ဂဠုန်ဦးစော အမှုတွဲမှတ်တမ်း ဘယ်ရောက်နေသလဲ

 ဂဠုန်ဦးစောရဲ့ နိုင်ငံတော် လုပ်ကြံမှု အမှုတွဲမှတ်တမ်း ဘာကြောင့် ပျောက်ဆုံးနေသလဲ ဆိုတာ မသိနိုင်သေး။
ဗိုလ်ချုပ် အောင်ဆန်းနဲ့ အာဇာနည် ခေါင်းဆောင်ကြီးတွေကို လုပ်ကြံ သတ်ဖြတ်ခဲ့သူ ဂဠုန်ဦးစောရဲ့ အမှုတွဲ မှတ်တမ်းဟာ တရားရုံးချုပ်မှာ မရှိတော့ဘဲ ပျောက်ဆုံးနေပါတယ်။

အမျိုးသား မော်ကွန်းတိုက် ညွှန်ကြားရေးမှူးချုပ် အဖြစ် ၂၀၀၂ ခုနှစ်ကနေ စတင် တာဝန်ယူခဲ့ဖူးသူ သမိုင်းပညာရှင် ဒေါက်တာ အောင်မျိုးက သူ တာဝန် ထမ်းဆောင်စဉ် ကာလအတွင်း တရားရုံးချုပ်ကို သွားပြီး ဂဠုန်ဦးစောရဲ့ နိုင်ငံတော် လုပ်ကြံမှု အမှုတွဲမှတ်တမ်းကို တောင်းယူရာမှာ အမှုတွဲ ပျောက်ဆုံးနေတာကို သိခဲ့ရတာ ဖြစ်ပါတယ်။

နိုင်ငံတော်အဆင့် မှတ်တမ်း ဖြစ်တဲ့အတွက် အမျိုးသား မော်ကွန်းတိုက်မှာ ထားရှိသင့်တာကြောင့် ဒေါက်တာ အောင်မျိုးက တောင်းယူခဲ့တာ ဖြစ်ပါတယ်။

တရားရုံးချုပ် တာဝန်ရှိသူတွေက အဲဒီ အမှုတွဲ မှတ်တမ်းတွေကို နိုင်ငံတော် သမ္မတဟောင်း ဒေါက်တာ မောင်မောင် ယူသွားခဲ့တာ ဖြစ်ပြီး ပြန်မရခဲ့ဘူးလို့ ဆိုပါတယ်။

ဒီအမှုတွဲဟာ ဥပဒေအရ အမျိုးသား မော်ကွန်းတိုက်မှာသာ ထိန်းသိမ်း ထားရှိရမှာ ဖြစ်ပြီး တခြား မော်ကွန်းတိုက်တွေမှာ ထားခွင့် မရှိဘူးလို့ ဆိုပါတယ်။

ပျောက်ဆုံးနေတယ် ဆိုတာကို သိတာ ဆယ်နှစ်ကျော် ကြာပြီ ဖြစ်ပေမယ့် ဒီနေ့ အထိ ပြန်မတွေ့သေးသလို စနစ်တကျ ပြန်လည် ရှာဖွေတာမျိုးလည်း မလုပ်ကြသေးဘူး။

ဒီအမှုတွဲ မှတ်တမ်းဟာ တနေရာရာမှာ အမှတ်မထင် ချောင်ထိုး ပျောက်ကွယ်နေသလား၊ ဒါမှမဟုတ် တစုံတယောက်ရဲ့ ပေါ့ဆမှုကြောင့် ပျောက်ဆုံးသွားခဲ့သလား၊ ဒါမှမဟုတ် နိုင်ငံရေး အကြောင်းတခုခု ကြောင့် ရည်ရွယ်ချက်ရှိရှိ ကွယ်ဝှက် ဖျက်ဆီးခဲ့သလား ဆိုတာကိုလည်း ဘယ်သူမှ မမှန်းဆနိုင်သေးပါဘူး။

BBC Burmese
http://www.bbc.com/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ