တောင်တရုတ် ပင်လယ်အရေး တရုတ်နဲ့ ဖိလစ်ပိုင် ဆွေးနွေးဖွယ်ရှိ

တရုတ်နိုင်ငံခြားရေးဝန်ကြီး Wang Yi
တောင်တရုတ်ပင်လယ် တခုလုံးနီးပါးကို ပိုင်ဆိုင်တယ်လို့ တရုတ်နိုင်ငံကပြောထားတဲ့အပေါ် ဥပဒေကြောင်းအရ ခိုင်လုံမှုမရှိဘူး ဆိုပြီး အနုညာတခုံရုံးက အင်္ဂါနေ့မှာ ဆုံးဖြတ်ချက် ချခဲ့ပြီးတဲ့နောက် တရုတ်နဲ့ ဖိလစ်ပိုင်တို့ တွေ့ဆုံ ဆွေးနွေးဖို့ စပြောလာကြပါပြီ။

ဒီလို တွေ့ဆုံဆွေးနွေးခြင်းအားဖြင့် လက်နက်ကိုင်ပဋိပက္ခဖြစ်မယ့် အလားအလာ လျော့သွားနိုင် တာကြောင့် နိုင်ငံရေးအရ အများလက်ခံနိုင်တာကြောင့်ပါ။

ဒီဆုံးဖြတ်ချက်ကို ဖိလစ်ပိုင်အစိုးရက ကြိုဆိုခဲ့ပေမဲ့ တရုတ်နိုင်ငံဘက်ကတော့ လက်မခံကြောင်း ချက်ချင်း ပြောဆိုခဲ့တာပါ။ ဒီဆုံးဖြတ်ချက်နဲ့ပတ်သက်လို့ တရုတ်နိုင်ငံခြားရေးဝန်ကြီး Wang Yi က ပမာမခန့် တုံ့ပြန်ခဲ့ပေမဲ့ တွေ့ဆုံ ဆွေးနွေးဖို့ ဆန္ဒရှိ ကြောင်းကိုလည်း အင်္ဂါနေ့တုန်းက အရိပ်အမြွက်ပြောခဲ့ပါတယ်။ “ရယ်မောစရာဇာတ်လမ်းကြီးကတော့ အဆုံးသတ်သွားပါပြီ။ မှန်ကန်တဲ့လမ်းကြောင်းပေါ်ကို ပြန်ပြီးတော့ လျှောက်လှမ်း ရမယ့်အချိန်ပါ။ ဖိလစ်ပိုင်အစိုးရသစ် အနေနဲ့ တောင်တရုတ် ပင်လယ်အရေးနဲ့ ပတ်သက်ပြီး တရုတ်အစိုးရနဲ့ တွေ့ဆုံ စေ့စပ်ညှိနှိုင်းလို့တဲ့ ဆန္ဒရှိတယ်ဆိုတာကို မကြာခင်တုန်းကပဲ ပြသခဲ့တာကို တရုတ်အစိုးရကလည်း သိထားပါတယ်”- လို့ ဆိုပြီး တရုတ်နိုင်ငံခြားရေးဝန်ကြီး Wang Yi က အင်္ဂါနေ့မှာ ပြောဆိုခဲ့တာပါ။

တောင်တရုတ်ပင်လယ်အရေးနဲ့ ပတ်သက်လို့ နိုင်ငံတကာ အဖွဲ့အစည်းတွေ မပါဝင်ဘဲ နှစ်နိုင်ငံချင်း တွေ့ဆုံ ဆွေးနွေးလိုတယ်ဆိုတာကို တရုတ်အစိုးရက ဟိုးအရင်ကတည်းက ပြောလာခဲ့တာပါ။ ပြီးခဲ့တဲ့လ ၃၀ ရက်နေ့က သမ္မတ တာဝန် စတင်ယူခဲ့တဲ့ ဖိလစ်ပိုင်သမ္မတသစ် Rodrigo Duterte ကလည်း တရုတ်နိုင်ငံနဲ့ နှစ်နိုင်ငံကြား စေ့စပ်ညှိနှိုင်းတာတွေ လုပ်သွားလိုတယ် ဆိုတာကို သမ္မတ ရွေးကောက်ပွဲ မဲဆွယ်ချိန်ကတည်းက ပြောလာခဲ့တာဖြစ်ပါတယ်။

 ဗွီအိုအေ (မြန်မာပိုင်း)
http://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ