မြောက်ဦးမြို့နယ်တွင် လူသတ်မှု ဖြစ်ပွား


နိရဉ္ဇရာ၊ဇူလှိုင် ၁၉ ရက်

ရခိုင်ပြည်နယ် မြောက်ဦးမြို့တွင် ဇူလိူင်လ ၁၈ ရက်နေ့ ညနေက လူသတ်မှု ဖြစ်ပွားခဲ့ကြောင်း သတင်း ရရှိသည်။

လူသတ်မှုမှာ မြောက်ဦးမြို့နယ် ညောင်ပင်လှကျေးရွာတွင် ဖြစ်ပွားခဲ့ပြီး သေဆုံးသူမှာ မောင်မြင့်လှိုင် (၃၈) နှစ် (ဘ) ဦးမောင်သာနု ဖြစ်ကြောင်း၊ သတ်သူဟု ယူဆရသူ တရားခံမှာ အောင်သန်းဌေး (၂၉) နှစ် (ဘ) ဦးအောင်ထွန်းလှ ဖြစ်ကြောင်း၊ သူတို့ နှစ်ဦးစလုံးမှာ လယ်ပိုင်ရှင် ဦးစံရွှေသိန်းထံတွင် သူရင်းငှား အဖြစ် လုပ်ကိုင်နေသူများ ဖြစ်ကြောင်း မြောက်ဦးမြို့နယ် ရဲတပ်ဖွဲ့မှူး ဦးမြင့်သောင်းမှ နိရဉ္ဇရာသတင်းဌာနသို့ အတည်ပြု ပြောဆိုပြောသည်။

“ကျွန်တော်တို့ သတင်းရရင် ရချင်းဘဲ စက်လှေနဲ့ အဲဒီရွာကို လိုက်သွားပါတယ်။ သတ်သူလို့ ယူဆရတဲ့ တရားခံ အောင်သန်းဌေးကို ဇူလှိုင်လ ၁၉ ရက်နေ့ မှာ ဖမ်းမိပါတယ်” ဟု ပြောသည်။

ဖြစ်စဉ်မှာ လယ်တဲတွင် စကားများကြရာမှ ဓားခုတ်မှု ဖြစ်ပွားသည်ဟု သိရှိကြောင်း၊ သေဆုံးသူ၏ ဦးခေါင်း နောက်စေ့တွင် ဓားခုတ်ဒဏ်ရာကို တွေ့ရှိရကြောင်း၊ တရားခံ အဖြစ် စွပ်စွဲခံထားရသူ အောင်သန်းဌေးကို ညောင်ပင်လှရွာနှင့် ၂ မိုင်ခန့် ဝေးကွာကြောင်း ဒုရဲမှူး ကျော်မြ၀င်းဦးဆောင်သောတပ်ဖွဲ့က ကြိုးပမ်း ဖမ်းဆီးခဲ့ခြင်း ဖြစ်ကြောင်း ရဲတပ်ဖွဲ့မှူး ဦးမြင့်သောင်းက ဆက်လက် ပြောကြားသည်။

“ကျွန်တော်တို့ ခုအောင်သန်းဌေးကို စစ်ဆေးနေတုန်းပါ။ စစ်ဆေးပြီးတာနဲ့ အမှုဖွင့်ပြီး လူသေမှုနဲ့ တရားစွဲဆိုသွားမှာ ဖြစ်ပါတယ်” ဟုပြောဆိုသည်။

ရွှေရအောင်(တောင်ကုတ်)
Narinjara
https://www.facebook.com/Narinjara

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ