မလေးမှာ မြန်မာအလုပ်သမားတွေ ဖမ်းဆီးခံရ

မလေးရှားနိုင်ငံ ကွာလာလမ်ပူမြို့မှာ တရားမဝင်နေထိုင်သူတွေကို ဖမ်းဆီးတဲ့စီမံချက်အရ ၂ဝ၁၃ စက်တင်ဘာ ၂ ရက်နေ့က ရဲဖမ်းဆီးထားတဲ့ မြန်မာနိုင်ငံသားတချို့ကို တွေ့ရစဉ်
မလေးရှားနိုင်ငံမှာ ဒီတစ်ပတ်အတွင်း မြန်မာနိုင်ငံသား ၁၅၀ လောက် ဖမ်းဆီးထိန်းသိမ်းခံထားရတယ်လို့ ကပုန်း ၇ ရက် သားသမီးနာရေးကူညီမှုအသင်း တာဝန်ရှိသူတွေက ပြောပါတယ်။

ဖမ်းဆီးခံရတဲ့ အလုပ်သမားတွေထဲက တရားဝင်အလုပ်လုပ်ခွင့်ရှိထားသူတွေကို ပြန်လွှတ်မှာဖြစ်ပြီး တရား မ၀င်နေထိုင်သူတွေဟာ ထောင် သုံးလကနေ ၆ လအထိ ကျခံရနိုင်တယ်လို့ ကပုန်း ၇ ရက် သားသမီး နာရေးကူညီမှုအသင်း ဥက္ကဌ ဦးဆန်းဝင်း က ပြောပါတယ်။

ပြီးခဲ့တဲ့ ဇူလိုင် ၁၆ရက်နေ့က ကွာလာလမ်ပူမြို့က မိုင်းကုန်တိုက်မှာ မြန်မာအလုပ်သမား ၆၀ ကျော်၊ မနေ့ညက ပီနမ်ခရိုင်က ဘီအမ်ပလာဇာမှာ မြန်မာအလုပ်သမား ၈၀ ကျော် အဖမ်းခံရတာဖြစ်ပါတယ်။

မလေးရှားအစိုးရက ဇန်န၀ါရီကနေ ဇွန်လအထိ တရားဝင်အလုပ်လုပ်ခွင့် ပါမစ်လျှောက်ထားခွင့် ပြုထား တာဖြစ်ပါတယ်။ အခုသတ်မှတ်ထားတဲ့ကာလ ကုန်ဆုံးသွားတဲ့အတွက် တရားမ၀င် လုပ်ကိုင်နေသူတွေကို ဖမ်းဆီးတာဖြစ်ပါတယ်။

တရားဝင်အလုပ်လုပ်ခွင့်လျှောက်ထားမယ်ဆိုရင် မလေးရှားငွေ ရင်းဂစ် ၆ ထောင်လောက်(မြန်မာငွေ ကျပ် ၁၈ သိန်းကနေ သိန်း ၂၀ အထိ) ကုန်ကျတာဖြစ်ပြီး ပွဲစားတွေရဲ့ အလိမ်ခံရတာတွေရှိတာကြောင့် မြန်မာအလုပ် သမားတွေ ပါမစ်လျှောက်ထားဖို့ အခက်အခဲရှိနေတာဖြစ်ပါတယ်။

မလေးရှားနိုင်ငံမှာ သွားရောက်အလုပ်လုပ်ကိုင်နေတဲ့ မြန်မာနိုင်ငံသား ၂သန်းကျော်ရှိပြီး အဲ့ဒီထဲမှာ တရားဝင်သွားရောက်လုပ်ကိုင်သူ တစ်သန်းလောက်ရှိပါတယ်။

RFA Burmese
http://www.rfa.org/burmese
မလေးမှာ မြန်မာအလုပ်သမားတွေ ဖမ်းဆီးခံရ  မလေးမှာ မြန်မာအလုပ်သမားတွေ ဖမ်းဆီးခံရ Reviewed by THITHTOOLWIN on 20:54 Rating: 5
Powered by Blogger.