တရုတ်ရဲ့ ကမ်းလှမ်းချက်ကို ဖိလစ်ပိုင် ပယ်ချ

တောင်တရုတ်ပင်လယ်ပြင်မှာ တရုတ်ဘက်က ဆောက်လုပ်နေတဲ့ ကျွန်းတု တစ်ခု (Credit: Reuters) 

တောင်တရုတ်ပင်လယ်ပြင် ​ကိစ္စနဲ့ ​ဆက်စပ်ပြီး ​နှစ်နိုင်ငံ ​ဆွေးနွေးမှုတွေ ​လုပ်ဖို့ ​တရုတ်ဘက်က ​ကမ်းလှမ်းတာကို ​ဖိလစ်ပိုင်က ​ပယ်ချလိုက်ပါတယ်။

ဆွေးနွေးပွဲလုပ်မယ်ဆိုတာကို ​ဖိလစ်ပိုင်က ​ပယ်ချတာထက် ​ဆွေးနွေးပွဲအတွင်း ​ကုလသမဂ္ဂ ​နိုင်ငံတကာ ​ခုံရုံးရဲ့ ​ဆုံးဖြတ်ချက်အကြောင်း ​ဆွေးနွေးမှာ ​မဟုတ်ဘူးလို့ ​တရုတ်ဘက်ကနေ ​ကြိုတင်ပြောဆိုထားတာကို ​မကျေနပ်လို့ ​ဖိလစ်ပိုင်က ​ကမ်းလှမ်းချက်ကို ​ပယ်ချလိုက်တာ ​ဖြစ်ပါတယ်။

မွန်ဂိုးလီးယားနိုင်ငံမှာ ​ကျင်းပခဲ့တဲ့ ​အာဆီယံနဲ့ ​ဥရောပ ​ခေါင်းဆောင်များ ​ညီလာခံကို ​တက်ရောက်စဉ်အတွင်း ​တရုတ်နိုင်ငံခြားရေး ​ဝန်ကြီးက ​ဖိလစ်ပိုင် ​အစိုးရ ​ကိုယ်စားလှယ်ကို ​တွေ့ဆုံဆွေးနွေးကြဖို့ ​ပြောဆိုခဲ့တာ ​ဖြစ်ပါတယ်။

တရုတ်အစိုးရက ​ခုံရုံးရဲ့ ​ဆုံးဖြတ်ချက်အပေါ် ​အမျက်ဒေါသ ​ထွက်နေသလို ​ဆုံးဖြတ်ချက်တွေကို ​လက်မခံနိုင်ဘူးလို့ ​ပြောဆိုနေပါတယ်။

ဖိလစ်ပိုင်ကလည်း ​ခုံရုံးရဲ့ ​ဆုံးဖြတ်ချက်ကို ​ဖိလစ်ပိုင် ​ပြည်သူတွေက ​စိတ်ဝင်စားတဲ့အတွက် ​အဲဒီ ​ကိစ္စကို ​မဆွေးနွေးရဘူးဆိုရင် ​တရုတ်နဲ့ ​မဆွေးနွေးနိုင်ဘူးလို့ ​ပြောဆိုလိုက်တာ ​ဖြစ်ပါတယ်။

ဖိလစ်ပိုင်က ​နိုင်ငံတကာ ​ခုံရုံးရဲ့ ​ဆုံးဖြတ်ချက်အရ ​တဆင့်ပြီးတဆင့် ​တရုတ်ကို ​သွေးတိုးစမ်းတာမျိုး ​လုပ်ဆောင်တဲ့အနေအထား ​ရှိနေပါတယ်။

ပထမဆုံး ​ပိုင်ဆိုင်မှု ​အငြင်းပွားနေတဲ့ ​နေရာကို ​ဖိလစ်ပိုင် ​ငါးဖမ်းသမားတွေ ​သွားရောက်ခဲ့ပေမယ့် ​တရုတ်ကမ်းခြေစောင့်တပ်တွေရဲ့ ​နှင်ထုတ်မှုကို ​ခံခဲ့ရပါတယ်။

ABC Radio Australia
http://www.radioaustralia.net.au/burmese