ကရင်ပြည်နယ်က လိုင်စင် မဲ့မော်တော်ယာဉ်တွေကို တရားဝင်လိုင်စင်လုပ်ပေး ဖို့ တောင်းဆို

မော်တော်ယာဉ်တစ်စီးကို လိုင်စင်စစ်ဆေးမှုများပြုလုပ်နေစဉ်။ Photo: Nay Thwae/ RFA

ကရင်ပြည်နယ်အတွင်း အသုံးပြုနေတဲ့ လိုင်စင်မဲ့မော်တော်ယာဉ်တွေကို အရေးယူဖမ်းဆီးတာတွေ မပြုလုပ်ဘဲ သင့်တော်တဲ့အခွန်နှုန်းထားနဲ့ တရားဝင် လိုင်စင်ပြုလုပ်ပေးဖို့ ကရင်နိုင်ငံရေးပါတီ ၅ ပါတီ က မနေ့က အစိုးရထံ တောင်းဆိုလိုက်ပါတယ်။

ပြီးခဲ့တဲ့ ၂ ရက်က ဘားအံမြို့မှာ ကရင်နိုင်ငံရေး ပါတီ ၅ ပါတီ တွေ့ဆုံဆွေးနွေးပွဲအပြီးမှာ ကြေညာချက် ထုတ်ပြန်တောင်းဆိုလိုက်တာဖြစ်ပါတယ်။ ပြည်သူတွေ မနစ်နာအောင် ကရင်ပြည်နယ်ထဲရောက်ပြီး သား မော်တော်ကားတွေကို လိုင်စင်ထုတ်ပေးဖို့နဲ့ နယ်စပ်ဂိတ်တွေမှာသာ တရားမ၀င် တင်သွင်းတာကို ဖမ်းဆီးပိတ်ဆို့တာတွေပြုလုပ်ဖို့ တောင်းဆိုတာဖြစ်တယ်လို့ ဖလုံ-စဝေါ် ဒီမိုကရက် တစ်ပါတီရဲ့ဒုတိယဥက္ကဌ ဦးမန်းအောင်ပြည်စိုး က ပြောပါတယ်။

ကရင်ပြည်နယ်အတွင်းမှာ လိုင်စင်မဲ့ကား ထောင်နဲ့ချီ ရှိနိုင်ကြောင်းလည်း ဦးမန်းအောင်ပြည်စိုး က ခန့်မှန်း ပြောပါတယ်။

လိုင်စင်မဲ့ကားတွေကို ပြီးခဲ့တဲ့တစ်ပတ်ကစပြီး ဘားအံမြို့မှာ ဖမ်းဆီးအရေးယူတာတွေ နေ့စဉ်ပြုလုပ် နေပြီး ကရင်ပြည်နယ်ထဲက အခြားမြို့နယ်တွေမှာတော့ ဖမ်းဆီးတာတွေမရှိဘူးလို့လည်း ပြောပါတယ်။

ကရင်ပါတီ ၅ ပါတီရဲ့ ကြေညာချက်မှာ ၂၁ ရာစုပင်လုံညီလာခံကို ထောက်ခံကြိုဆိုကြောင်းလည်း ပါရှိပါတယ်။

ဖလုံ-စဝေါ် ဒီမိုကရက်တစ်ပါတီ၊ ကရင် ဒီမိုကရက်တစ်ပါတီ၊ ကရင်ပြည်နယ် ဒီမိုကရေစီနဲ့ ဖွံ့ဖြိုးတိုးတက်ရေးပါတီ၊ ကရင်အမျိုးသားပါတီနဲ့ ကရင်ပြည်သူ့ပါတီ စတဲ့ ကရင်နိုင်ငံရေးပါတီ ၅ ပါတီ ပေါင်းစည်းရေးအတွက် ၇ ကြိမ်မြောက် တွေ့ဆုံဆွေးနွေးခဲ့တာဖြစ်ပါတယ်။

RFA Burmese
http://www.rfa.org/burmese/