အလုပ်သမား ၈၀ ကျော် ကို လျော်ကြေးငွေပေး

လှိုင်သာယာမြို့နယ် ရွှေလင်ဗန်းစက်မှုဇုန်မှာရှိတဲ့ လဝန်းထက်သာ အထည်ချုပ်စက်ရုံက အလုပ်သမားတွေက အလုပ်ထုတ် နစ်နာကြေးရရှိဖို့နဲ့ လုပ်သက်လျော်ကြေးကို အမြန်ဆုံးပေးဖို့ ဇူလိုင်လ ၁၆ ရက်နေ့က ဆန္ဒပြတောင်းဆိုစဉ်။ Photo: Kyaw Zaw Win/ RFA
ရန်ကုန်တိုင်းဒေသကြီး လှိုင်သာယာမြို့နယ် ရွှေလင်ဗန်းစက်မှုဇုံမှာရှိတဲ့ လဝန်းထက်သာ အထည်ချုပ် စက်ရုံက စက်ရုံရပ်နားလိုက်တဲ့အတွက် အလုပ်သမား ၈၅ ယောက်ကို စက်ရုံပိတ်နစ်နာကြေးနဲ့ လုပ်သက်အလိုက် လျော်ကြေးငွေတွေ ထုတ်ပေးနေပါတယ်။

စက်ရုံပိတ်နစ်နာကြေးနဲ့ လုပ်သက်အလိုက် လျော်ကြေးငွေ စုစုပေါင်း ငွေကျပ်သိန်း ၃၀၀ နီးပါးကို စက်ရုံဘက်က ပြန်ပေးတာဖြစ်ပြီး ဒီနေ့ အပြီးသတ်ထုတ်ပေး မှာ ဖြစ်တယ်လို့ အလုပ်သမား ခေါင်းဆောင် မ၀င်းဝင်းစိုး က ပြောပါတယ်။

စက်ရုံပိတ်သိမ်းမယ်ဆိုရင် အလုပ်သမားတွေကို တစ်လကြိုတင်အသိပေးရမှာ ဖြစ်ပြီး ကြိုတင် အသိမပေးဘဲ ပြီးခဲ့တဲ့ ဇွန်လ ၂၅ ရက်နေ့က ပိတ်သိမ်းလိုက် တာကြောင့် စက်ရုံပိတ်နစ်နာကြေးအဖြစ် အလုပ်သမားတွေရဲ့ လစာငွေ တစ်လစာစီကို ပေးရတာဖြစ်ပါတယ်။

ဒါ့အပြင် တစ်နှစ်မှာ ၁၀ ရက် လုပ်သက်ခွင့်ရတာကို ခွင့်မယူဘဲ အလုပ်လုပ်ခဲ့တဲ့ အလုပ်သမားတွေ အတွက် လုပ်သက်ခွင့်လစာတွေကို စက်ရုံဘက်က လာမယ့် သြဂုတ်လ ၈ ရက်နေ့မှာ ထုတ်ပေးမှာ ဖြစ်ပါတယ်။

လ၀န်းထက်သာ အထည်ချုပ်စက်ရုံဟာ ၂၀၁၃ ခုနှစ်က စပြီး အလုပ်သမား ၁၀၀၀ နီးပါးနဲ့ ကိုးရီးယားအနွေးထည်တွေ၊ ကုတ်အင်္ကျီနဲ့ ဘောင်းဘီတွေကို ချုပ်လုပ် ခဲ့တာဖြစ်ပါတယ်။

စက်ရုံဘက်က လုပ်ခလစာတွေ အချိန်မှန်မပေးတာကြောင့် အလုပ်ကနေ နှုတ်ထွက်သူတွေ များလာပြီး လုပ်သက် ၃ လကနေ ၃ နှစ်ကျော်အထိရှိတဲ့ အလုပ် သမား ၈၅ ယောက်သာ ကျန်နေတာ ဖြစ်ပါတယ်။

RFA Burmese
http://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ