Louisiana ပြည်နယ် ပစ်ခတ်မှု သမ္မတ အိုဘားမားရှုတ်ချ |
ဒါဟာ နိုင်ငံဝန်ထမ်းတွေအပေါ်၊ တရားဥပဒေစိုးမိုးမှုအပေါ်၊ အရပ်ဖက် လူမှုအသိုင်းဝိုင်းအပေါ် သူရဲဘောကြောင်တဲ့ တိုက်ခိုက်မှုတရပ် ဖြစ်တယ်လို့ ပြောဆိုလိုက်သလို အခုနောက်ဆုံး ဖြစ်ပွားတဲ့ အကြမ်းဖက်မှု နောက်ပိုင်းမှာ သဘောထား ကွဲလွဲစေတဲ့ အပြောအဆိုတွေ ရှောင်ကြင်ကြဖို့ သမ္မတက တိုက်တွန်းလိုက်ပါတယ်။
အစောပိုင်း ထွက်လာတဲ့သတင်းတွေကတော့ မသေချာသေးပေမယ့် သေနတ်သမား တဦး သေဆုံးပြီး ၄ ဦးမြောက် ရဲအရာရှိဟာလည်း စိုးရိမ်ရတဲ့ အနေအထားမှာ ရှိနေတာကြောင့် ဒေသတွင်း ဆေးရုံကို ပို့ထားတယ်လို့ အာဏာပိုင် တွေက ပြောပါတယ်။ သေနတ်နဲ့ ပစ်ခတ်သူဟာ တဦးထက် ပိုနိုင်တယ်လို့ ဆိုပေမဲ့ စုံစမ်းစစ်ဆေးသူတွေကတော့ ပစ်ခတ်သူ တဦးတည်း ဖြစ်နိုင်ကြောင်း နောက်ပိုင်းမှာ ပြည်နယ်ရဲမှုးကြီး Mike Edmonson က သတင်းထောက် တွေကိုပြောပါတယ်။
မကြာသေးခင် သီတင်းပတ်အတွင်း ဖြစ်သွားခဲ့တဲ့ ပစ်ခတ်မှုတွေရဲ့ ဒဏ်ရာတွေ ပျောက်ကင်းအောင် လုပ်ဆောင်ဖို့နဲ့ ညီညွတ်မှု လိုအပ်နေတဲ့အချိန်မှာ အခုလို ပစ်ခတ်မှု ဖြစ်ပွားခဲ့တာဟာ ပြောမပြနိုင်အောင် ဆိုးရွားပြီး တရားနည်းလမ်း မကျတဲ့ လုပ်ရပ်ဖြစ်တယ်လို့ Louisiana ပြည်နယ် အုပ်ချုပ်ရေးမှူး John Bel Edwards က ပြောပါတယ်။
Baton Rouge ရဲဌာနချုပ်နဲ့ ၂ ကီလိုမီတာ လောက်ဝေးတဲ့ အခင်းဖြစ်တဲ့နေရာ တ၀ိုက်က ကောင်းကင်မှာ ရဟတ်ယာဉ်တွေလည်း ၀ဲပျံနေတယ်လို့ ဆိုပါတယ်။ မနက် ၉ နာရီက ဖြစ်သွားခဲ့တဲ့ ပစ်ခတ်မှုအပြီး ၅ နာရီလောက် ကြာလာတဲ့အထိ ရဲအရာရှိတွေကို အခုလို ပစ်ခတ်မှုဟာ ရဲက တားဆီးတဲ့အချိန်မှာဖြစ်တာလား၊ ဒါမှမဟုတ် ရဲတပ်ဖွဲ့ဝင်တွေကို တမင် ပစ်မှတ်ထား တိုက်ခိုက်တာလားဆိုတာကို ရဲတပ်ဖွဲ့က ထုတ်ဖော် ပြောဆိုခြင်း မရှိသေးပါဘူး။
Baton Rouge မြို့ဟာ ဇူလိုင်လ ၅ ရက်နေ့က ရဲတပ်ဖွဲ့ဝင်တွေရဲ့ ပစ်ခတ်မှုကြောင့် အာဖရိကန်-အမေရိကန်လို့ခေါ်တဲ့ လူမဲ Alton Sterling သေဆုံးခဲ့တာကြောင့် ဆန္ဒပြပွဲတွေ ဖြစ်ပေါ်ခဲ့တဲ့ မြို့လည်း ဖြစ်ပါတယ်။
ဗွီအိုအေ (မြန်မာပိုင်း)
http://burmese.voanews.com
Louisiana ပြည်နယ် ပစ်ခတ်မှု သမ္မတအိုဘားမား ရှုတ်ချ
Reviewed by THITHTOOLWIN
on
07:39
Rating: