တူ​ရ​ကီ ​ပ​ညာ​ရေး​ဝန်​ထမ်း ​တ​သောင်း​ခွဲ​ကျော်​ကို ​တာ​ဝန်​ရပ်​စဲ

တူ​ရ​ကီ​က ​ဘာ​သာ​ရေး ​ဆိုင်​ရာ ​စာ​သင်​ကျောင်း ​တစ်​ကျောင်း။ ​အာ​ဏာ​သိမ်း​ဖို့ ​ကြိုး​ပမ်း​မှု ​ပေါ်​ပေါက်​ခဲ့​ပြီး​နောက် ​ပ​ညာ​ရေး ​ဝန်​ထမ်း​တွေ​လည်း ​အ​ထုတ်​ခံ​ရ။

တူ​ရ​ကီ ​နိုင်​ငံ​မှာ ​ပြီး​ခဲ့​တဲ့ ​သော​ကြာ​နေ့​က ​မ​အောင်​မြင်​တဲ့ ​အာ​ဏာ​သိမ်း​မှု ​ဖြစ်​ပွား​ခဲ့​ပြီး​နောက် ​အဲ​ဒီ ​အာ​ဏာ​သိမ်း​မှု​နဲ့ ​ဆက်​နွယ်​သူ​တွေ​ကို ​ရှင်း​လင်း ​နေ​ရာ​မှာ ​ဒီ​က​နေ့ ​အ​င်္ဂါ​နေ့​မှာ​တော့ ​တူ​ရ​ကီ ​ပ​ညာ​ရေး ​ဝန်​ထမ်း ​တစ်​သောင်း​ခွဲ​ကျော်​ကို ​တာ​ဝန်​က​နေ ​ရပ်​စဲ​လိုက်​ပါ​တယ်။

အာ​ဏာ​သိမ်း​ဖို့ ​ကြိုး​ပမ်း​မှု​ကို ​ကြိုး​ကိုင်​ခဲ့​သူ​လို့ ​ဆို​တဲ့ ​အ​မေ​ရိ​ကန်​ရောက် ​မွတ်​ဆ​လင် ​ဘာ​သာ​ရေး ​ခေါင်း​ဆောင် Fethullah Gulen ​နဲ့ ​အ​ချိတ်​အ​ဆက် ​ရှိ​တယ်​ဆို​ပြီး ​အဲ​ဒီ ​ဝန်​ထမ်း​တွေ​ကို ​ပ​ညာ​ရေး ​ဝန်​ကြီး​ဌာ​န​က ​စွပ်​စွဲ​ခဲ့​တာ​ပါ။

အ​ဝေး​ရောက် ​ဘာ​သာ​ရေး​ခေါင်း​ဆောင် ​မ​စ္စ​တာ ​ဂူ​လန် ​က​တော့ ​အဲ​ဒီ ​အာ​ဏာ​သိမ်း​ဖို့ ​ကြိုး​ပမ်း​မှု​မှာ ​ပတ်​သက်​ခဲ့​ခြင်း ​မ​ရှိ​ဘူး​လို့ ​ငြင်း​ဆို ​ထား​ပါ​တယ်။

တ​က္က​သိုလ် ​ဌာ​န​မှူး ​တစ်​ထောင့် ​ငါး​ရာ​ကျော် ​ကို​လည်း ​ရာ​ထူး​က​နေ ​နုတ်​ထွက်​ကြ​ဖို့ ​တူ​ရ​ကီ ​အ​ထက်​တန်း ​ပ​ညာ​ရေး ​ဘုတ်​အ​ဖွဲ့​က ​အ​မိန့်​ထုတ် ​ခဲ့​ပါ​တယ်။

ဒါ​ဟာ ​ဘာ​သာ​ရေး ​ခေါင်း​ဆောင် ​မ​စ္စ​တာ ​ဂူ​လန်​ရဲ့ ​နောက်​လိုက်​တွေ​ကို ​အ​မြစ်​ဖြတ် ​ရှင်း​လင်း ​သွား​မယ်​လို့ ​တူ​ရ​ကီ ​ဝန်​ကြီး​ချုပ် ​ဘင်​နာ​လီ ​ယီလ်​ဒ​ရင်​က ​ပြော​လိုက်​ပြီး ​မ​ကြာ​မီ​မှာ ​ဒီ​သ​တင်း ​ထွက်​ပေါ်​လာ​တာ ​ဖြစ်​ပါ​တယ်။

အ​မေ​ရိ​ကန်​မှာ ​ရောက်​ရှိ ​နေ​ထိုင်​နေ​တဲ့ ​မ​စ္စ​တာ ​ဂူ​လန်​ကို ​တူ​ရ​ကီ​ဘက်​ကို ​ပြန်​လွှဲ​ပြောင်း​ပေး​ဖို့ ​သူ​ကျူး​လွန်​ခဲ့​တဲ့ ​ပြစ်​မှု​တွေ​ရဲ့ ​အ​ထောက်​အ​ထား​တွေ​ကို ​အ​မေ​ရိ​ကန်​ကို ​ပို့​လိုက်​ပြီ​လို့​လည်း ​တူ​ရ​ကီ ​ဝန်​ကြီး​ချုပ်​က ​ပြော​ခဲ့​ပါ​တယ်။

အာ​ဏာ​သိမ်း​ဖို့ ​ကြိုး​ပမ်း​မှု ​ဖြစ်​ပွား​ခဲ့​ပြီး ​နောက်​ပိုင်း ​ထောင်​နဲ့​ချီ​တဲ့ ​စစ်​သား​တွေ၊ ​ရဲ​တပ်​ဖွဲ့​ဝင်​တွေ​နဲ့ ​အ​ရာ​ရှိ​တွေ​ကို ​ဖြုတ်​ထုတ် ​ဖမ်း​ဆီး ​ခဲ့​ပြီး ​ဖြစ်​ပါ​တယ်။

BBC Burmese
http://www.bbc.com/burmese