ကျောက်မျက်တူးဖေါ်ခွင့်ဆိုင်ရာ အစိုးရကြေညာချက် ပတ်ဝန်းကျင်အဖွဲ့များ ကြိုဆို

ဖားကန့်မြို့နယ် လုံးခင်းကျေးရွာအုပ်စု မှော်စီစာကျေးရွာအနီးက သာယာကုန်းကမ်းပါးမှာ ၂၀၁၃ ခုနှစ်အတွင်းက ကျောက်စိမ်း တူးဖော်နေမှုကို တွေ့ရစဉ်။ Photo: Kyaw Myo Min/RFA
မြန်မာနိုင်ငံမှာ ကျောက်စိမ်းနဲ့ ကျောက်မျက်တူးဖေါ်ရေး လုပ်ကိုင်ခွင့်လိုင်စင်တွေကို လောလောဆယ် သက်တမ်း တိုးမပေးတော့ဘူးလို့ သယံဇာတနဲ့ သဘာဝပတ်ဝန်းကျင် ထိန်းသိမ်းရေးဝန်ကြီးဌာနက ကြေညာခဲ့တဲ့အပေါ် သဘာဝပတ်ဝန်းကျင်ရေးရာအဖွဲ့တွေနဲ့ လူ့အခွင့်အရေးအဖွဲ့တွေက ကြိုဆိုလိုက်ကြပြီး၊ လိုအပ်တာတွေ ထပ်မံဆောင်ရွက်ဖို့လည်း တိုက်တွန်းကြပါတယ်။

ဒီနှစ်အတွင်း အတည်ပြုခဲ့တဲ့ ကျောက်မျက်ဥပဒေအတွက် နည်းဥပဒေ ထွက်မလာသေးတာကြောင့် ကျောက်စိမ်း နဲ့ ကျောက်မျက်တူးဖေါ်ရေး လုပ်ကိုင်ခွင့်လိုင်စင်တွေ အသစ်ချမပေးဘဲ၊ လက်ရှိလုပ်ကိုင်နေတဲ့ ကုမ္ပဏီတွေကိုလည်း သက်တမ်းထပ် မတိုးသေးဘူးလို့ သိရပါတယ်။

ဒါကြောင့် ကျောက်မျက်တူးဖေါ်တဲ့ဒေသတွေမှာ လူ့အခွင့်အရေးချိုးဖေါက်မှုတွေ၊ မူးယစ်ဆေးဝါးပြဿနာတွေ၊ လူသေဆုံးမှုတွေ ကျဆင်းသွားဖွယ်ရှိတယ်လို့ ဗြိတန်အခြေစိုက် Global Witness အဖွဲ့၊ အမေရိကန် အခြေစိုက် NRGI ခေါ် သဘာဝသယံဇာတ ထိန်းသိမ်းရးအဖွဲ့စတဲ့ အဖွဲ့တွေက ကြိုဆိုခဲ့ကြတာဖြစ်ပါတယ်။

မြန်မာနိုင်ငံမှာ ကျောက်စိမ်းနဲ့ ကျောက်မျက်လုပ်ကွက်ပေါင်း ၂၇ဝဝ ကျော်ရှိပြီး၊ ကျောက်စိမ်းထွက်ရာ ကချင်ပြည်နယ်မှာ ကျောက်ကုမ္ပဏီပေါင်း ၇ဝဝ ကျော်ရှိတယ်လို့ သိရပါတယ်။ ဒါပေမဲ့ တရားဥပဒေစိုးမိုးမှု အားနည်းလွန်းတဲ့အတွက် အာဏာပိုင်တွေနဲ့ပေါင်းပြီး တရားမဝင် ခိုးတူးနေတာတွေလည်း အများအပြားရှိနေတယ်လို့ ဆိုပါတယ်။

အခု အစိုးရက ကျောက်မျက်လိုင်စင်သက်တမ်း မတိုးပေးတော့ဘူးဆိုပေမယ့် လက်ရှိ သက်တမ်းမကုန်သေးသူတွေ ဆက်လက်လုပ်ခွင့်ရှိနေပြီး၊ တချို့ကုမ္ပဏီတွေဆိုရင် ၂ဝ၂၁ ခုနှစ်အထိ သက်တမ်းရှိနေတယ်လို့ သိရပါတယ်။

မြန်မာနိုင်ငံရဲ့ ကျောက်မျက်ရတနာလုပ်ငန်းက ရရှိတဲ့ဝင်ငွေဟာ အမေရိကန်ဒေါ်လာ ၃၁ ဘီလျံ ဝန်းကျင် ရှိမယ်လို့ခန့်မှန်းကြတာကြောင့် တိုင်းပြည်ရဲ့ထွက်ကုန်တန်ဖိုး စုစုပေါင်းရဲ့ထက်ဝက်နီးပါး ရှိပါတယ်။ ဒါပေမဲ့ ကျောက်မျက်လုပ်ငန်း အထူးသဖြင့် ကျောက်စိမ်းတူးဖေါ်ရေးကို စစ်တပ်အရာရှိကြီးတွေနဲ့ မူးယစ်ရာဇာ ကြီးတွေက နောက်ကွယ်က ကြိုးကိုင်နေကြတာဖြစ်ပြီး၊ ဝင်ငွေအမြောက်အများရရှိနေကြတယ်လို့ Global Witness အဖွဲ့ရဲ့ ၂ဝ၁၅ ခှုနှစ် အစီရင်ခံစာမှာ ဖော်ပြထားပါတယ်။

ဒါ့ပြင် ကျောက်မျက်တူးဖေါ်ရေးလုပ်ငန်းမှာ ဆောင်ရွက်ပုံတွေ စနစ်မကျတဲ့အပြင်၊ စည်းမျဉ်းဥပဒေတွေ အားနည်းတာကြောင့် မြေစာပုံပြိုကျလို့ လူအများအပြားသေဆုံးရတာ၊ မူးယစ်ဆေးဝါး ကြောက်ခမန်းလိလိ ပေါ များပြီး၊ သုံးစွဲသူတွေများပြားနေတာနဲ့ တခြားလူမှုရေးပြဿနာတွေ၊ ရာဇဝတ်မှုတွေ ပေါ်ပေါက်နေပါတယ်။

RFA Burmese
http://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ