မြန်မာ- ဘင်္ဂလားဒေ့ရ်ှနယ်စပ် (၂၇၁)မိုင်ကို သံဆူးကြိုးကာဖို့ စီစဉ်နေ

ဘင်္ဂလားဒေ့ရ်ှနိုင်ငံက မြန်မာနယ်စပ်တစ်လျှောက် သံဆူးကြိုးကာရံဖို့ ဆုံးဖြတ်လိုက်တယ်လို့ ဘင်္ဂလားဒေ့ရ်ှနယ်စပ်လုံခြုံရေးတပ်ဖွဲ့မှ ဗိုလ်ချုပ် ကာရမ်က ပြောပါတယ်။ အကြမ်းဖက်တိုက်ခိုက်မှုတွေနဲ့ တရားမ၀င်ကုန်သွယ်မှုတွေကို ကာကွယ်ဖို့အတွက် အဲဒီလို ဆုံးဖြတ်လိုက်တာဖြစ်တယ်လို့ သိရပါတယ်။

ဘင်္ဂလားဒေ့ရှ် - မြန်မာနယ်စပ်တစ်လျှောက် (၂၇၁) မိုင်ကို သံဆူးကြိုးကာရံဖို့ စီစဉ်ဆောင်ရွက်နေပြီလို့ သိရပါတယ်။အဖွဲ့ဝင် (၂၀) ပါတဲ့နယ်စပ်လုံခြုံရေးအစည်းအဝေးတစ်ခုကို ပြုလုပ်ခဲ့ပြီး ပူးပေါင်းဆောင်ရွက်ရေး၊ သတင်းဖလှယ်ရေးနဲ့ နယ်စပ်ဒေသ ထိန်းချုပ်ရေးအတွက် ဆွေးနွေးခဲ့ကြတယ်လို့လည်း ဗိုလ်ချုပ်ကာရမ်က ဘင်္ဂလားဒေ့ရ်ှနိုင်ငံမြို့တော် ဒါကာမှာ သတင်းထောက်တွေကို ပြောသွားခဲ့ပါတယ်။

5 Plus News
https://www.facebook.com/5plusnews