ရွှေ့ပြောင်း အလုပ်သမား များ ထောက်ပံ့ကူညီရေးဗဟိုဌာန စစ်တွေမြို့မှာ ဖွင့်လှစ်

အလုပ်သမား၊ လူဝင်မှုကြီးကြပ်ရေးနဲ့ ပြည်သူ့အင်အားဝန်ကြီးဌာနက ရွှေ့ပြောင်းအလုပ်သမားများ ထောက်ပံ့ကူညီရေးဗဟိုဌာန တစ်ခုကို ရခိုင်ပြည်နယ် စစ်တွေမြို့မှာ ဇူလိုင်လ ၂၉ ရက်နေ့မှာ ဖွင့်လှစ်စဉ်။ Photo: Min Thein Aung/RFA
ပြည်ပနိုင်ငံတွေမှာ တရားဝင် သွားရောက်အလုပ်လုပ်ကြသူတွေကို အကူအညီပေးနိုင်ဖို့အတွက် ရွှေ့ပြောင်း အလုပ်သမားများ ထောက်ပံ့ကူညီရေးဗဟိုဌာနတစ်ခုကို ရခိုင်ပြည်နယ်စစ်တွေမြို့မှာ ဒီနေ့ စတင်ဖွင့်လှစ်လိုက် ပါတယ်။

ပြည်ပနိုင်ငံတွေမှာ အလုပ်လုပ်လိုသူတွေကို အကူအညီတွေ ပေးသွားမှာဖြစ်တယ်လို့ အလုပ်သမား၊ လူဝင်မှုကြီးကြပ်ရေးနဲ့ ပြည်သူ့အင်အားဝန်ကြီးဌာန အမြဲတမ်းအတွင်းဝန် ဦးမျိုးအောင် က ပြောပါတယ်။

"ဌာနရဲ့အဓိကရည်ရွယ်ချက်က ပြည်ပကိုသွားချင်တဲ့လူငယ်တွေ ဘယ်လိုသွားရတာလဲ၊ ဘယ်လို လမ်းကြောင်းတွေ ရှိသလဲနော်၊ တရားဝင်လုံခြုံစိတ်ချရတဲ့ ပြည်ပမှာသွားရောက်လုပ်ကိုင်နိုင်ဖို့ကို ဒီဌာနကနေပြီးတော့ သတင်းအချက်အလက်တွေပေးမှာပေါ့၊ ဒါက ၁ အချက်ပေါ့နော်၊ ၂ အချက်က ဘာကြောင့်ဖွင့်လဲဆိုတော့ ပြည်ပမှာတချို့က နဂိုကတည်းက ရောက်နှင့်ပြီးသားတွေ၊ မိသားစုတွေနဲ့ အဆက်အသွယ်တွေပြတ်နေတယ်၊ ပြတ်နေတဲ့အခါကျရင် ကိုယ့်ဘာသာမိသားစုတွေကို ဘယ်မှာရောက်နေ ပါတယ် ဒါလေးကို ကူညီစုံစမ်းပေးပါလို့ပြောလာရင် တချို့နိုင်ငံတွေမှာ အလုပ်သမားသံအရာရှိတွေရှိတယ်၊ မရှိရင် သံရုံးတွေရှိတယ်၊ နောက် လူမှုအဖွဲ့အဖွဲ့အစည်းတွေရှိတယ်၊ ဒါတွေကတဆင့် ကူညီဆောင် ရွက်ပေးနိုင်ဖို့ဖြစ်ပါတယ်"

ဒါ့အပြင် ပြည်ပကနေ မိမိဒေသအသီးသီးကို ပြန်လည်ရောက်ရှိလာသူတွေအနေနဲ့လည်း ဒေသတွင်းမှာ မိမိတို့ကျွမ်းကျင်တဲ့ပညာတွေနဲ့ အလုပ်လုပ်ကိုင်လိုတယ်ဆိုရင်လည်း အကူအညီတွေပေးသွာ မယ်လို့ ပြောပါတယ်။

ရွှေ့ပြောင်းအလုပ်သမားများ ထောက်ပံ့ကူညီရေးဗဟိုဌာနဟာ ပြည်ပမှာ တရားမဝင် သွားရောက်အလုပ် လုပ်ကိုင်နေသူတွေအတွက် အကျုံးဝင်မှာမဟုတ်ဘဲ တရားဝင်ဗီဇာနဲ့ သွားရောက်အလုပ် လုပ်ကိုင်လိုသူတွေ အတွက်ကိုသာ ကူညီဆောင်ရွက်မှာဖြစ်တယ်လို့လည်း ပြောပါတယ်။

မြန်မာနိုင်ငံမှာ ရွှေ့ပြောင်းအလုပ်သမားများ ထောက်ပံ့ကူညီရေးဗဟိုဌာနတွေကို မွန်၊ ကရင်၊ ဧရာဝတီ၊ ရှမ်း၊ မန္တလေး၊ မကွေး စတဲ့ တိုင်းဒေသကြီးနဲ့ ပြည်နယ်တွေက နေရာ ၁၂ ခုမှာ ဖွင့်လှစ်ထားပြီး မကြာခင် ချင်းပြည်နယ် မှာလည်း ဆက်လက်ဖွင့်လှစ်သွားမယ်လို့ ပြောပါတယ်။

မြန်မာနိုင်ငံမှာ ပြည်ပရွှေ့ပြောင်းအလုပ်သမားဦးရေဟာ ၅ သန်းကျော်လောက်ရှိနေပြီး ရခိုင်ပြည်နယ်မှာ လူဦးရေ ၁ သိန်းကျော်လောက် ရှိတယ်လို့လည်း ပြောပါတယ်။

RFA Burmese
http://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ