အရက်မူးနေသည့် ခင်ပွန်းက ဇနီးဖြစ်သူကို ဓားဖြင့်ထိုးသတ်


တာချီလိတ်မြို့နယ် မိုင်းကိုးကျေးရွာအုပ်စု ဟိုရမ်းကျေးရွာတွင် ဇူလိုင်လ(၁၇)ရက်နေ့ ညနေပိုင်းက အရက်သောက်ထားသည့် ယောက်ျားဖြစ်သူက စကားများရန်ဖြစ်ပြီး ဇနီးဖြစ်သူအား ဓါးဖြင့်ထိုးလိုက်သဖြင့် နေရာတွင် ပွဲခြင်းပြီး သေဆုံးသွားကြောင်း သိရသည်။


"ဓါးနဲ့ထိုးတဲ့သူက ရွာထဲမှာ အတော်ဆိုးတယ်လို့ ပြောကြတယ်။ စိတ်ကြွဆေးပြားလည်း သုံးတယ်။ အရက်လည်း သောက်တယ်လို့ ပြောတယ်။ ဆေးကြောင်ပြီး အိမ်ပြန်လာတဲ့ အချိန် မိန်းမနဲ့စကားများတော့ ရန်ဖြစ်ပြီး ဓါးနဲ့ ရင်ညွှန့်နဲ့ ဘယ်ဘက်နံကြားထဲကို ထိုးသွင်းတာ ပွဲချင်းပြီးသေသွားတယ်"ဟု တာချီလိတ်နာရေးကူညီမှုအသင်းမှ ဥက္ကဌ ဦးလှမိုးက ပြောသည်။

၎င်းတို့နှစ်ဦး အိမ်ထောင်ကျသည်မှာ (၃)လခန့်သာရှိသေးပြီး အမျိုးသားမှာ အနိုင်ကျင့်လေ့ရှိသည်ဟု ပတ်ဝန်းကျင်မှ သိရသည်။


သေဆုံးသွားသည့် ဇနီးဖြစ်သူ မနန်းဆောင်မှာ ၀ဲရင်ညွှန့်အောက်တွင် ထိုးသွင်းဒဏ်ရာ(၁)ချက်၊ ၀ဲဘက်နံဘေးကြားတွင် ပြတ်ရှဒဏ်ရာ (၁)ချက်တို့ကြောင့် အခင်းဖြစ်ပွားရာ နေရာတွင် သေဆုံးသွားခြင်း ဖြစ်သည်ဟု တာချီလိတ်ရဲစခန်း၏ စစ်ဆေးချက် မှတ်တမ်းတွင် ဖေါ်ပြထားသည်။

ဓါးဖြင့်ထိုးသူ စိုင်းယောင်းအား တာချီလိတ်မြို့မ ရဲစခန်းမှ ဇူလိုင်လ (၁၇) ရက်တွင် (ပ)၁၃၃/၂၀၁၆၊ ပြစ်မှုပုဒ်မ (၃၀၂)ဖြင့် အမှုဖွင့်လှစ် အရေးယူထားကြောင်း သိရသည်။

သတင်း။ ။ ‪ကိုဇက်‬
Tachileik News Agency
http://www.tachileik.net
အရက်မူးနေသည့် ခင်ပွန်းက ဇနီးဖြစ်သူကို ဓားဖြင့်ထိုးသတ်  အရက်မူးနေသည့် ခင်ပွန်းက ဇနီးဖြစ်သူကို ဓားဖြင့်ထိုးသတ် Reviewed by THITHTOOLWIN on 15:56 Rating: 5
Powered by Blogger.