင့်လောင်းကြေးငွေကျပ် (၂၆၆၉၀၀)တို့ကို တွေ့ရှိသိမ်းဆည်းရမိခဲ့ပါသည်။

၎င်းအား အင်းစိန်မြို့မရဲစခန်း(ပ)၁၈၅၄/၂၀၁၆၊ လောင်းကစားဥပဒေ ပုဒ်မ ၁၅(က)/၁၆(က)ဖြင့် အရေးယူဆောင်ရွက်လျက်ရှိပါသည်။

ရန်ကုန်တိုင်းဒေသကြီးရဲတပ်ဖွဲ့အနေဖြင့် မူးယစ်ဆေးဝါးတားဆီး နှိမ်နင်းရေးနှင့် လောင်းကစားမှုများကင်းစင်ရေးအတွက် အစီအမံများ ချမှတ်ပြီး စုံစမ်းအရေးယူဆောင်ရွက်လျက်ရှိရာ ပြည်သူများအနေဖြင့်လည်း သတင်း ရရှိပါက ရန်ကုန်တိုင်းဒေသကြီး ရဲတပ်ဖွဲ့မှူးရုံးတွင် ဖွင့်လှစ်ထားရှိသည့် 199 Call Center သို့ယုံယုံကြည်ကြည်ဖြင့် သတင်းပေးပို့စေလိုပါကြောင်း၊ ပေးပို့လာသည့်သတင်းများနှင့် ပတ်သက်၍လည်း စိစစ် အတည်ပြုကာ ဆက်လက်ဆောင်ရွက်လျက်ရှိပါကြောင်း အသိပေးဖော်ပြအပ်ပါသည်။

Yangon Police
https://www.facebook.com/yangonpolice

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ