လှေတိမ်းမှောက်မှုကြောင့် ပျောက်ဆုံးနေသော ကျောင်းသား၊ကျောင်းသူ(၇)ဦးအနက် ကျောင်းသူသုံးယောက်အလောင်းအား ရှာဖွေတွေ့ရှိ


ဇွန် ၂ / DNJ

ပုဏ္ဏားကျွန်းမြို့နယ်

ပိုးရွှီပြင်အထက်တန်းကျောင်းမှ ကျောင်သား၊ကျောင်းသူများ စီးနှင်းလာသည့် လှေတိမ်းမှောက်မှုကြောင့် ပျောက်ဆုံးနေသော ကျောင်းသား၊ ကျောင်းသူ(၇)ဦးအနက် ကျောင်းသူသုံးယောက်၏ အလောင်းအား ရှာဖွေတွေ့ရှိထားပြီဖြစ်ကြောင်းသိရသည်။

အဆိုပါကျောင်းသူသုံးဦးကို ဇွန်လ ၂ ရက်နေ့ နံနက်(၇)နာရီကျော်အချိန်ခန့်က ပိုးရွှီပြင်အထက်ဘက် စမ်းကားအိုင်က ရှာဖွေတွေ့ရှိထားကြောင်း ပိုးရွှီပြင်ရဲစခန်းမှ အတည်ပြုပြောကြားသည်။

“ကျောင်းသူ(၃)ဦးရဲ့ အလောင်းကို ရှာဖွေတွေ့ရှိထားပါတယ်။ နာမည်တွေကိုတော့ မသိရသေးဘူး။(၈)တန်းနှစ်ယောက်နဲ့ (၇)တန်းတစ်ယောက်ပါ။ နောက်ကျန်နေသေးတဲ့ ကျောင်းသား၊ ကျောင်းသူတွေကိုလည်း ရှာဖွေနေပါတယ်။ ” ဟု ပိုးရွှီပြင်ကျေးရွာမှ မမိုးမိုးသန်းကပြောသည်။

ယင်းဖြစ်စဉ်မှာ ပိုးရွှီပြင်ကျေးရွာရှိ အထက်တန်းကျောင်းသို့ကျောင်းတက်ရန်ရောက်ရှိလာသည့် ကျောင်းသား၊ ကျောင်းသူ(၃၅)ဦးမှာ ဇွန်လ ၁ ရက်နေ့ ကျောင်းဆင်းချိန် နေ့လည်(၁)နာရီအချိန်က ပိုးရွှီပြင်ကျေးရွာမှ ရခိုင်ဂန့်ဂါကျေးရွာသို့ ကူးတို့စက်လှေဖြင့် ကူးကြရာတွင် လှေနစ်မြုပ်ခဲ့ခြင်းဖြစ်သည်။

ကျန်ရှိနေသေးသည့် ကျောင်းသား (၁) ဦးနှင့် ကျောင်းသူ (၃) ဦးတို့အား ဆက်လက်ရှာဖွေနေကြကြောင်း သိရသည်။

ဓာတ်ပုံ - ကျော်မြင့်ဆန်း
Development Media Group
https://www.facebook.com/DevelopmentNJ

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ