ပညာရေးမှာ အခြေခံပညာက အရေးကြီး

နေပြည်တော် အားကစားရွာမှာ ဇူလိုင်လ ၂၁ ရက်နေ့က အခြေခံပညာအဆင့်ပညာရေးမြှင့်တင်ပွဲ အခမ်းအနားမှာ ဒေါ်အောင်ဆန်း စုကြည် တက်ရောက်မိန့်ခွန်းပြောကြားစဉ်။ Photo: Myo Thant Khaing/RFA

မြန်မာနိုင်ငံရဲ့ ပညာရေးတိုးတက်ခိုင်မာစေဖို့ အခြေခံပညာကအရေးကြီးကြောင်းနဲ့ မိဘတွေက ယုံကြည်စွာ အပ်နှံတဲ့ ကျောင်းတွေအနေနဲ့လည်း ယုံကြည်ထိုက် အားကိုးထိုက် တဲ့အခြေအနေ ရှိဖို့လိုကြောင်း နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ပြောပါတယ်။

ဒီကနေ့ နေပြည်တော် အားကစားရွာမှာ အခြေခံပညာအဆင့်ပညာရေးမြှင့်တင်ပွဲ အခမ်းအနားမှာ ဒေါ်အောင် ဆန်းစုကြည်က ပြောကြားခဲ့တာဖြစ်ပါတယ်။

ဒီနေ့အခမ်းအနားမှာ ပညာရေးဝန်ကြီးဒေါက်တာမျိုးသိမ်းကြီးကလည်း အခြေခံပညာရေးနဲ့ ပတ်သတ် ပြီး လုပ်ဆောင်နေတာတွေကို ပြန်လည်ရှင်းလင်းသွားခဲ့ပါတယ်။

ဒီနေ့အခမ်းအနားကို ဒေါ်အောင်ဆန်းစုကြည်နဲ့အတူ နိုင်ငံတော်သမ္မတဦးထင်ကျော်ရဲ့ဇနီး ဒေါ်စုစုလွင်၊ နယ်စပ်ရေးရာဝန်ကြီးဌာန ပြည်ထောင်စုဝန်ကြီး ဗိုလ်ချုပ်ကြီး ရဲအောင်နဲ့အတူ ပညာရေး ၀န်ကြီးဌာနက တာဝန်ရှိသူတွေ၊ ဆွေးနွေးပွဲတက်ရောက်တဲ့ ဆရာဆရာမတွေ တက်ရောက်ခဲ့ကြပါတယ်။

RFA Burmese
http://www.rfa.org/burmese