နယ်စပ်ရှိ ထိုင်း စီမံကိန်းမြေနေရာ မြန်မာကလည်း ပိုင်ဆိုင်တယ်လို့ တင်ပြ

ထိုင်းနယ်စပ်က ခရာချန် အမျိုးသားသစ်တောဥယျာဉ်ကို တွေ့ရစဉ်။ Photo: wikipeadia
ထိုင်းနိုင်ငံက ကမ္ဘာ့သမိုင်း အမွေအနှစ်နေရာအဖြစ် သတ်မှတ်ဖို့ ကုလသမဂ္ဂ ယူနက်စကိုအဖွဲ့ကို တင်ပြထား တဲ့  နေရာအ၀န်းအ၀ိုင်းမှာ မြန်မာ့ပိုင်နက် ပါဝင်နေတာကြောင့်၊ မြန်မာနိုင်ငံကလည်း ကိုယ့်ပိုင်နက် ပါဝင်နေတဲ့ အပိုင်းကို ကမ္ဘာ့သမိုင်းအမွေအနှစ်နေရာအဖြစ် သီးခြားတင်ပြမယ်လို့ သိရပါတယ်။

ထိုင်း မြန်မာနယ်စပ်မှာရှိတဲ့ ခရာချန် အမျိုးသား သစ်တောအ၀န်းအ၀ိုင်းကို ကမ္ဘာ့သမိုင်း အမွေအနှစ်နေရာအဖြစ် အသိအမှတ်ပြုခံရဖို့ ကြိုးပမ်းနေပါတယ်။

ဒါပေမဲ့ ထိုင်းက တင်ပြထားတဲ့မြေပုံထဲမှာ မြန်မာပိုင်နက် သုံးပုံတစ်ပုံပါဝင်နေတယ်လို့ ကမ္ဘာ့သမိုင်းအမွေ အနှစ် နေရာကော်မတီ မြန်မာနိုင်ငံဆိုင်ရာ ညွှန်ကြားရေးမှူး ဦးသန်းဇော်ဦး က ပြောပါတယ်။

အဲ့ဒီ ထိုင်း မြေပုံထဲမှာ ပါဝင်နေတဲ့ လေညာ သဘာဝသစ်တောဟာ မြန်မာနိုင်ငံ တနင်္သာရီ ကမ်းမြှောင်ဒေသ တလျှောက်မှာ ရှိနေကြောင်း၊ ဒါကြောင့် မြန်မာနိုင်ငံအနေနဲ့ အဲ့ဒီ လေညာသစ်တောကို ကမ္ဘာ့သမိုင်းအမွေ အနှစ်နေရာအဖြစ် သတ်မှတ်ဖို့ ယူနက်စကိုအဖွဲ့ကို မြေပုံတင်ပြမှာဖြစ်တဲ့အပြင်၊ အဲ့ဒီ နယ်စပ်တလျှောက် ကို ခြံစည်းရိုးခတ်ဖို့လည်း တောင်းဆိုမယ်လို့လည်း ပြောပါတယ်။

ဒီကိစ္စနဲ့ပတ်သက်ပြီး မြန်မာနဲ့ ထိုင်း ကိုယ်စားလှယ်တွေ တူရကီနိုင်ငံမှာရှိတဲ့ ကမ္ဘာ့သမိုင်းအမွေအနှစ် ညီလာခံမှာ ဆွေးနွေးခဲ့ကြပေမဲ့၊ တူရကီမှာ မအောင်မြင်တဲ့ အာဏာသိမ်းပွဲ ဖြစ်ပွားခဲ့တာကြောင့် ဆွေးနွေးမှု မပြီးပြတ်ခဲ့ပါဘူး။ ဒါကြောင့် ဒီကိစ္စကို လာမယ့် အောက်တိုဘာလ ပြင်သစ်နိုင်ငံ ပဲရစ်မြို့မှာ ဆက်လက်ဆွေးနွေးဖို့ စီစဉ်ထားပါတယ်။

ဒီပြဿနာနဲ့ ပတ်သက်ပြီး ဦးသန်းဇော်ဦးက ထိုင်းအနေနဲ့ မြန်မာ့စိုးရိမ်မှုအပေါ် နားလည်ပါတယ်၊ ထိုင်းရဲ့ အမျိုးသား သစ်တောကိစ္စကို မြန်မာက ကန့်ကွက်နေတာမဟုတ်ဘဲ၊ အဲ့ဒီသစ်တောရဲ့ နယ်ပယ်အ၀န်းအ၀ိုင်းကို ပြန်သုံး သပ်ဖို့ကိုသာ တောင်းဆိုနေတာဖြစ်ပါတယ်လို့ ပြောပါတယ်။

ထိုင်းနဲ့ မြန်မာကြားက လက်ရှိ နယ်စပ်မျဉ်းကို ၁၈၆၈ ခုနှစ်က ရေးဆွဲသတ်မှတ်ခဲ့တာဖြစ်ပြီး၊ အခုအခါ ပြန်လည် စစ်ဆေးသင့်ပြီလို့လည်း ပြောပါတယ်။

RFA Burmese
http://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ