လ.ဝ.က ဦးစီးမှူးက ခြေထောက်ဖြစ်ကန်၍ ဝန်ထမ်း နဖူးပေါက်ပြဲ

Photo - Khumi Media Group -ခူမီးမီဒီယာ
ပလက်ဝမြို့နယ် လ.ဝ.က ဦးစီးမှူး ဦးတင်မြင့်မောင်က စားပွဲပေါ်တက်ပြီး ခြေထောက်ဖြစ်ကန်၍ ၄င်းဝန်ထမ်း ဦးမျိုးကျော်ထိုက်၏ နဖူးပေါက်ပြဲမှုဖြစ်ပွားခဲ့ကြောင်းသိရသည်။

ယင်းအခင်းဖြစ်ပွားမှုသည် ဇူလိုင် ၉ရက်နေ့၌ ပလက်ဝမြို့နယ် လူဝင်မှုကြီးကြပ်ရေးနှင့်အမျိုးသားမှတ်ပုံတင်ရေးဦးစီးဌာန တွင်ဖြစ်ပွားခဲ့သည်။

အခင်းဖြစ်ပွားပုံမှာ ဇူလိုင်ဒုတိယပတ်တွင် အခင်းဖြစ်ပွားသူ ဦးတင်မြင့်မောင်နှင့်အတူ ဦးမျိုးကျော်ထိုက်သည် ရှင်းလက်ဝကျေးရွာတစ်ဝိုက်တွင် လူအယောက် (၈၀)အတွက် မှတ်ပုံတင်သွားရောက်လုပ်ဆောင်ပေးကြောင်း၊ ဗုဒ္ဓဟူးတွင် ပလက်ဝသို့ရောက်လာပြီး သောကြာနေ့တွင် မှတ်ပုံတင်ပြုလုပ်ခြင်းမပြီးစီးသေးသဖြင့် စနေနေ့တွင်အချိန်ပိုဆက်လက်လုပ်ကိုင်ကြောင်း၊ ညနေ သုံးနာရီအထိလုပ်ငန်းမပြီးဆုံးသေးသဖြင့် ရုံးတွင်ဝင်လိုက်ထွက်လိုက်နှင့်ယခုချိန်ထိမပြီးသေးဘူးလားဟုအဆက်မပျက်မေးမြန်းကြောင်း၊ မှတ်ပုံတင်ပြုလုပ်ခြင်းသည် အမည်၊ ဘာသာ၊ နံပါတ်တွေအမှားမခံနိုင်သည့်အချက်အလက်များဖြစ်ကြောင်း၊ အသက်(၁၈)ပြည့်ရန် (၁၈)ရက်အလိုနှင့် (၇)ရက်အလိုနှစ်ယောက်ကို မည်သည့်ကဏ္ဍာတွင်ထည့်သွင်းရမည်ဟုဦးစီးမှူးကိုမေးမြန်းရာ အသက် (၁၈)နှစ်ပြည့်တွင်ထည့်သွင်းရန်ပြောကြောင်း၊ နောက်ပိုင်းတွင် ၄င်းတို့နှစ်ဦးကို (၁၈)နှစ်ပြည့်တွင်မထည့်သွင်းရန်ပြန်လည်းပြောကြားပြီး ပြန်ဖြတ်မည်ဟုပြောကြားရာမှ ဦးစီးမှူးက ဖြတ်ရာမလိုချင်ဘူး၊ မင်းမလုပ်ချင်ရင်ထွက်သွား၊ မင်းမျက်နှာနောက်ထပ်မတွေ့ချင်ဘူးထွက်သွားဟုပြောကြောင်း၊ ယင်းအခင်းဖြစ်ပွားစဉ် လူလေးဦးရှိပြီး ဒုရဲအုပ်ဦးထွန်းသာအောင်နှင့် လ.ဝ.ကဝန်ထမ်းနှစ်ယောက်လည်းရှိကြောင်း၊ ဦးမျိုးကျော်ထိုက်စာရေးစားပွဲပေါ်သို့တက်ပြီး ၄င်းအားပိတ်ကန်ရာ နားအောက်၊ မေးရိုးကန်မိကြောင်း၊ နဖူးတွင် ဦးစီးမှူး၏ ခြေမခြေသည်းဝင်သွားရာ နဖူးမှသွေးများထွက်လာကြောင်း၊ ယင်းကဲ့သို့စားပွဲပေါ်မှ ကန်သည့်ချိန် အရှိန်ဖြစ် စားပွဲအောက်သို့ဖြုတ်ကျသွားကြောင်း၊ လက်ရှိအချိန်တွင်ရဲစခန်းသို့တိုင်ချက်ဖွင့်ထားကြောင်း၊ ဆရာဝန်ထံ ဆေးစာလည်းယူထားကြောင်း၊ ရင်အုံတွင် ၄င်း၏ခြေရာများကျန်ထားပြီးယင်းအင်္ကျီကိုသေချာသိမ်းထားကြောင်း သိရသည်။

“ရုံးမှာအလုပ်လုပ်တုန်း လုပ်ရင်းနဲ့ အလုပ်လည်းမပြီးနိုင်ဘူးဆိုပြီးတော့ ကျွန်တော့်ကို အတင်းအဓမ္မဗျာ ကျွန်တော့်ကို ဆဲဆိုပြီးမှ ဒီလိုပဲ ပြန်ထွက်သွားလိုက်ကျွန်တော့်ကို ဆူသွားလိုက် ပြန်ဝင်လာလိုက်ပေါ့လေ။ ပြီးရင် ခဏကြာ အလုပ်မပြီးသေးဘူးလာ၊ ပြန်ပါကွာပြောပြီးမှ ကျွန်တော့်စာအုပ်ကိုသိမ်းပြီးမှ သူ့စားပွဲပေါ်မှာ ဆရာဒီမှာဗျာလို့ချလိုက်တယ်။ အဲချိန်မှာ ဘာစိတ်ကူးပေါက်တာလည်းမသိဘူး။ စာရေးတဲ့စားပွဲခုံပေါ်တက်ပြီးတော့ ခြေထောက်နဲ့မျက်နှာကိုပိတ်ကန်တာ။ တစ်ချက်ပဲကန်တာနဲ့ သူလည်းသူ့အလေးချိန်နဲ့သူချော်လဲပြီးတော့ ကြမ်းပြင်နဲ့သူ့တင်ပါဆောင့်မိတယ်။ မေးစေ့မှာဒဏ်ရာတစ်ချက်၊ နဖူးပေါ်မှာပေါက်တော့ သွေးကတော့အရမ်းများတယ်။ အမှုတော့မဖွင့်သေးဘူး။ ဆေးစာတော့ယူသွားတယ်။ သူကျန်းမာရေးပြန်ကောင်းလာရင် လာတောင်းပန်မယ်လို့ဆိုတော့ သူလာတောင်းပန်မယ့်အချိန်ကိုစောင့်နေတယ်။ ခုထိလည်း လာမတောင်းပန်သေးဘူး။ လာမတောင်းပန်ဘူးဆိုရင်တော့ အမှုဖွင့်မယ်။ သူလည်းခုလောလောဆယ် သူလမ်းမလျှောက်နိုင်သေးဘူးတဲ့”ဟု ဇူလိုင် ၁၈ ရက်နေ့တွင် ပလက်ဝမြို့နယ် လ.ဝ.က ဝန်ထမ်း ဦးမျိုးကျော်ထိုက်ကပြောသည်။

“ဆေးစာကို ကျွန်တော်မထုတ်ပေးသေးဘူး။ ခြေထောက်နဲ့ကန်တယ်ဆိုတော့လည်း အပြင်ဒဏ်ရာက သိပ်ကြီးကြီးမားမားမရှိဘူး။ နဖူးပေါ်မှာတော့ အဲကန်တဲ့ချိန်မှာ ခြေသည်ခွန်နဲ့ထိပြီးမှ နည်းနည်းလေး အသားပွန့်ပဲ့တာတော့ရှိတယ်။ တစ်ခြားနေရာတော့ ကန်တယ်ဆိုတော့ ဒီနေရာနာတယ်၊ ဟိုနေရာနာတယ်လို့သူပြောတာလောက်တော့ရှိတာပေါ့။ နောက်တစ်နေ့ကျတော့ လည်ပင်ဘယ်ဘက်ခြမ်းမှာ နည်းနည်းလေးယောင်တယ်လို့တော့ပြောတယ်။ ဆေးစာမထုတ်ပေးသေးဘူးဆိုတာက သူတို့ကအမှုလည်းတရားဝင်မဖွင့်သေးဘူးဆိုတော့၊ သူတို့လည်းမသည်းကွဲသေးတာရယ်၊ ရဲစခန်းကလည်း ဆေးစာကို တရားဝင်ထုတ်ပေးပါလို့ပြောလာရင်တော့ ထုတ်ပေးဖို့ကျွန်တော်အဆင်သင့်ပါ”ဟုပလက်ဝမြို့နယ် ပြည်နယ်ဆေးရုံမှ ဒေါက်တာစန်းမာကပြောသည်။

ပလက်ဝမြို့နယ် လ.ဝ.က ဦးစီးဌာန ဦးစီးမှူး ဦးတင်မြင့်မောင်၏ဖုန်းကို ဇူလိုင် ၁၈ ရက်နှင့် ၁၉ ရက်တွင်အကြိမ်ကြိမ်ဖုန်းဆက်သော်လည်း ဖုန်းပိတ်ထားသဖြင့် ဆက်သွယ်၍မရနိုင်ပေ။

“သူ့လက်အောက်ကလူတွေကလာတောင်းပန်တယ်။ ဒါပေမယ့် လုပ်တဲ့သူက သူ့အောက်ကလူတွေကလုပ်တာမှမဟုတ်တာ။ စားပွဲပေါ်မှ ကန်သည့်ချိန် အရှိန်ဖြစ် စားပွဲအောက်သို့ဖြုတ်ကျသွားပြီးခြေထောက်နာပြီး လမ်းမလျှောက်နိုင်ဘူးလို့အကြောင်းပြတယ်။ တကယ်တမ်းတော့ သူသွားနိုင်ပါတယ်။ သူကိုယ်တိုင်လာတောင်းပန်ရင်တော့ ကျေအေးမယ်။ သူကိုယ်တိုင်လာမတောင်းပန်ရင်တော့ ဆက်လုပ်စရာရှိတာဆက်လုပ်မယ်လို့ အကြောင်းပြန်လိုက်တယ်” ဟု ဦးမျိုးကျော်ထိုက်၏ အစ်မဖြစ်သူကပြောသည်။

ထို့ပြင် ပလက်ဝမြို့နယ် ရဲစခန်းသို့ဖုန်းဆက်မေးမြန်းသော်လည်း ဖုန်းပိတ်ထားသဖြင့် ဆက်သွယ်၍မရနိုင်ပါ။

ဆလိုင်းလာလ်နွန်အုပ်
credit - Chin World
လ.ဝ.က ဦးစီးမှူးက ခြေထောက်ဖြစ်ကန်၍ ဝန်ထမ်း နဖူးပေါက်ပြဲ  လ.ဝ.က ဦးစီးမှူးက ခြေထောက်ဖြစ်ကန်၍ ဝန်ထမ်း နဖူးပေါက်ပြဲ Reviewed by THITHTOOLWIN on 16:30 Rating: 5
Powered by Blogger.