ပခုက္ကူမြို့ မြို့ရှောင်လမ်းအနီး လူသတ်မှုဖြစ်ပွား


ပခုက္ကူမြို့နယ်၊ ချောက်ကန်ကျေးရွာ၊ မြို့ရှောင်လမ်းအနီးယာခင်းအတွင်းမှ အမျိုးသားတစ်ဦးအား ဒဏ်ရာများဖြင့် သေဆုံးလျှက် အမျိုသမီးတစ်ဦးအား(စိုးရိမ်ရ) ဒဏ်ရာများဖြင့် ဇူလိုင် ၂၃ ရက်နေ့ နံနက်ပိုင်း က တွေ့ရှိခဲ့ကြောင်း ပခုက္ကူမြို့မရဲစခန်းမှသိရသည်။


 ဖြစ်စဉ်မှာ ဇူလိုင် ၂၃ ရက်နံနက် ၈ နာရီအချိန်က ပခုက္ကူမြို့နယ်၊ ချောက်ကန်ကျေးရွာအုပ်စု၊ချောက်ကန်ကျေးရွာ မြိ့ရှောင်လမ်းဘေးတွင် အမည်မသိ အမျိုးသားတစ်ဦးနှင့် အမျိုးသမီးတစ်ဦးတို့ သွေးများဖြင့်လဲကျနေကြောင်း သတင်းအရ ပခုက္ကူမြို့မရဲစခန်းမှူးဒုရဲမှူးကျော်စိုး၊ ဒုရဲအုပ်ကျေ်မင်း၊ နယ်ထိန်းခေါင်းဆောင် ဒုရဲအုပ်ဟန်နိုင်ဝင်းပါဝင်သော အဖွဲ့သွားရောက်စစ်ဆေး ခဲ့ခြင်းဖြစ်သည်။


 မြို့ရှောင်လမ်း မိုင်တိုင်အမှတ် (၀/၇)၏မြောက်ဘက် ရွှေဗျိုင်းဖြူစက်သုံးဆီဆိုင်၏ အနောက်ဘက်ကိုက် ၅၀၀ ခန့်အကွာ ယာခင်းအတွင်းရှိ သစ်ပင်အောက်တွင် အမည်မသိအမျိုးသား၊အသက် ၃၀ နှစ်ခန့်(အဖ၊အလုပ်အကိုင်၊ နေရပ်စုံစမ်းဆဲ)တွင် ဦးခေါင်းနောက်စေ့ဝဲဘက်ပေါက်ပြဲ၊ဦးခေါင်းငယ်ထိပ်ပေါက်ပြဲ၊နောက်စေ့တည့်တည့်ပေါက်ပြဲ၊ ယာမျက်လုံးဖူးရောင်ဒဏ်ရာ(သေဆုံး)နှင့် အမည်မသိအမျိုးသမီး၊အသက် ၃၈ နှစ်ခန့်(အဖ၊အလုပ်အကိုင်၊နေရပ်စုံစမ်းဆဲ)တွင် နဖူးပေါက်ပြဲ၊ ဦးခေါင်းငယ်ထိပ်ပေါက်ပြဲ၊ ဝဲလက်ခုံဖူးရောင်၊ ဝဲလက်သူကြွယ်ပွန်းဒဏ်ရာ၊ အသက်ရှူလျှက်၊စကားမပြောနိုင်(စိုးရိမ်ရ)ဒဏ်ရာဖြင့်လဲကျနေသည်ကိုတွေ့ရှိခဲ့သဖြင့် အမည်မသိအမျိုးသမီးအား ပခုက္ကူမြို့ပြည်သူ့ဆေးရုံသို့ပို့ဆောင်ထားရှိခဲ့ခြင်းဖြစ်ကြောင်းအမှုစစ်၏ကနဦးစစ်ဆေးချက်အရသိရသည်။

 ဖြစ်စဉ်နှင့်ပက်သက်၍အမည်မသိအမျိုးသားအား သေ ဆုံးအောင်ပြုလုပ်သူ နှင့်အမည်မသိအမျိုးသမီးအား အပြင်းအထန်နာကျင်ဒဏ်ရာ များရရှိအောင်ပြုလုပ်သူ တရားခံအား စုံစမ်းဖော်ထုတ် အရေးယူပေးရန် ဒုရဲအုပ်ကျော်မင်းမှတရားလိုပြုတိုင်ကြားခဲ့သဖြင့် ပခုက္ကူမြို့နယ်၊ မြို့မရဲစခန်းမှ (ပ)၇၇၂/၂၀၁၆၊ရာဇသတ်ကြီးပုဒ်မ ၃၀၂/၃၂၅ ဖြင့်အမှုဖွင့်ထားရှိပြီး အမှုစစ် ဒုရဲမှူးကျော်စိုးမှ တရားခံအမြန်ဆုံး ဖမ်းဆီးနိုင်ရေး စုံစမ်းစစ်ဆေးလျှက်ရှိကြောင်းသိရသည်။

ရတနာပုံ သတင်းစာ
https://www.facebook.com/yadanabonnewspaper/

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ