ရန်ကုန်တိုင်း မင်္ဂလာဒုံမြို့နယ် ကုန်းတလဘောင်ကျေးရွာက ရတနာမာန်အောင် သီလရှင်စာသင်တိုက်ကို ဇွန်လ ၃ ရက်နေ့က တွေ့ရစဉ်။ Photo: Kyaw Zaw Win/RFA |
အဲဒီရပ်ကွက်မှာ နေထိုင်သူတွေက နေ့စားအလုပ်သမားတွေ များတဲ့အတွက် အပြင်သွားလာခွင့် ပိတ်လိုက်တဲ့ ကာလအတွင်း စားသောက်ရေးအတွက် အဖွဲ့အစည်းပေါင်းစုံနဲ့ ကူညီဆောင်ရွက်ပေးနေတယ်လို့ မင်္ဂလာဒုံ မြို့နယ် ပြည်သူ့လွှတ်တော်ကိုယ်စားလှယ် ဦးအောင်လှိုင်ဝင်း က ပြောပါတယ်။
အဲ့ဒီရပ်ကွက်မှာ နေအိမ် ၅ဝ ခန့်ရှိပြီး ဆုံဆို့နာရောဂါ ဖြစ်ပွားနေသူတစ်ဦးကို စစ်ဆေးတွေ့ရှိထားတဲ့အတွက် မနေ့ကစပြီး ရပ်ကွက်အတွင်း ဝင်ထွက်သွားလာခွင့်ကို တားမြစ်လိုက်တာဖြစ်ပါတယ်။
အပြင်သွားလာခွင့်ပိတ်လိုက်တဲ့ ၁ဝ ရက်အတွင်း ရပ်ကွက်သူ ရပ်ကွက်သားတွေကို ကျန်းမာရေးဦးစီးဌာနက ကာကွယ်ဆေးပေးတာ ဆေးစစ်တာတွေ ဆောင်ရွက်ပေးနေပါတယ်။
အပြင်သွားလာခွင့်ကန့်သတ်ခံရတဲ့ ကာလပြီးတဲ့နောက် စက်ရုံ၊ အလုပ်ရုံတွေနဲ့ ကုမ္ပဏီတွေမှာ အလုပ်လုပ်ကိုင် သူတွေ ပြန်လည်အလုပ်လုပ်နိုင်ဖို့နဲ့ လစာဖြတ်တောက်မခံရဖို့အတွက် အုပ်ချုပ်ရေးအဖွဲ့နဲ့ ညှိနှိုင်းဆောင်ရွက်သွားဖို့ စီစဉ်ထားတယ်လို့လည်း ဦးအောင်လှိုင်ဝင်း က ပြောပါတယ်။
ပြီးခဲ့တဲ့ ဇွန်လကလည်း မင်္ဂလာဒုံမြို့နယ် ကုန်းတလဘောင်ကျေးရွာက ရတနာမာန်အောင် သီလရှင်စာသင်တိုက် မှာ ဆုံဆို့နာရောဂါဖြစ်ပွားခဲ့ပြီး မြို့နယ်ကျန်းမာရေးဦးစီးဌာနက ဝင်ထွက်သွားလာခွင့်ယာယီ ပိတ်ခဲ့ပြီး နေ့စဉ် ကာကွယ်ဆေး တိုက်ကျွေးခဲ့ရပါတယ်။
RFA Burmese
http://www.rfa.org/burmese
ဆုံဆို့ကူးစက်ရောဂါဖြစ်တဲ့ ရပ်ကွက်ကို ပိတ်
Reviewed by THITHTOOLWIN
on
19:15
Rating: