အလုပ်သမားတွေ ဆန္ဒပြ

လှိုင်သာယာမြို့နယ် ရွှေလင်ဗန်းစက်မှုဇုန်မှာရှိတဲ့ လဝန်းထက်သာ အထည်ချုပ်စက်ရုံက အလုပ်သမားတွေက အလုပ်ထုတ် နစ်နာကြေးရရှိဖို့နဲ့ လုပ်သက်လျော်ကြေးကို အမြန်ဆုံးပေးဖို့ ဇူလိုင်လ ၁၆ ရက်နေ့က ဆန္ဒပြတောင်းဆိုစဉ်။ Photo: Kyaw Lwin Oo/RFA
ရန်ကုန်တိုင်းဒေသကြီး လှိုင်သာယာမြို့နယ် ရွှေလင်ဗန်းစက်မှုဇုံမှာရှိတဲ့ လဝန်းထက်သာ အထည်ချုပ်စက်ရုံမှာ စက်ရုံရပ်နားလိုက်တဲ့အတွက် အလုပ်လက်မဲ့ဖြစ်သွားတဲ့ အလုပ်သမား ၈၅ ယောက်က အလုပ်ထုတ်နစ်နာကြေး ရရှိဖို့နဲ့ လုပ်သက်အလိုက် လျော်ကြေးငွေရရှိဖို့ ဒီကနေ့ ဆန္ဒပြတောင်းဆိုကြပါတယ်။

အလုပ်ရှင်ဘက်က နစ်နာကြေးပေးမယ်လို့ ပြောထားပြီး အကြိမ်ကြိမ်ရွှေ့ဆိုင်းနေတဲ့အတွက် မစောင့်ဆိုင်းနိုင် တာကြောင့် ဆန္ဒပြတာဖြစ်တယ်လို့ အလုပ်သမားခေါင်းဆောင် မဝင်းဝင်းစိုးက ပြောပါတယ်။

ဆန္ဒပြအလုပ်သမားတွေဟာ လျော်ကြေးကိစ္စကို အလုပ်သမားဝန်ကြီးဌာနအနေနဲ့ အမြန်ဆုံးဖြေရှင်းပေး ဖို့ တောင်းဆိုတဲ့ ပိုစတာတွေကိုင်ဆောင်ပြီး လှိုင်သာယာမြိုနယ် ဘီအိုစီဝိုင်းကနေ အောင်ဇေယျတံတားအထိ လမ်းလျှောက်ဆန္ဒပြတောင်းဆိုတာဖြစ်ပါတယ်။

လဝန်းထက်သာ အထည်ချုပ်စက်ရုံမှာ အလုပ်သမား ၈၅ ယောက်ရှိပြီး စက်ရုံကို ရပ်နားတော့မှာဖြစ်ကြောင်း ဇွန်လကုန်လောက်က အလုပ်သမားတွေကို အသိပေးခဲ့တာဖြစ်ပါတယ်။

အသိပေးပြီးနောက် အလုပ်သမားတွေကို ဇွန်လအတွက် လုပ်ခလစာ မပေးဘဲ စက်ရုံကို ရပ်နားခဲ့တဲ့အတွက် အလုပ်သမားတွေက စက်ရုံရှေ့မှာ ဆန္ဒပြခဲ့ရာ ပြီးခဲ့တဲ့ဇူလိုင်လ ၇ ရက်နေ့ကမှ ဇွန်လအတွက် လုပ်ခလစာကို ထုတ်ပေးခဲ့တာဖြစ်ပါတယ်။

အလုပ်သမားဥပဒေအရ စက်ရုံရပ်နားမယ်ဆိုရင် တစ်လကြိုတင်အသိပေးရမှာဖြစ်ပြီး ကြိုတင်အသိပေးခြင်းမရှိရင် အလုပ်သမားတွေကို နစ်နာကြေးပေးရမှာဖြစ်ပါတယ်။

ဆန္ဒပြအလုပ်သမားတွေက အလုပ်ထုတ်နစ်နာကြေး၊ လုပ်သက်အလိုက်လျော်ကြေးတွေပေးဖို့ အလုပ်သမား အလုပ်ရှင် ညှိနှိုင်းဖြေရှင်းရေးကော်မတီက ညှိနှိုင်းဆောင်ရွက်နေပေမယ့် မပြေလည်တာကြောင့် ခုံသမာ ဓိကောင်စီထံ တိုင်ကြားထားတယ်လို့ အလုပ်သမားတွေက ပြောပါတယ်။

အဲ့ဒီစက်ရုံဟာ ကိုရီးယားနိုင်ငံသားပိုင်စက်ရုံဖြစ်ပြီး လှိုင်သာယာစက်မှုဇုန်မှာ တခြားအထည်ချုပ်စက်ရုံ နှစ်ရုံနဲ့ လည်း လည်ပတ်နေတာဖြစ်ပါတယ်။

RFA Burmese
http://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ