အမေရိကန်ဆိုင်ရာ မြန်မာသံအမတ်ကြီးသစ် ခန့်အပ်


အမေရိကန်ပြည်ထောင်စုဆိုင်ရာ မြန်မာသံအမတ်ကြီးသစ်အဖြစ် နိုင်ငံခြားရေးဝန်ကြီး ဌာန အမြဲတမ်း အတွင်းဝန်လဲဖြစ် အာဆီယံ ရေးရာဦးစီးဌာန ညွန်ကြားရေးမှူးချုပ် ဦးအောင်လင်းကို ခန့်အပ်လိုက်တဲ့အပေါ် အမေရိကန်သံရုံးက ကြိုဆိုလိုက်ပါတယ်။

မြန်မာနိုင်ငံခြားရေးဝန်ကြီးဌာနက ဇူလိုင်လ ၁၈ ရက်နေ့တုန်းက ခန့်အပ်ကြောင်း ကြေညာခဲ့တဲ့အပေါ် မြန်မာနိုင်ငံဆိုင်ရာ အမေရိကန်သံရုံးက ဝမ်းသာ ဂုဏ်ယူကြောင်းနဲ့ သံအမတ်ကြီးဖြစ်လာမယ့် ဦးအောင်လင်းနဲ့အတူ ဆက်လက်ပူးပေါင်းဆောင်ရွက်သွားဖို့ မျှော်လင့်ထားကြောင်း ရန်ကုန် အမေရိကန်သံရုံးရဲ့ Facebook လူမှုကွန်ယက်ပေါ်မှာ ဖော်ပြထားပါတယ်။

ဦးအောင်လင်းဟာ နိုင်ငံခြားရေးဝန်ကြီးဌာနမှာ ဒုတိယ လက်ထောက်ညွှန်ကြားရေးမှူးတာဝန်နဲ့ ၁၉၈၃ ခုနှစ်မှာစတင် တာဝန်ထမ်းခဲ့ပါတယ်။ အဲဒီနောက် ဟောင်ကောင်၊ တောင်အာဖရိကနဲ့ New York မြို့တွေက မြန်မာသံရုံးတွေမှာ သံအရာရှိအနေနဲ့ တာဝန်တွေ ထမ်းဆောင်ခဲ့သူဖြစ်ပါတယ်။

စစ်အစိုးရလက်ထက်က အမေရိကန်နဲ့ မြန်မာကြား သံတမန်ဆက်ဆံရေးကို အဆင့်လျှော့ချခဲ့ပြီး၊ သမ္မတဟောင်း ဦးသိန်းစိန်လက်ထက်မှာမှ ၂ နိုင်ငံ သံအမတ်အဆင့်ကို ပြန်လည်တိုးမြှင့်ခန့်အပ်ခဲ့ပါတယ်။ အဲဒီလို သံအမတ်အဆင့် ပြန်လည်တိုးမြှင့်လိုက်ပြီးနောက်မှာ အခု ခန့်အပ်လိုက်တဲ့ ဦးအောင်လင်းက တတိယမြောက် အမေရိကန်ဆိုင်ရာ မြန်မာသံအမတ်ကြီး ဖြစ်ပါတယ်။

 ဗွီအိုအေ (မြန်မာပိုင်း)
http://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ