ကယားပြည်နယ် လွိုင်ကေ်ာမြို့မှာ ပြုလုပ်တဲ့ အာဇာနည်နေ့ အခမ်းအနား (ဓာတ်ပုံ - စိန်ဝင်း) (Credit: Audience Submitted)
|
ဗိုလ်ချုပ်အောင်ဆန်းနဲ့ တကွ လုပ်ကြံခံရတဲ့ အာဏာနည်တွေ ကျဆုံးသွားတဲ့ မနက် ၁၀ နာရီ ၃၇ မိနစ်မှာတော့ ဥသြဆွဲတာတွေ၊ ကားတွေကလည်း ဟွန်းတီးပြီး ဖြေးဖြေးနှေးနှေး မောင်းနှင်ပြီး အာဇာနည်နေ့ကို အောက်မေ့ခဲ့ကြပါတယ်။
ဒါဟာ နှစ်ပေါင်းများစွာအတွင်း ပထမဆုံးအကြိမ် ဥသြဆွဲတာမျိုး ပြန်လည် ပြုလုပ်ကြတာ ဖြစ်ပါတယ်။
ဥသြဆွဲသံတွေ၊ ဟွန်းတီးသံတွေ ကြားတဲ့အခါမှာ ငိုချင်လာတယ် ဆိုပြီး လူမှုကွန်ယက်တွေမှာ အများအပြား မှတ်ချက် ပြုနေကြပါတယ်။
လူမှု ကွန်ယက်တွေမှာလည်း အာဇာနည်နေ့ အခမ်းအနားကို တိုက်ရိုက် ထုတ်လွှင့်ကြသလို မြန်မာ့အသံနဲ့ ရုပ်မြင်သံကြားကလည်း ရန်ကုန်မြို့ အာဇာနေည်နေ့ အခမ်းအနားကို တိုက်ရိုက် ထုတ်လွှင့်ခဲ့ပါတယ်။
အဲဒီအခမ်းအနားကို ဒေါ်အောင်ဆန်းစုကြည်က ကျဆုံးသွားတဲ့ အာဇာနည်တွေရဲ့ မိသားစုဝင် အနေနဲ့ တက်ရောက်ဂါရဝ ပြုသွားခဲ့ပါတယ်။
ဒါ့အပြင် နိုင်ငံတော် သမ္မတ ဦးထင်ကျော်နဲ့ စစ်ဦးစီးချုပ် ဗိုလ်ချုပ်မှူးကြီး မင်းအောင်လှိုင်တို့လည်း တက်ရောက် ဂါရဝ ပြုခဲ့ကြပါတယ်။
မျက်နှာစုံညီ တက်ရောက်ကြသလို ဒေါ်အောင်ဆန်းစုကြည် နေအိမ်မှာ ပြုလုပ်တဲ့ ဆွမ်းကပ်ပွဲမှာလည်း မျက်နှာစုံညီ လာရောက်ကြတဲ့အတွက် ပီတိဖြစ်ရတယ် ဆိုပြီး မှတ်ချက်ပြုနေကြပါတယ်။
ဧရာဝတီ သတင်းဌာနကလည်း ဝန်ကြီးများရုံးမှာ ပြုလုပ်တဲ့ အာဇာနည်နေ့ အခမ်းအနားကို တိုက်ရိုက် ထုတ်လွှင့်ခဲ့တာကို တွေ့ရပါတယ်။
သမ္မတ ဦးထင်ကျော်ဦးဆောင်တဲ့ အစိုးရကလည်း အာဇာနည်နေ့ကို အောက်မေ့တဲ့အနေနဲ့ သံဃာတော်တွေကို ဆွမ်းကပ်ခဲ့ကြတယ်လို့လည်း သိရပါတယ်။
ABC Radio Australia
http://www.radioaustralia.net.au/burmese
အာဇာနည်နေ့ကို တမူထူးခြား ကျင်းပကြ
Reviewed by THITHTOOLWIN
on
17:14
Rating: