NLD ဦးဆောင်တဲ့ မြန်မာအစိုးရက ဒီတပတ်အတွင်း မြန်မာနိုင်ငံရဲ့ စီးပွားရေး အစီအစဉ်တွေကို ချပြဖို့ ရှိနေတဲ့အတွက် စီးပွားရေး အသိုင်းအဝိုင်းက အနီးကပ် စောင့်ကြည့်နေကြပါတယ်။
မြန်မာနိုင်ငံမှာ စီးပွားရေးပေါ်လစီ အသေးစိတ်တွေ မရှိသေးတဲ့အတွက် စီးပွားရှင်တွေ၊ ရင်းနှီးမြုပ်နှံသူတွေက စိုးရိမ်ပြီး ခိုင်မာတဲ့ စီးပွားရေး ပေါ်လစီတွေ ပေါ်ထွက်လာဖို့ စောင့်ဆိုင်းနေကြပါတယ်။
မြန်မာနိုင်ငံ ဆူပါမတ်ကက်လုပ်ငန်းမှာ အကြီးဆုံး ဖြစ်တဲ့ City Mart Holdings Co. Ltd က ဆူပါမတ်ကက် အသစ်တွေ၊ hypermarket နဲ့ အထွေထွေ အရောင်းကုန်ဆိုင်တွေကို တိုးချဲ့ဖွင့်လှစ်ဖို့ ဆန္ဒရှိပေမယ့် အစိုးရရဲ့ စီးပွားရေး ပေါ်လစီကို စောင့်ဆိုင်းနေရတယ်လို့ ဆိုပါတယ်။
အစိုးရရဲ့ ပေါ်လစီက စီးပွားရှင်တွေနဲ့ ရင်းနှီးမြုပ်နှံသူတွေအတွက် ရှင်းလင်းမှုတွေ ဖြစ်စေနိုင်ပေမယ့် လိုလားသလောက် ပြုပြင်ပြောင်းလဲမှုတွေ ဖြစ်လာဦးမှာ မဟုတ်ဘူးလို့လည်း သုံးသပ်နေကြတဲ့အကြောင်း ရိုက်တာ သတင်းမှာ ပါရှိပါတယ်။
အစိုးရကတော့ ဒီတပတ်အတွင်း စီးပွားရေး မျှော်မှန်းချက် အစိတ်အပိုင်းတချို့ကို ချပြမှာ ဖြစ်ပြီး စိုက်ပျိုးရေး ကဏ္ဍတိုးတက်ရေးနဲ့ ပုဂ္ဂလိက ကဏ္ဍမှာ အလုပ်အကိုင်တွေ ပိုများလာဖို့ ကိစ္စတွေကို ဦးစားပေးသွားမယ်လို့ ပြောဆိုထားတာ ရှိပါတယ်။
အခုလောလောဆယ် ရန်ကုန်မြို့က တိုက်အိမ်အမြင့် ဆောက်လုပ်ရေး လုပ်ငန်းတွေကို ရပ်တန့်ဖို့ အစိုးရက ညွှန်ကြားထားပါတယ်။
အစိုးရဟောင်းလက်ထက်တုန်းက ခွင့်ပြုထားတဲ့ တိုက်အိမ်မြင့် လုပ်ငန်း ၁၈၅ ခုကို ရပ်ဆိုင်းထားပြီး တချို့ကိစ္စမှာတော့ ၃၁ ထပ်ဆောက်ဖို့ ရည်ရွယ်ထားတဲ့ တိုက်အိမ်တွေကို ၁၂ ထပ်အထိ လျှော့ချဖို့ ညွှန်ကြားထားတာမျိုး ရှိတဲ့အတွက် အလုပ်သမား လျှော့ချလိုက်တာတွေနဲ့ ငွေကြေးအခက်အခဲတွေ ဖြစ်နိုင်တယ်ဆိုပြီး စိုးရိမ်မှုတွေ ရှိနေပါတယ်။
ABC Radio Australia
http://www.radioaustralia.net.au/burmese
မြန်မာအစိုးရက စီးပွားရေး ပေါ်လစီ ကြေညာမယ်
Reviewed by THITHTOOLWIN
on
20:34
Rating: