ဆီးရီးယားမှာ သားဖွား ဆေးရုံ ဗုံးထိမှန်

 ဗုံးဒဏ်ကြောင့် အဆောက်အဦ တချို့တဝက် ပျက်စီးခဲ့။
ဆီးရီးယား နိုင်ငံ အနောက်မြောက် ပိုင်းမှာ သားဖွား ဆေးရုံ တစ်ရုံ ဗုံးထိမှန်ခဲ့ပြီး လူနာတွေနဲ့ ဝန်ထမ်းတွေ အသေအပျောက် ရှိခဲ့တယ်လို့ ယူကေ အခြေစိုက် ပရဟိတ အဖွဲ့ တစ်ဖွဲ့က ပြောပါတယ်။

လေကြောင်း တိုက်ခိုက်မှု တစ်ခုကြောင့် အိဒ်လစ်ဘ် ခရိုင်မှာ ရှိတဲ့ အဲဒီ ဆေးရုံ ဝင်ပေါက် ဗုံးထိမှန် ခဲ့တယ်လို့ ကလေးသူငယ် ကာကွယ် စောင့်ရှောက်ရေး အဖွဲ့ Save the Children က ပြောတာပါ။

အဆောက်အဦ ပျက်စီးသွားပုံကို သတင်း ဓာတ်ပုံတွေမှာ တွေ့ရပါတယ်။ အသေအပျောက် စာရင်းကိုတော့ အတိအကျ မသိရသေးပါဘူး။

အဲဒီ ဆေးရုံဟာ လစဉ် ကလေးမွေးဖွားမှု ၃၀၀ ကျော် ရှိပြီး ဒေသတွင်းမှာ အကြီးဆုံး သားဖွားဆေးရုံ ဖြစ်တယ်လို့ ပရဟိတ အဖွဲ့က ပြောပါတယ်။

လေကြောင်း တိုက်ခိုက်မှုက ဘယ်သူ့ လက်ချက်လဲ ဆိုတာလည်း ရှင်းရှင်းလင်းလင်း မသိရသေးပါဘူး။

တစ်ချိန်တည်းမှာပဲ အလက်ပို မြို့မှာ ပိတ်မိ နေသူတွေကို ကူညီဖို့အတွက် ဘေးကင်းတဲ့ လမ်းကြောင်းတွေကို ကုလ သမဂ္ဂက ကြီးကြပ်ခွင့်ရဖို့ ဆီးရီးယား ဆိုင်ရာ ကုလ သံတမန်က ရုရှားကို တောင်းဆို ထားပါတယ်။

ရုရှားက အဆိုပြုခဲ့တဲ့ အဲဒီ လမ်းကြောင်းတွေကို ကုလသမဂ္ဂက မူအရ လက်ခံပေမယ့် အသေးစိတ်ကို ရုရှားကို ထပ်မေးထားတယ်လို့ ဆီးရီးယား ဆိုင်ရာ ကုလ သံတမန် Staffan de Mistura က ပြောပါတယ်။

BBC Burmese
http://www.bbc.com/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ