Premier ကော်ဖီစက်ရုံကို အစိုးရက တရားစွဲမည်


အလုပ်သမားတွေအတွက် အချိန်ပိုကြေးကျပ်သိန်း ၅၀၀ လောက်ပေးဖို့ ကျန်နေတဲ့ Premier ကော်ဖီမစ်စက်ရုံကို အစိုးရက မနက်ဖြန် တရားစွဲဆိုမယ်လို့ ပြောပါတယ်။

ပြီးခဲ့တဲ့နှစ် စက်တင်ဘာလကတည်းက ဒီနေ့အထိ ပေးဖို့ကျန်နေတဲ့အတွက် တရားစွဲမှာဖြစ်တယ်လို့ လှိုင်သာယာမြို့နယ် အလုပ်သမား ဥပဒေစစ်ဆေးရေးဦးစီးဌာန လက်ထောက်ညွှန်ကြားရေးမှူး ဦးချစ်ပေါ က ပြောပါတယ်။
ပရီးမီးယား စက်ရုံကို ဆက်သွယ်မေးမြန်းရာမှာ ဖြေဆိုမည့် လူကြီးမရှိကြောင်း ဖြေကြားပါတယ်။

ပရီးမီးယားစက်ရုံဟာ ရန်ကုန်တိုင်းဒေသကြီး လှိုင်သာယာစက်မှုဇုန် ၃မှာရှိတာဖြစ်ပြီး အလုပ်သမား အရေအတွက်က တစ်ထောင်ကျော်လောက် ရှိတာဖြစ်ပါတယ်။

Premier ကော်ဖီမစ်စက်ရုံမှာ နေ့စားအလုပ်သမားတွေကို အချိန်ပိုကြေး အပြည့်မပေးတဲ့အပြင် ဥပဒေ အရ သတ်မှတ်ပေးထားတဲ့ နားရက်တွေအတွက် လုပ်အားခဖြတ်တောက်မှုတွေ ရှိနေတယ်လို့လည်း ဦးချစ်ပေါ က ပြောပါတယ်။

အချိန်ပိုကြေး အပြည့်မရတဲ့ နေ့စားအလုပ်သမား ၃၀၀ လောက်ရှိပြီး အဲဒီအထဲမှာ အများဆုံး လုပ်သက် ၂ နှစ်ကနေ အနည်းဆုံး လုပ်သက်တစ်လ ရှိသူတွေ ပါဝင်ပါတယ်။

RFA Burmese
https://www.facebook.com/rfaburmese
Premier ကော်ဖီစက်ရုံကို အစိုးရက တရားစွဲမည် Premier ကော်ဖီစက်ရုံကို အစိုးရက တရားစွဲမည် Reviewed by THITHTOOLWIN on 19:26 Rating: 5
Powered by Blogger.